NDAK WIRIDNAK WENE 17:1 - Nanduk Ngget Tul Pidnak Wene

¹ Nde, Abaram na woralar-e, olengen sembilan pulu sembilan (99) pem worasoma-ge, Nagawan Indo at imbiri bem nam yosolat-nen yak tosolar-e: ”An-e Mondok Namawi worak Mbal Pem Nagawan-nen yusu-o. Kar-e an-nen yidnak yidnak nak kwarosolat, pempa an nindi-nen pidnak nak kwarosolat wolmin-o.

NDAK WIRIDNAK WENE 17:1 ပူးပေါင်းရင်းမြစ်များ

NDAK WIRIDNAK WENE 12:1

Nagawan Indo-nen Abaram yak tosolar-e: ”Kuwi nggweyak min kowe kowot min keid uwi min oboksa keya buruk, o an-nen mirik kibimin sa irit mbiri-o.

NDAK WIRIDNAK WENE 12:7

Nde, Nagawan Indo na-ge Abaram imbiri bem nam luk-nen yak tosolar-e: ”Nggweyak yu-ge an-nen kat-nen wigarak wok indimin nggweyak-nen yusu-o” luk yak tosoloma-ge, Abaram-nen-e at anggarem nam yid Nagawan Indo iri na amanggim wam wosa kan purak ondoro kona ndama pil lagaij-o.

NDAK WIRIDNAK WENE 16:16

Nde, ereya tarem-e Abaram na woralar-e, olengen delapan pulu enam (86) woragij-o.

NDAK WIRIDNAK WENE 18:1

O Mamere iri me e erembel wanugwi ereba na erem pem Abarakam na-ge koreyak woragij-o. Iri tarem-e mo eyak-nen uwi sum-nen wiridnak o lije iri na tumende bem koreyak worasoma-ge, Nagawan Indo-ge Abarakam imbiri bem nam yij-o.

NDAK WIRIDNAK WENE 18:14

Nagawan Indo-nen-e kwarugwi buk mende-t nde kwarurag-e meya? Waneya sembilan woraruk, an-e lobok yimin-o luk urul pigi iri tarem-e Sara-ge la li ap mbi ndaguwa-o luk yak kirigi nar-o” luk yak tij-o.

NDAK WIRIDNAK WENE 24:40

Yosolakmu-ge, at-nen yosolar-e: ’An-nen idnak Nagawan Indo pempa an-e at-nen yidnak yidnak kwaroso Nap iri-nen idnak aid nap-nen-e kat yongga korosola, kat-nen yabu wanugun iri-ge ebe worak ma-o. Nde, an nambara amanggim kwe-ge an nerem nap an neid owe owot-nen nderak ennggendumu-net kagun-o.

NDAK WIRIDNAK WENE 26:2

Iri kwarosola karug-e, Nagawan Indo Isak eram wok yosolat-nen yak tosolar-e: ”Kar-e an-nen yak kirigi iri na ndak ndag-et worasu sa yu me-t wolmin-o. Mesira wi-ge mbururak pug-o.

NDAK WIRIDNAK WENE 28:3

Mbal Pem Nagawan mondok amawi worak iri na-nen kat kogwe min wok kerak mbugup iri na imbiringgat tak kobosolar-e, kar-e ap kwarat onmbo irit kwat yonokluk kilirak kwarat wok kuruwag-o.

NDAK WIRIDNAK WENE 35:11

Nde, Mbal Pem Nagawan-net tuguruk yak tosolar-e: ”An-e Mbal Pem Nagawan Mondok Namawi Worak-nen yusu-o. Kat-nen wigarag-e kwarat mag-o. Kat karem-nen ap enlem kwarat mborosolat, nagawan nagawan onmbo kek tak irit kwat yugun-o.

NDAK WIRIDNAK WENE 43:14

Nagawan Indo Amawi Ambik iri na-nen Ngguberenot iri arem yabu wanosola, kit kenabuwa kasolat, Simeon min Mbenyamin min kendam tuguruk puwag-o. Nde, an-e nilirak lag-et yuwama-ge, no kwarimin-o? Meya-o” luk yij-o.

NDAK WIRIDNAK WENE 46:3

Mbal Pem Nagawan-nen yosolar-e: ”An-e Mbal Pem Nagawan, kat keid-nen kek tak noboso Mbal Pem Nagawan-nen yusu-o. Kar-e Mesira mbururak kwiye yurak pug-o. An-nen-e kat-nen wigarag-e o iri me-nen-e ap elem nggok misik kwarak pimin-o.

NDAK WIRIDNAK WENE 48:15

Iri rak unpuruk, Yusup na imbiringgat tak onposolat-nen yosolar-e: ”Mbal Pem Nagawan iri-ge nomborak Abaram min Isak min-nen erembel wanugwi Nagawan Indo-nen yusu-o. At iri-net an-e pem lit niyuruk noso-net, yawo na lit niyuruk nusu-o.

NDAK WIRIDNAK WENE 48:3

Koreyak worasolat-nen Yakup-nen Yusup yak tosolar-e: ”Mbal Pem Nagawan Mondok Amawi Worak iri na-nen-e o Kanaan wi Lus iri me-nen an nimbiri bem nam luk, imbiringgat tak nobosolat-nen

NDAK WIRIDNAK WENE 5:22

Ambara iri ndaguruk woralar-e, indi-ge Mbal Pem Nagawan imin kundik woralar-o. Nde, olengen tiga ratus (300) iri woralar-e, elirak erep na ndagij-er-o.

NDAK WIRIDNAK WENE 5:24

Eid Mbal Pem Nagawan imin panggarak woraso me-ge, Mbal Pem Nagawan-nen wanosolat, lak agaij-o.

NDAK WIRIDNAK WENE 6:9

Nu woraidnak wene-ge yu-o. Nde, Nu elirak ap nak kenan unnu-ge Sem min Am min Yapet min woraiga-o. Nde, Nu na woralar-e, meya mbi kwarigit lak irit woralar-e, at woragid tarem ereya-ge at arig-et nak konak nap irit woragij-o. Woralar-e, Mbal Pem Nagawan imin panggarak irit woragij-et nde,

1 NAGAWAN NAGAWAN-NEN KWARIDNAK WENE 2:4

Kat-nen nde Nagawan Indo-nen yidnak yidnag-et kwarosola-ge, at-nen an nimin urul posolat: ’Kat-nen wigarak-nen-e Isarael nap tena unpuruk wolma-o. Mbigija-ge it-nen inndi min enpe min ebis-et tugup lak pempa-nen an-nen yidnak yidnak kwat tenak wolma iri nag-o’ luk yid iri na-ge kwaruwar-o.

1 NAGAWAN NAGAWAN-NEN KWARIDNAK WENE 3:6

Yosoloma, Salomo-nen yosolar-e: ”Kat-nen ndegel koboso nap an neid Ndaut abuwa mondok kwarat kaigen-o. At-nen tugup lak woralat, ndemeret mot mot kat keram-nen kwarosolat worala me, kat-nen pempa abuwa kasolat wolmomtak pem yenggerak purak pem-e kat-nen ambara misik wok tigenma, yawo ondolma men yigirik o tena unpurak worasu yur-o.

1 NAGAWAN NAGAWAN-NEN KWARIDNAK WENE 8:25

Nde, misig-e kat-nen an neid urul yak tosolar-e: ’Kat-nen wigarak-nen nde kat-nen kwaroso nggal ndemeret an-nen yidnak yidnak kwarosola-ge, kat-nen wigarag-e pem irit Isarael nap enanggul pem nagawan men yik tenak wolma-o’ yak tigen-o. Iri yigen iri na-ge Nagawan Indo Isarael nap Enmbal Pem Nagawan wa-e. Kat-nen ndegel koboso nap an neid Ndaut yak tigen iri na yawo ndak ndak tak pi-o.

2 NAGAWAN NAGAWAN-NEN KWARIDNAK WENE 20:3

”Nagawan Indo wa-e. An-e nondomok nindi-net kat kerembel tugup lak wanosolat, pempa kat-nen nebem pidnak nak kwarurak namawi kondoso-o” luk tepan yosolar-e, Isikia iri na-ge yip kondok lud mbij-o.

AYUP 1:1

Nde, o Us nggweyak pem iri me-ge ap misik woragij-o. Iri unu-ge Ayup. At iri-ge Mbal Pem Nagawan imin kundik worasolar-e, imin tugup lak irit woragij-o. Nde, ar-e konak nap woralat, indi nggat nggat worak, meya na marig-et tet kwaroso buk irit woragij-o.

NDAWI ENGGA 115:3

Nit Nenmbal Pem Nagawan-e aid arem worasu-o. At-nen-e at indi-nen pidnak irit kwarusu-o.

NDAWI ENGGA 116:9

Iri kwarosola, an-e Nagawan Indo erengen pem waring kasolar-e, ap woragwi sa nggweyakma yu me waring kasu-o.

MBIRIGA WENE 6:3

An-e Abarakam min Isak mid Yakup min inmbiri bem an nondomok-net nam yaga mirik onposolar-e, Mbal Pem Nagawan Namawi worak irit mirik inpigi-t nde, an nunu Nagawan Indo perak nde nam para mirik inpigit lak yigi-o.

NDANIEL 4:35

Nggweyakma yu me worali nap oboksa-ge ebe lak mende-nen yusu-o. Aid nap aid arem worali min ki nap nggweyakma yu me worali min-e Mbal Pem Nagawan inggem nak worali-o. Ap misiger-o luk mbi-nen Mbal Pem Nagawan indi-nen pidnak lugud tak purak iri-ge meya-nen yusu-o. Ap-nen ’Kar-e no kwarusu-o?’ luk, kwiye lag-et at yak turag-e meya-o.

MIKA 6:8

Iri nggal-e lag-o. Nagawan Indo-nen-e konak kwarurak irit mirik ninpij-o. Nde, iri-ge nit-nen kwarurak nenpem pusu-ge yu-o: Nit-nen mot mot kwarogolat, pempa enabuwa kagwi nggok tak pogolat, ninndi tebe luk, Nenmbal Pem Nagawan iri na imin kundik woragolat kwarurak irit nenpem pusu-o.

WONARIDNAK WENE 11:23

Yosoloma, Nagawan Indo-nen erep nggarosolar-e: ”An namawi-ge marig-et kasu-a? Kerengen wolmin-o. An yak kirigi iri-ge kwat yigit lak yosola kagun, lak?” yij-o.

WONARIDNAK WENE 24:16

Mbal Pem Nagawan-nen yidnak wene kolosolat, Kek tak Woraso iri na aru nap, erengen-e penggerak-nen tud yosolat Mondok Amawi Worak Mbal Pem Nagawan-nen nam tak poso mende kasolat kwaroso iri na-nen yidnak wene-o.

MATIUS 19:26

Yogolikma-ge, Yesus na it yik eneyasolat-nen yak ondosolar-e: ”Ki nap-nen iri kwarurag-e meya-t nde, Mbal Pem Nagawan-nen-e yi mende ndi mende kwarurag-e ndak-net yusu-o” luk yij-o.

MATIUS 5:48

Iri bem-e kit Kineid aid arem woraso iri-ge iminep mbarak nak woraso nggal, kit na mondok iminep mbarak irit wolmer-o” luk yak indij-o.

LUKAS 1:6

Nagawan Indo-nen ”Irit kwarurag-o” yidnak min imiri mbarak pidnak wene min iri-nen yidnak yidnak nak kwarogola-ge, Mbal Pem Nagawan-nen it enmberek eneyasolar-e, it enmbereg-e mot mot kwarugwi irit eneyagaij-o.

YIDNAK YIDNAK WENE 23:1

Nde, Paulus-e wene mbarugwi nap na enpem erengen kere kererak worasolat-nen yosolar-e: ”Nanggamirak wa-e, Mbal Pem Nagawan imbiri bem an-e nanduk-nen na, yawo-nen na an nindi mbek tak nak irit worasu-o” luk yij-o.

YIDNAK YIDNAK WENE 24:16

Iri bem-e, an-e pempa Mbal Pem Nagawan min ap min inmbiri bem an nindi mbek tak worayekluk namawi kundusu-o.

EPESUS 3:20

At-nen-e nit-nen nggi yidnak tengge nde, nit ninndi nak-nen ”Iri mende ukwe-o” luk yidnak tengge nde wok nundurag-e te-nen yusu nap, nit nenarem yabu wanoso amawi mondok kwarat mbilara wok nondoso nap

TUGURUK YIDNAK WENE 10:17

Nde, Nagawan Indo Kenmbal Pem Nagawan-e kugwiwak oboksa min enmawi worak oboksa min tebek tak puruk, mondok terak minik kek tak-net yusu-o. Nde, ar-e Mbal Pem Nagawan mondok nggok, amawi worak me, at-nen yidnak yidnak nak kwarurag-o. Ar-e ap entare na lombonoso buk, ap onmbol pem lasolat, onggo terak lesa wanoso bug-o.

TUGURUK YIDNAK WENE 30:20

Nagawan Indo Kenmbal Pem Nagawan abuwa kagolat, mot mor-et at-nen yidnak yidnak nak kwarogolat wolmer-o. Iri yogola-ge, kit min kit-nen wigarak min-e Nagawan Indo-nen o konmborak Abarakam min Isak min Yakup min wok kindimin-o luk urul yak indid o iri na me woragolat, kunluk mot pem-et woragub-o” yij-o.

PILIPI 4:13

Amawi wok noroso Kerisut na ebem-nen-e an-e yi mende ndi mende pidsa ndak kwarimin-o.

IBERANI 12:28

Iri bem-e, nit nunuwi nggweyak iri-ge mondok tugup lak wolmomtak wi wok nindidnak me, Mbal Pem Nagawan wa yak togolat wolmog-o. Nde, Mbal Pem Nagawan-nen ”Iri nggal kwat nubuwag-o” luk yidnak pem at erembel wanogolar-e, ninndi kwiye min-et at kek tak pogolat wolmog-o.

IBERANI 7:25

Iri bem-e ap Yesus ebem-nen Mbal Pem Nagawan eram lobok yili nab-e pem-et woralik nalik makluk, at-nen-e it inmiri yaga wok undurag-e ndak-nen yusu-o. Iri yusu iri-ge ar-e urug-et pem-et woralik nalik woraso me, it enmanggim-e Mbal Pem Nagawan emengen mbaroso-o.