NDAK WIRIDNAK WENE 2:1 - Nanduk Ngget Tul Pidnak Wene

¹ Iri kwasa Mbal Pem Nagawan-nen mbal min nggweyak min abu ndak worak pij-o.

NDAK WIRIDNAK WENE 2:1 ပူးပေါင်းရင်းမြစ်များ

NDAK WIRIDNAK WENE 1:1

Mondok mondog-e, Mbal Pem Nagawan-nen mbal min nggweyak min ndak worosolar-e,

NDAK WIRIDNAK WENE 1:10

Nde, nggweyak lorok tak iri na unu-ge ”Nggweyak” yarosolat, yi wonggona labuk yidnak iri na unu-ge ”Yi koma-o” luk yij-o. Nde, iri na yik karug-e, Mbal Pem Nagawan-e alen kagaij-o.

2 NAGAWAN NAGAWAN-NEN KWARIDNAK WENE 19:15

tepan yosolat-nen yosolar-e: ”Nagawan Indo Isarael nap Enmbal Pem Nagawan kerup aid nap ebem koreyak woraso wa-e. Nggweyakma wi o tena worali nagawan oboksa enanggul pem o tena woraso Mbal Pem Nagawan-e kat nak-nen yusu-o. Kat nak-nen mbal min nggweyak min-e ndak worak pigenma-o.

NEMIA 9:6

Iri yogola, Isarael nap-nen tepan-e yu nggal yiga-o: ”Kar-e Nagawan Indo-net yusu-o. Wonaru min mbal nggwe oboksa min yi koma min o yu min ebem worasu mende oboksa min-e kat-nen ndak worak puruk, ebem-e uruk urugup worak mende pigen-o. Mbal nggwe tena woragwi amawi worak-nen na kat keram endaru yunggusa koreluk kat nak kek tak kibili-o.

NDAWI ENGGA 104:2

Kar-e keyaya nak-nen muruk tak worasu-o. Kat-nen mbal-e o lije sum wi nggal laruksa mbeyoksa pigen-o.

NDAWI ENGGA 146:6

Nagawan Indo-net mbal min nggweyak min yi koma min ebem woraso mende oboksa min ndak worak pamu-o. At iri-ge at-nen urul pidnak ereba na pempa tugup lak ndak ndak kwat onposolat woraso-o.

NDAWI ENGGA 33:6

Nagawan Indo-nen-e ene nak-nen ”Kwat min-o” yidnak pem mbal ndak wosa labuk yosolat, molengen min waneya min wonaru min at ene nak-nen ndak wosa keya bamu-o.

NDAWI ENGGA 33:9

Iri kwarugwi iri-ge at ene nak-nen ”Iri nggal kwat mag-o” yidnak pem nak oboksa ndak wosa labuk yosolat, at-nen ”Iri nggal kwat min-o” yid pem nak oboksa ndak wosa labuk yil lobok yosolat kwarid iri bem-net kwarurag-o.

MBIRIGA WENE 20:11

Nagawan Indo an-nen nggweyak min mbal min yi koma min ereya ebem woraso min oboksa ndak worosolar-e, enam pem nak ndak wurukmu-o. Alat nde, tuju bem-e nebabok kwarosolat, we worakmu-o. Iri bem-nen we woragi tarem iri-ge imbiringgat tak puruk, narik namanggim nak lenak pukmu-o.

YESAYA 42:5

Nagawan Indo Mbal Pem Nagawan-nen-e mbal ndak worak puruk, yemara bij-o. Nggweyak na at-nen kwarak puruk, ebem yak yoso mende min-et kwasa bij-o. At-nen-e nggweyakma nab-e unluk tak poso inndisep min inndi min wok indij-o. At-nen-e at ndegel oboso nap iri na ebem wene posolat-nen yosolar-e:

YESAYA 45:12

An-e o yu ndak worak puruk, o yu na bem ap wolmakluk nggweyakma nap ndak worak inpigi-o. Iri kwarosolar-e, an namawi bem-net mbal yemarak pigi-o. Nde, mo min waneya min wonaru min ereba-ge an-net tena worasu-o.

YESAYA 45:18

Nagawan Indo mbal ndak worak pid iri-ge Mbal Pem Nagawan-net yusu-o! At iri-net o yu-ge kwarak posolat, ndak worak pamu-o. Iri yamu, o yu-ge tugup lak irit mendak worasu-o. At-nen o ndak worosolar-e, we o nak ap tuporak wolmakluk ndak wirigit lag-o. Are, enpe wolmomtak ondoro worak irit ndak worak pamu-o. At-nen yosolar-e: ”An-e Nagawan Indo-nen yusu-o. An nggal erep mbi worali-ge mondok lag-o.

YESAYA 55:9

Nggweyakma yu me-nen mbal-e mondok teram kali iri nggal-et, an-nen yebet kaso-ge kit-nen yebet kagwi-ge teberak puruk, terak minik teram-net yusu-o. Nde, an-nen kwaroso na kit-nen kwarugwi-ge teberak puruk, terak minik teram-net yusu-o.

YESAYA 65:17

Nagawan Indo-nen yosolar-e: ”An-nen-e mbal min nggweyak min-e ngget ndak wosa pimin-o. Nanduk-nen kwarugwi mende ereba-ge meme rak puruk, mondok yebet kujwa bug-o.

LUKAS 2:13

Ereya na-net aid nap na imin-e aid nap mondok kwarat nam luk, Mbal Pem Nagawan erembel wanogolat-nen ndawi yogolar-e:

YIDNAK YIDNAK WENE 4:24

Yak ondogolikma-ge, it kuluruk yigarik, it inndi misiget luk, Mbal Pem Nagawan eram tepan yogolar-e: ”Nagawan Indo wa-e. Mbal min nggweyak min yi koma min arem worasu mende pidsa-ge kat nak-nen ndak wirigen-o.

YIDNAK YIDNAK WENE 7:42

Alat nde, Mbal Pem Nagawan-nen it yak ondosolar-e: ’Mbal pem woraso mende ereba nak erembel wanogolat wolmer-o’ luk ombol wok indij-o. Iri yid iri-ge, Mbal Pem Nagawan ene lomboksa yugwi nap-nen engga mbaridnak arem-nen yosolar-e: ’Isarael nap wa-e. Karu me-nen molengen lasolat mbosolat empat pulu (40) woragolar-e, kir-e wam wosa an namanggim pogolat woraigeb-a?

TUGURUK YIDNAK WENE 4:19

Kit-nen kagwi mende mbal pem woraso: mo min waneya min wonaru min erembel wanogolat, ndegel obogolar-e, meya yurak pug-o. Nagawan Indo kit nen idnak Mbal Pem Nagawan-nen ap enlem ereb-e ereba-t erembel wanogolat wolmakluk keya inpij-et nde,

IBERANI 4:3

Nde, nit ninndi angin tubu yige nab-e Mbal Pem Nagawan indisep kwaroso sa iri me-t nindisep kwaril nggul-o. Iri-ge Mbal Pem Nagawan-nen yosolar-e: ”An nisilepma luk owak mbarosolar-e: ’It iri-ge an nindisep kwaroso sa iri me mondok pem ngguma bug-o’ luk owak mbarigi-o” luk yij-o. Iri yid iri-ge o nggweyak yu me ndak worak pidnak kuri-net at eyabu pidsa worak tak pij-et nde, at-nen iri yij-o.