NDAK WIRIDNAK WENE 19:9 - Nanduk Ngget Tul Pidnak Wene

⁹ Alat nde, it Sorom nap ereba na-nen Lot yak togolar-e: ”Kebe-o! Kat na ap sal nin nap-net yusu-o. Kat-nen nit nenpem wene mbarugun-a? Mondok kebe-o! Lak nde ala-ge, it mberen inmin kwat unpuwokluk yili yu-ge te-t nde, mondok terak minik ija nggal kwat kubul-o” luk panggo yogolat, Lot na pela keya buruk, tu na yutlukmu,

NDAK WIRIDNAK WENE 19:9 ပူးပေါင်းရင်းမြစ်များ

NDAK WIRIDNAK WENE 11:6

Nagawan Indo-nen yosolar-e: ”Nde, it yu-ge enlem na misiget, enne na misiger-et woragolat, mondog-et nde it-nen kwarurak mururak abu lid lud tak pili yu-ge woragolar-e, yanem-et it inndi-n pidnak iri-ge mondok kwaruwar-o.

NDAK WIRIDNAK WENE 13:12

Abaram na-ge o Kanaan iri na me-t worala-t nde, Lot na-ge o siri nggwe ap lak tusuangge worak nggwe-nen o lije sum nak ya worak mbirid mbirid o Sorom mak mak wok yij-o.

MBIRIGA WENE 2:14

Yosoloma, ap iri na-nen Musa yak tosolar-e: ”Kar-e ta-nen nit-nen kene kologolat, nenpem wene mbarosolat wolmakluk mendak kebamu-o? Mesira nap wirigen iri na nggal an min-et nururak yusu-a?” yak tosoloma, Musa na-nen perasolar-e: An-nen kwarigi yu nde abu naru karu yidnak worasu kagi” perarug-e, kwiye kwarat ebem wok yij-o.

NGGOMO WENE 27:3

Kerep min sisiri min-et nde, iri-ge angin-e marig-et nggal-nen yusu-o. Alat nde, ereya angin min ndak worogolar-e, ap wid-nen inndi andi bandi rak pugwi iri-ge ereya angin nggal-e lag-o. Terak minik-net yusu-o.

AID WENE YOSO NAP 9:3

Iri bem-e enpem mboso mende iri-ge misiget ereb-et oboksa enpem mboso-nen yusu-o. Iri kwaroso iri nak perak nde yi mende ndi mende ndak worak pidnak mende oboksa inndi abi kalak poso mende-nen yusu-o. Nde, woragolar-e, ki nap inndi-ge meya nak kobong tak worasu-o. It-nen yebet kagwi min-et inndi lak-nen yebet kagwi nak kobong tak worasu-o. Iri kwarak irit worakmu, mimo wat yugwi-o.

YESAYA 65:5

it-nen ap yak ondogolar-e: ’Nir-e mondok marak nenarik lenag-et me, kit kinmin nit nenpem purak pug-o. Ndak mboksa mberer-o’ luk yili-o. It-nen iri kwatli iri kasolar-e, mondok mamak purag-e meya yusu-o. An nisilepma-ge nigi yoso buk kanduk nggal mondok enpem puruk worasu-o.

MATIUS 7:6

Marak kopkap lak mende iri-ge yengge wok turak pug-o. Nde, kit kenarengge onggo nggulok pugwi kerep iri-ge wam mbo wok turak pug-o. Wam iri ujok-nen lul lul wosa keya buruk, nden karuk lobok yosolar-e, mbal kunpuwa-o.”

1 SEMUEL 17:44

Iri luk Ndaut yak tosolar-e: ”Ndak wasug-o. Kebe iri-ge towe mena-nen nujwakluk wok teyek-nen ndak wasug-o” yak tij-o.

1 SEMUEL 2:16

Iri yosola, ap iri na-nen yak tosolar-e: ”Kwarugwi-t kwarogolat Nagawan Indo amanggim omok nanduk kan puruk-nen kondomok kindi-n pidnak wanurak iri-ge ob-o” luk yak tosola-ge, tepan ombo yongga woroso nap iri na-nen yosolar-e: ”Mondok lag-o. Yanem-et wok nururag-o. Lak nde ala-ge, mondok nerambet mengga wanimin-o!” luk yoso-o.

1 SEMUEL 25:17

Iri bem wene yu-ge kwara yebet karuk, kat-nen kwarurak iri-ge iri nggal-et kwareyeg-o luk wat tak purag-o. Nde, wene iri bem-e mondok onggo-ge nonmbo Nabal min at ama woragwi nap oboksa nenpem-e mondok angin worak worasu-o. Nde, nonmbo Nabal yu-ge abut meya, wene na koloso buk me, mondok meya-o” yak tij-o.