NDAK WIRIDNAK WENE 2:7 - Nanduk Ngget Tul Pidnak Wene

⁷ Nde, mbi tarem-e Nagawan Indo Mbal Pem Nagawan-nen nggweyak marig-et waga yarik, kona keya buruk, ap mbi ndak worak pij-o. Ndak worak purug-e, uruk makluk indisep ap na abiru nggwe pu yaga pil nggosoloma-ge, ap na-ge uruk yij-o.

NDAK WIRIDNAK WENE 2:7 ပူးပေါင်းရင်းမြစ်များ

NDAK WIRIDNAK WENE 1:27

Nde, Mbal Pem Nagawan-nen-e ap ndak wat onposolar-e, at ondomok abage worak ndak wat enpamu-o. Ndak wat onposolar-e, kwe min ap min ndak worak inpij-o.

NDAK WIRIDNAK WENE 2:6

Alat nde, yi amburu-ge nggweyak arem nggwe-nen nggweyak amburu rak pil luwasolat woragij-o.

NDAK WIRIDNAK WENE 3:19

Kar-e nggweyak yu bem-nen yabu wanosolar-e, mondok pabik paboksa wanosolat, kirigak mburuk-net yi mende ndi mende ebe-ge kwat mag-o. Iri kwat tenak irit worasoma, kar-e tuguruk nggweyak kwat min-o. Kar-e nggweyak-net ngen mbara keya kuburuk ndak wat kibidnak me, tuguruk kerem eram mburugun-o” luk yak tij-o.

NDAK WIRIDNAK WENE 3:23

Iri lug-e Nagawan Indo Mbal Pem Nagawan-nen-e at ndak wat ibidnak nggweyak iri na min yig mbal tenak wolmakluk, Eren yapmu-nen sera wirik ibij-o.

AYUP 4:19

Nde, nggweyakma nap nggweyak-nen yumaga konidnak ereba enpem-e ndag-o luk indi enpem puwa perasu-a? It iri-ge ngginggiris nggal tebera lak tak unpurak ndak-net yusu-o.

NDAWI ENGGA 100:3

Nagawan Indo iri-ge Mbal Pem Nagawan-net yusu-o luk kenaru mer-o. At-nen nir-e ndak wat nenpamu. Nde, nir-e at arengge-nen yili-o. Nir-e at ilirak, at-nen ndegel nonposo olomba oro-nen yili-o.

NDAWI ENGGA 103:14

Nagawan Indo-ge nir-e iri mende bem-nen ndak wat inpidnag-o luk iri-ge ar-e aru-o. At-nen-e nir-e nggweyak pem ndak wat ninpid iri na indi yebet kaso-o.

NGGOMO WENE 20:27

Ap inndi penggek tak poso marik iri-ge inndingen arem lombonoso me, Nagawan Indo eral nggal-nen yusu-o.

AID WENE YOSO NAP 12:7

Nit nenpe-ge tuguruk nggweyak kwat ma-o. Nit nunluk woragwi nindisep iri na-ge nindisep wok nindid Mbal Pem Nagawan eram-et tuguruk mburuwa-o.

AID WENE YOSO NAP 3:7

ndelak purak tarem min panggarurak tarem min enne lak wolmomtak tarem min enne yurak tarem min wat tak pusu-o.

YESAYA 64:8

Alat nde, Nagawan Indo wa-e. Kar-e nit nineid-net yusu-o. Nir-e mimi nggweyag-et nde, kat-nen kwarak ninpidnak-nen yusu-o. Nit oboksa-ge kat kinggi-nen kwarak ninpidnak-nen yusu-o.

YESKIEL 37:5

’Nagawan Indo Mondok Kek tak an-nen-e kit-nen tuguruk kunluk yobokluk an nindiseb-e kenarem pu yaga pil nggwimin-o.

YESKIEL 37:6

Tuguruk kenmengen min kununo min kwarak posolat, kenaboro mbeyoksa keya bimin-o. Iri rak kunpuruk, nindisep wok kondosola, tuguruk kunluk yugub-o. Kunluk yogolar-e, kit-nen-e an nimin-e ar-e ndemeret Nagawan Indo-nen yusu-o luk kenaru ma-o’ yak indi-o” luk yak nirij-o.

YOANES 20:22

Iri yurug-e, emende pu it enpem posolat-nen yosolar-e: ”Konak Indi waner-o.

YIDNAK YIDNAK WENE 17:25

At-nen-e ab-e ap pidsa unluk yaga wok ondosolat, indisep wok ondosolat, yi mende ndi mende wok ondoso me, at-nen lak mende mbi mondok lak me, ap ininggi-nen at ndegel uburag-e lag-o.

OROMA 9:20

Alat nde, naptak wa-e. Kir-e Mbal Pem Nagawan imin eyak wururag-e ndag-a? Nde, nggweyak yimbe-nen at ndak worak ibid nap na yak tosolar-e: ”Kar-e noluk-nen yu nggal ndak wat nibigen-o?” luk yak turag-e ndag-a?

1 KORINTUS 15:45

Mbal Pem Nagawan engga mbarak pem-nen yosolar-e: ”Nanduk woraso nap Aram iri-ge uruk mende worak irit kwat yij-o.” Alat nde, woroksiyem Aram iri-ge ap unluk yaga wok ondoso Indi irit kwat yij-o.

1 KORINTUS 15:47

Nanduk woraso Aram iri-ge nggweyak pem-nen ndak worak me, nggweyak ma nab-er-o. Alat nde, imbirik lobok yid Aram iri-ge aid arem-nen mbuwagaij-o.

2 KORINTUS 4:7

Alat nde, onggo nggok mende iri na-ge ndangen nggweyak-nen konidnak yimbe nit nenarem worasu-o. Iri worasu iri-ge amawi kwarat lombok iri na-ge nit-nen idnak amawi-ge lag-o. Are, Mbal Pem Nagawan-nen idnak amawi-o luk nam makluk-nen yusu-o.

2 KORINTUS 5:1

Wene yu-ge nenaru-o. Nit nggweyak ma yu me luru woragwi nunuwi na mijarak pogola-ge, Mbal Pem Nagawan-nen nit nenmanggim wiridnak uwi mbi aid arem worasu-o. Nde, o iri-ge ininggi-nen wiridnak wi-ge lag-o. Are, woralik nalik wolmomtak wi irit worasu-o.

1 TIMOTIUS 2:13

Aram nanduk ndak worak puruk, abog-e Awa ndak worak pidnak-nen yusu-o.

IBERANI 12:9

Nde, nit nineidtak-nen-e ninndi wanuwakluk nondogola-ge, nit-nen-e it unnu kek tak pugwi-o. Nde, Nineid Mbal Pem Nagawan-nen ninndi wanuwakluk nondosola, nunluk wolmakluk nundusu-o luk mondok at-nen yidnak yidnak terak menna irit kwaruwog-o.