NDAK WIRIDNAK WENE 19:3 - Nanduk Ngget Tul Pidnak Wene

³ Yogola, Lot-nen-e enmengen kwarat mbarid mbarid, at imin at ama nggwiga-o. Nggogolar-e, nunggwi mende undu konak nak min oroti kan engen pem wora min enndam pamu, ndak irit ningga-o.

NDAK WIRIDNAK WENE 19:3 ပူးပေါင်းရင်းမြစ်များ

NDAK WIRIDNAK WENE 19:2

yosolar-e: ”Naptag-o. An nema ngguruk, kunuwok marak pogola, an nema nene luk-nen mbururak nde ala-ge, kubu kabu-nen mbururak peraigep sa mbururag-o” yak indij-o. Yak ondosoloma, it-nen onggo yogolar-e: ”Nab-o. Nir-e silmu yeba-t nene yul-o” yiga-o.

NDAK WIRIDNAK WENE 21:8

Nde, la na nggok yosolat, kamo mbarak posola-ge, Abarakam-nen-e alen yosolat, yi mende ndi mende nggok sagij-o.

NDAK WIRIDNAK WENE 24:31

Mberarik, Laban-nen ap na yak tosolar-e: ”Nagawan Indo-nen imbiringgat tak kibidnak nab-o! Kar-e mbepme yeba worasu-ge meyog-o. Ma mburuwog-o. Kat kondoro min kowam unta wam ereba min nene yurak ondoro-ge abu lud tak pidnak worasu-o” luk yak tij-o.

NDAK WIRIDNAK WENE 26:30

Iri yogola-ge, Isak-nen-e: ”Naptag-o. An nimin totno nunggwi mende nog-o” luk, sagarik ningga-o.

2 NAGAWAN NAGAWAN-NEN KWARIDNAK WENE 4:8

Nde, o Sunem iri me-ge kwe arengge worak mbi woragij-o. Nde, misik tarem-e Elisa iri na-ge Sunem mbirij-o. Mberarik pem-e kwe iri na-nen nunggwi mende at ama-nen norak yonggo ibij-o. Nde, iri tarem-nen tel korarig-e, Elisa iri na pempa Sunem wok yosolar-e, nunggwi mende-ge kwe iri na ama-nen nok tenak woragij-o.

MBIRIGA WENE 12:15

Nagawan Indo-nen yosolar-e: ”Kir-e oroti lomboroso mende pigit lak woraidnak oroti iri nak nonggolar-e, tuju tarem wolmomtag-o. Nde, mondog-et tel korogolar-e, oroti lomboroso mende-ge mondok kenma-nen oboksa pendega mbo ber-o. Ta-nen nde tuju tarem woragolat iri-nen nde oroti lomboroso mende pidnak oroti ninggidnak ala-ge, iri-ge an nelem nab-e wolma bug-o.

MBIRIGA WENE 12:39

Nde, ir-e Mesira-nen oroti lomboroso mende pigit lak awo worakit lak kona pidnak waruk mbiriga ereba na-ge oroti woraiga-o. Nde, it na-ge iri me-nen langgara wirik onpogola, mija lele nak mborogolar-e, tularo mondok lid lud tak pigit lak irit mbiriga-o.

LUKAS 11:8

Iri ala-ge, ngge kwarurak kali-o? An yak kendeyeg-o. We anggam pem nag-e mburu iri wok kuruwa bug-et nde, ’Wok niri-o’ luk kwiye lag-et kiri keresa nggi yik tenak worasola-ge, men luk, kat-nen ukwe luk nggi yugun mende-ge wok kuruwa-o.

LUKAS 14:23

Yosoloma-ge, eid na-nen ndegel oboso nap na yak tosolar-e: ’An nama yebet yuwaklug-e, kar-e tula nggok nggwe min marik nggwe min mborosolar-e, ap yorok porok wesu bem woragwi ereba kene lembesa langgara inpil lobok yi-o.

LUKAS 5:29

Iri luk, Lewi na-ge at ama-nen Yesus ijok kerengge nggulok mbi sagosola-ge, pemerinta enmanggim tol ndok wurugwi nap kwarat min ap erep min-e it inmin totno ningga-o.

YOANES 12:2

Iri me-nen-e Yesus amanggim nunggwi mende saiga-o. Nde, nunggwi mende na nonggolar-e, Lasarus na-ge it erep inmin Yesus imin koreyak woragola-ge, Marata-nen nunggwi mende mak ondosolat woragaij-o.

1 KORINTUS 5:8

Iri bem-e, nir-e sakwi tarem iri igijak worogolar-e, nanduk-nen lomboroso mende, meya yugwi min uwingga mbarugwi min yidnak lomboroso mende arem pidnak oroti iri imin igijak wururak pug-o. Are, lomboroso mende arem pigit lak oroti, mbek tak pidnak oroti, ndemeret wene bem yidnak oroti iri nak igijak wuruwog-o.

2 KORINTUS 5:14

Nde, Kerisut-nen nit nenabuwa kaso elem-nen-e nit tena nunpuruk worasola me, nit-nen yebet kagolar-e, ap misiget nak-nen ap oboksa enmanggim wat yid iri bem-nen ap oboksa wat yikma-o.

IBERANI 13:2

Kir-e kit-nen eneyagwi buk nab-et nde, kenma rak unpurak iri-ge meme rak purak pug-o. Ap erep-nen iri nggal kwariga bem-e enaru bug-et nde, aid nap nde enma rak pikma-o.

WENE MBENARUGWI NAP-NEN KWARIDNAK WENE 6:19

Yosoloma, Nggireyon na mberarig-e, kambing mendaso misik saguruk, nggandum mbato yigirik mabe nggal angin-e sepulu kilo wanuruk, oroti lomboroso mende pigit lak kona woragurug-e, iri rak purug-e, uno iri na-ge mul sum misik arem yarak puruk, nde, amburu-ge togolwak arem puruk, saguruk lobok yosolar-e, Nagawan Indo-nen idnak aid nap at yik karok e terepentin indipma worasu iri na eram saga pil lobok yij-o.

1 SEMUEL 28:24

Iri yosola-ge, kwe iri na-nen-e sapi usul misik wutluk, nggandum mbato yigirik mbi wanarik, omok wosa oroti lomboroso mende pigit lak oroti mbi woraguruk,