NDAK WIRIDNAK WENE 2:3 - Nanduk Ngget Tul Pidnak Wene

³ Nde, at we ababok kwarid tarem iri-ge imbiringgat tak posolar-e, tarem iri-ge arig-et lenak pij-o. Iri kwarid iri-ge, at-nen eyabu ndak tak puruk, we woragid tarem ala-n kwarij-o.

NDAK WIRIDNAK WENE 2:3 ပူးပေါင်းရင်းမြစ်များ

NDAK WIRIDNAK WENE 1:31

Mbal Pem Nagawan-nen-e ndak worak pid mende ereba na yik karug-e, alen kwarat kagaij-o. Kubu woraruk, kuplila kwat yid iri-ge enam tak posolat tarem-o.

NDAK WIRIDNAK WENE 2:2

Ndak wosa keya burug-e, tuju rak posolat tarem-e yi mende ndi mende abu ndak worak puruk, Mbal Pem Nagawan-e we ababok kwasa woragij-o.

NEMIA 9:14

Kat-nen-e kababok kwarigen tarem lenak pigen iri na mondok nggok tak puwakluk wok indigen-o. Musa ebem-nen kat-nen idnak imiri mbarak pidnak wene-ge wok indigenma-o.

MBIRIGA WENE 23:12

Minggu misik arem kit-nen yabu wanogolar-e, enam tarem nak wanurag-o. Alat nde, tuju bem tak pogolar-e, konowam min kit ndegel kunpugwi nap min ap ngguru yabu wok kundugwi nap min enpabok kwaruwakluk kir-e kenpabok kwarogolat we wolmomtag-o.

MBIRIGA WENE 34:21

Yabu wanugwi tarem-nen na irit, ebe mbarugwi tarem-nen na irit, kininggi wanurak tarem-e enam tarem ya worasu-o. Nde, tuju bem tak pogolar-e, mondok yabu wanurak pug-o.

TEPAN OMBO-NEN KWARURAK WENE 23:3

Enam tarem-e kit keneyabu wanurag-o. Alat nde, tuju bem tak pogolar-e, we woragwi tarem iri-ge Nagawan Indo amanggim lenak pidnak tarem, we wolmomtak tarem-nen yusu-o. Nde, iri tarem-e kit ndok wutluk an nak nerembel wanogolar-e, yabu-ge mondok wanurak pug-o.

MARAKUS 2:27

Yak unduruk, Yesus-nen it yak ondosolar-e: ”We woragwi tarem iri-ge ap enmanggim lenak pij-o. Nde, ap ndak worak inpid iri-ge we woragwi tarem amanggim ndak worak inpigit lag-o.

LUKAS 23:56

Iri luk, it na enma mbirigarig-e, Yesus orogwak na bem ndarak purak emben konak mende min amburu min lid lud tak piga-o. Nde, we woragwi tarem-nen imiri mbarak pidnak wene-nen yidnak yidnak kwarogolar-e, it na onmbol kwarogolat woraiga-o.