NDAK WIRIDNAK WENE 15:7 - Nanduk Ngget Tul Pidnak Wene

⁷ Nde, misik pem-e Nagawan Indo-nen Abaram yak tosolar-e: ”An-e nggweyak yu kat ombo rak kebeyekluk, o Ut Mbabilonia nggweyak pem-nen lit kuburuk wagi Nagawan Indo-nen yusu-o” luk yak tij-o.

NDAK WIRIDNAK WENE 15:7 ပူးပေါင်းရင်းမြစ်များ

NDAK WIRIDNAK WENE 12:1

Nagawan Indo-nen Abaram yak tosolar-e: ”Kuwi nggweyak min kowe kowot min keid uwi min oboksa keya buruk, o an-nen mirik kibimin sa irit mbiri-o.

NDAK WIRIDNAK WENE 12:7

Nde, Nagawan Indo na-ge Abaram imbiri bem nam luk-nen yak tosolar-e: ”Nggweyak yu-ge an-nen kat-nen wigarak wok indimin nggweyak-nen yusu-o” luk yak tosoloma-ge, Abaram-nen-e at anggarem nam yid Nagawan Indo iri na amanggim wam wosa kan purak ondoro kona ndama pil lagaij-o.

NDAK WIRIDNAK WENE 28:4

Nagawan Indo-nen imbiringgat tak kobosolar-e, kat-nen wigarag-e Nagawan Indo-nen Abarakam imbiringgat tak obosolat-nen yak tid iri na ndak ndag-et wok kuruwag-o. Nde, kar-e Mbal Pem Nagawan-nen Abarakam wok tid nggweyak kat worasu yu-ge winde yugun-er-o” yak tij-o.

NDAK WIRIDNAK WENE 50:24

Woralar-e, at-nen owerak yak ondosolar-e: ”An yawo-ge wat yurag-e panggorak worasu-o. Alat nde, Mbal Pem Nagawan-nen-e kir-e ndegel konposolat, o yu me-nen lit kunpuruk, ’Abarakam min Isak min Yakup min wok indimin-o’ luk urul yak ondosolat owak mbarid sa iri na me-t kinpil mburuwa-o” luk yak indij-o.

NDAWI ENGGA 105:11

At-nen yosolar-e: ”Kanaan nggweyak iri-ge kat wok kirimin-o. Iri yumu, keid imining angge nggal kat karengge kwat ma-o” luk yak tij-o.

NDAWI ENGGA 105:42

Iri kwarid iri-ge Nagawan Indo-nen at ndegel oboso nap Abarakam imin ”Iri kwat kibimin-o” luk urul yak tid iri na indi yebet kasolat-nen kwarij-o.

NDAWI ENGGA 105:44

Ap enlem erep ereba na unuwi nggweyag-e it wok ondosolat, it eneyabu min-et at ilirak enarengge rak posolat kwarij-o.

MBIRIGA WENE 32:13

Kat ndegel kubugwi nap Abarakam min Isak min Yakup min yebet eneyasolar-e, kat-nen urul owak mbara watsa yak ondosolar-e: ’Kit nen wigarag-e wonaru mbal pem abu nggal kwarat ma-o’ luk urul yak ondosolat, ’O iri na oboksa-ge kit-nen wigarak winde yuwarik, pem-et woralik nalik irit ombo wolma-o’ luk urul yak indigen iri na yebet ki-o’ luk yak tij-o.

OROMA 4:13

”O nggweyak yu-ge kit-net winde yugub-o” luk Mbal Pem Nagawan-nen Abaram min at-nen ndagaidnak lolo min urul paga yak indid iri-ge ar-e imiri mbarak pidnak wene-nen yidnak yidnak kwaroso bem-nen-e lag-o. Are, at indi angin tubu yidnak pem Mbal Pem Nagawan-nen at lud tak nak ibidnak ala-nen urul paga yak indij-o.