NDAK WIRIDNAK WENE 17:14 - Nanduk Ngget Tul Pidnak Wene

¹⁴ Ap-net nde, iye ambesap mbarigit lak ala-ge, an-nen urul yak kindigi iri na kwarigit lak yosola me, at iri-ge an nelem nab-e mondok lag-o” yak tij-o.

NDAK WIRIDNAK WENE 17:14 ပူးပေါင်းရင်းမြစ်များ

1 KORINTUS 11:29

Nde, yu-ge ndemeret Nagawan Indo ebe-net yusu-o luk yebet kagit lak-nen mburu min yimbe arem kenanggo min nujwa nab-e, at ondomok are pusu-o.

1 KORINTUS 11:27

Iri bem-e, ta-nen nde mburu min Nagawan Indo-nen idnak yimbe kenanggo min yun munsa-t nasolar-e, Nagawan Indo ebe min eyab min meya rak pusu-o.

YEREMIA 31:32

Nde, an-nen urul ngget yak indimin iri-ge nanduk it onmborak Mesira-nen lit unpuruk lobok yosolat yak indigi iri na nggal-e lag-o. Nde, an-e it unun nggal kwat yigi-t nde, ir-e an-nen it inmin urul yak indigi iri na-ge ndak ndak kwarigit lak yiga-o.

YESAYA 33:8

Nde, tula tula nggok ereba na-ge mburukmu-ge, it lak tak unpurak ala, keya buruk ap misiger-o luk mbi-nen tula iri nggwe-ge mbitli bug-o. ”Irit kwarimin-o” luk, urul pidnak wene ereba na-ge kwarigit lak yogolat, ”Ob-o” luk inndi misiget yidnak ereba na-ge keya bogolat kwatli-o. Iri kwarogolar-e, it na it-net ennggamirak enne kulili bug-o.

TEPAN OMBO-NEN KWARURAK WENE 19:8

Ta-nen nde wam mbarak mberen nene yidnak iri nasola-ge, an namanggim pidnak iri na te rak posola me, ap iri-ge mondok an nelem nab-e wolma bug-o.

MBIRIGA WENE 12:15

Nagawan Indo-nen yosolar-e: ”Kir-e oroti lomboroso mende pigit lak woraidnak oroti iri nak nonggolar-e, tuju tarem wolmomtag-o. Nde, mondog-et tel korogolar-e, oroti lomboroso mende-ge mondok kenma-nen oboksa pendega mbo ber-o. Ta-nen nde tuju tarem woragolat iri-nen nde oroti lomboroso mende pidnak oroti ninggidnak ala-ge, iri-ge an nelem nab-e wolma bug-o.

NDAK WIRIDNAK WENE 17:15

Iri luk, Mbal Pem Nagawan-nen Abarakam yak tosolar-e: ”Kar-e kogwe iri unu-ge Sarai-o yusu iri-ge lag-o. Yawo kuri-nen kogwe iri unu-ge Sara-o.

NDAK WIRIDNAK WENE 34:14

Enesiget wene yak ondogolar-e; ”Nit-nen: ’Iniye ambasap mbarugwi buk nap iri wani-o’ luk nit-nen nonowot yak turak iri-ge nir-e ninnggiri-o.

TEPAN OMBO-NEN KWARURAK WENE 23:29

Ta-nen nde iri tarem nunggwi mende mbi nujwa ala-ge, Nagawan Indo elem nab-e wolma bug-o.

WONARIDNAK WENE 9:13

Alat nde, it ap wat yidnak iri na imin na enpem yigit lak, tu erepma na mbirigit lag-et nde, O Wot Kaidnak Tarem iri sagurak liring liring tak pili nab-e an namanggim pugwi tarem ar-e an namanggim wosa pigit lak yarik me, mondok an nelem nab-e wolma bug-o. At meya yidnak onggo-ge ebem mbumar-o.