NDAK WIRIDNAK WENE 2:16 - Nanduk Ngget Tul Pidnak Wene

¹⁶ Iri na me puruk, Nagawan Indo Mbal Pem Nagawan-nen ap Aram na yak tosolar-e: ”Kar-e yabu yu me worasu e yeba engen-e oboksa kat nasolat wolmomtag-o.

NDAK WIRIDNAK WENE 2:16 ပူးပေါင်းရင်းမြစ်များ

NDAK WIRIDNAK WENE 1:29

Nde, yak yoso mende nin tak nan tak, engen tup yoso mende min we engen yoso mende min oboksa-ge kit nok tenak worabok-nen wok kundusu-o.

NDAK WIRIDNAK WENE 2:15

Nde, Eren yapmu iri na me yabu wanogolat, e uwi kere uwi ereba na konogolat wolmaklug-e, Nagawan Indo Mbal Pem Nagawan-nen-e ap ndak worak pid na-ge Eren iri me-t pij-o.

NDAK WIRIDNAK WENE 2:9

Nde, iri na me-ge Nagawan Indo Mbal Pem Nagawan-nen-e e konak engen konak nak yoso nin tak nan tak iri-ge iri na me-nen wirik pij-o. Nde, e uwi kere uwi wirik pid ereba na enggendumu-ge unluk tak poso e uwi min meya min konak min elem mirik onposo e min ereya na-ge e kwarat ereba na enggendumu yak yij-o.

NDAK WIRIDNAK WENE 3:3

Alat nde, e enggendumu worasu iri engen perak nde, ’Mondok norak puk, kenaboro na siyag-et tet ebem yurak puk na-e’ yuruk Mbal Pem Nagawan-nen imiri mbarak pamu-o. Nit-nen nde ene kwid turuk kwarul ala-ge, nir-e mondok wat mul-o” yij-o.

1 TIMOTIUS 4:4

Mbal Pem Nagawan-nen ndak wiridnak tengge pidsa-ge konak nak-nen yusu-o. Misiget ter-o luk mondok wosama-ge lag-o. Are, pidsa nonggolar-e, Mbal Pem Nagawan wa yak turuk, norag-o.

1 TIMOTIUS 6:17

Nggweyak ma mende winde nap nggomo ondosolar-e: ”Kenambik kek yurak pug-o. Lak wolmomtak mende iri bem kinndi-ge mbung mbung tak wolmomtak pug-o. Are, nit nenalen kujwakluk, yi mende ndi mende kwarat tak nonposo Mbal Pem Nagawan ebem nak kinndi mbung mbung tak wolmer-o” luk nggomo indi-o.

1 SEMUEL 15:22

Yosoloma, Semuel-nen yosolar-e: ”Nagawan Indo-nen indingen kasu-ge at-nen yidnak yidnak kwarurak iri, lak? Are, at amanggim wam wosa kan purak iri-a? At amanggim wosa kan purak iri-ge marik-nen yusu-o. Alat nde, at-nen yidnak yidnak kwarurak iri perak nde mondok nggok-nen yusu-o. Lomba omok pugwi iri-ge marik-nen yusu-o. Alat nde, inndi-net at-nen yidnak nak kwarurak iri perak nde nggok-nen yusu-o.