NDAK WIRIDNAK WENE 17:8 - Nanduk Ngget Tul Pidnak Wene

⁸ Yawo kat ap sal nggal worasu nggweyak yu-ge kat min kat-nen wigarak min winde rak kinpimin-o. Nde, an-e it Enmbal Pem Nagawan kwatluk, o Kanaan nggweyak oboksa-ge kat-nen wigarak wok undumu, pem irit winde wolma-o” luk urul yak tij-o.

NDAK WIRIDNAK WENE 17:8 ပူးပေါင်းရင်းမြစ်များ

NDAK WIRIDNAK WENE 12:7

Nde, Nagawan Indo na-ge Abaram imbiri bem nam luk-nen yak tosolar-e: ”Nggweyak yu-ge an-nen kat-nen wigarak wok indimin nggweyak-nen yusu-o” luk yak tosoloma-ge, Abaram-nen-e at anggarem nam yid Nagawan Indo iri na amanggim wam wosa kan purak ondoro kona ndama pil lagaij-o.

NDAK WIRIDNAK WENE 13:15

Nde, o nggweyak kat-nen kaigen ereba oboksa-ge an-nen kat min kat-nen wigarak min-et wok kindimin-o. Iri yumu, mondok pem kat karengge irit wolma-o.

NDAK WIRIDNAK WENE 13:17

O nggweyak yu-ge an-nen wok kirimin me, kar-e yawo-ge o nggweyak wok kirimin ereba oboksa limbinil waring ki-o” yak tij-o.

NDAK WIRIDNAK WENE 23:4

”Naptag-o. An-e ap sal-et nde, kennggendumu worasu-o. Iri bem-e an nogwe yapma peyek-nen nggweyak siyak mbi kenpem onggo purag-e nunggwirig-o?” luk yak indij-o.

NDAK WIRIDNAK WENE 26:24

Mberarik, nene yosoma, kubu-ge Nagawan Indo at eram wok yosolat-nen yak tosolar-e: ”An-e keid Abarakam Embal Pem Nagawan-nen yusu-o. Kwiye yurak pug-o. An-e nggetlel kuburuk nosolat worasu-o. An-nen an ndegel noboso nap Abarakam urul yak tosolat: ’Yu nggal kwat kibimin-o’ luk urul yak tigi iri na ndak ndag-et an-nen imbiringgat kebem posolat, kat-nen wigarak kwarat tak kobosolat irit kwat kibimin-o” luk yak tij-o.

NDAK WIRIDNAK WENE 28:4

Nagawan Indo-nen imbiringgat tak kobosolar-e, kat-nen wigarag-e Nagawan Indo-nen Abarakam imbiringgat tak obosolat-nen yak tid iri na ndak ndag-et wok kuruwag-o. Nde, kar-e Mbal Pem Nagawan-nen Abarakam wok tid nggweyak kat worasu yu-ge winde yugun-er-o” yak tij-o.

NDAK WIRIDNAK WENE 35:27

Nde, Yakup na-ge nanduk ombo Abarakam woragid sa iri na me-t at eid Isak na-ge o Mamere Eboron koroga iri na me-t worasoma, eram wok yij-o.

NDAK WIRIDNAK WENE 37:1

Nde, Yakup na-ge eid woraso sa Kanaan iri na-t woragij-o.

NDAK WIRIDNAK WENE 48:4

yak norosolar-e: ’Kat-nen wigarak ap enlem kwarat maklug-e, kat kilirak-nen nderak koworak, komborak kwarat wok kirimin-o. Nde, o yu-ge kat-nen wigarak-nen pem irit woralik nalik wolmakluk wok indimin-o’ luk yak nirij-o” luk yij-o.

2 SEMUEL 23:5

Iri nggal kwasa an-nen wigarag-e Mbal Pem Nagawan-nen-e inmbiringgat tak unpuwa-o. At-nen an nimin urul yak niridnak wene-ge nden kujwa bug-o. Yi wene ndi wene bem-e mondok ndak ndak nak kwaroso-o. An-nen ombol nggwe yigi-ge Mbal Pem Nagawan-nen kwara tena woralat, an nindi-nen ukwe pidnak ndak tak nobosolat wolma-o.

NDAWI ENGGA 103:17

Alat nde, Nagawan Indo-ge at aye worak woragwi nap pem irit enabuwa kasolat, at-nen konak nak kwat onposo mende-ge ap pem lud irit pem kundugu kandugu kwat onposolat woraso iri-ge

NDAWI ENGGA 105:11

At-nen yosolar-e: ”Kanaan nggweyak iri-ge kat wok kirimin-o. Iri yumu, keid imining angge nggal kat karengge kwat ma-o” luk yak tij-o.

NDAWI ENGGA 105:9

At-nen urul pid iri-ge nandug-er-e Abarakam imin urul puruk, imbirig-e Isak imin pij-o.

MBIRIGA WENE 13:11

Musa-nen Isarael nap yak ondosolar-e: ”Nagawan Indo-nen kit konmborak inmin owak mbara yak kindidnak wi iri me kinmin mburuwama, nggweyak iri nde kit winde luk woragolar-e,

MBIRIGA WENE 21:6

onggo ibid nap iri na-nen imin luk mbutlug-e, Mbal Pem Nagawan ama wok yogolar-e, ndegel oboso nap iri na-ge, ’Kar-e tu mende bem ala na, owak tumende manda iri na eralu men min-o’ yak turuk, ndegel oboso nap iri na-ge owak mak mak eyanggo uru pulurag-o. Iri-ge nde pempa onggo pidnak nap iri na nak ndegel obosolat mumnggup manggim kwat yosolat-nen eyanggoru pulurag-o.

MBIRIGA WENE 32:13

Kat ndegel kubugwi nap Abarakam min Isak min Yakup min yebet eneyasolar-e, kat-nen urul owak mbara watsa yak ondosolar-e: ’Kit nen wigarag-e wonaru mbal pem abu nggal kwarat ma-o’ luk urul yak ondosolat, ’O iri na oboksa-ge kit-nen wigarak winde yuwarik, pem-et woralik nalik irit ombo wolma-o’ luk urul yak indigen iri na yebet ki-o’ luk yak tij-o.

MBIRIGA WENE 6:4

An-e it inmin-e urul pi-net yak undukmu-o. An-nen urul yak ondosolar-e: ’Kit nanduk ap sal nggal woraigep sa o Kanaan iri-ge kir-e wok kindimin-o’ luk urul yak undukmu-o.

MBIRIGA WENE 6:7

Iri yosolar-e, kir-e an nilirak tak konposolat, nde, an-e kit Kenmbal Pem Nagawan kwat yimin-o. Nde, kit Mesira iri me-nen mumnggup manggi rak kinpili nap iri ininggem-nen wisirik konposola-ge, an nimin-e ”Ar-e nit-nen idnak Nagawan Indo Mbal Pem Nagawan-nen yusu-o” luk kenaru ma-o.

YEREMIA 31:1

Nagawan Indo-nen yosolar-e: ”An-e Isarael nap enlem oboksa Enmbal Pem Nagawan kwat yosolat, it na an nilirak kwat yurak tarem-e wog-et ma-o.

TEPAN OMBO-NEN KWARURAK WENE 16:34

Nde, Isarael nap meya yidnak kora keya buwakluk wanurak yabu iri wanogolar-e, olengen ndak wosa misik arem-nen misik pem nak kwatluk, pempa kwat tenak wolmomtag-o. Yosoloma-ge, Musa-ge Nagawan Indo-nen yak tidnak ndak ndak nak irit kwarij-o.

WONARIDNAK WENE 27:12

Nagawan Indo-nen Musa yak tosolar-e: ”Kar-e ndobo Abarim pem lagundik, an-nen Isarael nap wok indimin o iri na yik ki-o.

YIDNAK YIDNAK WENE 7:5

Nde, Mbal Pem Nagawan-nen-e o yu me-ge at winde rak pigit lak, nggweyak mariger-o luk tet winde rak pigit lak yij-o. Alat nde, at ambara na awo ndakit lag-et nde, Mbal Pem Nagawan-nen urul paga yak tosolar-e: ’O yu-ge kat min kat-nen ndakun lolo min konnggweyag-et makluk wok kindimin-o’ luk yak tij-o.

TUGURUK YIDNAK WENE 26:18

Nde, yawo-ge Nagawan Indo-nen-e: ’Nilirak tak kinpimin-o’ luk urul yid iri na ndak ndag-et at ondomok ilirak tak kunpusu-o. At-nen-e at-nen kenpem pidnak wene oboksa kwarobokluk kenpem pusu-o.

TUGURUK YIDNAK WENE 32:49

”Kar-e o Yeriko ndik pindik Moap nggweyak pem ndobo worak Abarim nggwe mbiri-o. Mburugundig-e, Nebo ndobo bem lagundik, o yanem Isarael nap wok indimin Kanaan wi iri na yik kil mbiri-o.

TUGURUK YIDNAK WENE 32:8

Amawi Worak Mondok Kek tak iri na-nen nggweyak tomborosolar-e, ap enlem lombok oboksa-nen it wolmomtak unuwi nggweyak lombok kuri wosa mbal indil lobok yamu-o. It-nen erembel wanurak enmbal pem nagawan amawi worak lombog-et winde rak enpamu-o.

TUGURUK YIDNAK WENE 34:4

Mirik uburuk, Nagawan Indo-nen Musa yak tosolar-e: ”An-nen Abarakam min Isak min Yakup min it-nen wigarak wok undurak urul yak indigi nggweyak na-ge irir-o. Musa kar-e kanokluk mirik kibigi-t nde, kar-e iri me-ge mondok mbururag-e lag-o” yak tij-o.

TUGURUK YIDNAK WENE 4:37

At-nen konmborak unpud kasolar-e, it-nen wigarak kit len kunpuruk, amawi kwarat pem Mesira-nen lesa wok kunpuruk lobok yij-o.

IBERANI 9:15

Iri bem-e, Kerisut-nen-e ki nap min Mbal Pem Nagawan min ennggendumu ngarak koro yosoluk, urul pidnak wene ngget misik kwat yid iri-ge, it Mbal Pem Nagawan-nen wene mbo inpidnak nap-nen-e Mbal Pem Nagawan-nen imbiringgat pem-et wolmomtak urul pidnak iri wanuwakluk kwat yij-o. Nde, nanduk tul pidnak wene na tena woragolat-nen meya yogolat woraidnak iri na lak tak posolat-nen Kerisut wat yid iri bem-nen pidsa ndak kwat yusu-o.

YOSUA 1:2

yosolar-e: ”An ndegel noboso nap Musa-ge wat yamu me, yawo-ge kat min Isarael nap oboksa min Yi Yareren mbatluk, o Isarael nap wok indimin iri na me nggurak pem lid lud tak per-o.

NAM PARA WENE 21:7

Amawi luk, ombol nggwe yuwa nab-e yeba oboksa winde ma-o. Nde, an-e it Enmbal Pem Nagawan kwat yosolat, ir-e an nilirak kwat ma-o.