NDAK WIRIDNAK WENE 15:5 - Nanduk Ngget Tul Pidnak Wene

⁵ Yak turug-e, Nagawan Indo-nen Abaram na imin mbepme wurungsa laruk-nen yak tosolar-e: ”Kat kerengen mbal nggwe lik karuk, wonaru ereba wonari-o. Kat-nen wigarag-e wonaru abu nggal-et ligik lujwa-o” luk yak tij-o.

NDAK WIRIDNAK WENE 15:5 ပူးပေါင်းရင်းမြစ်များ

NDAK WIRIDNAK WENE 12:2

Nde, an-nen-e kat-nen wigarak kwarat tak pumu-ge, it iri-ge ap enlem nggok irit kwat ma-o. Nde, an-nen-e kimbiringgat tak kobosola, kanggu kobok mborosolar-e, kar-e imbiringgat kwat yugun-o.

NDAK WIRIDNAK WENE 13:16

Nde, an-nen kat-nen wigarak kwarat tak pimin-o. Nde, iri rak pumu-ge, ap misiger-o luk tet-nen na wonat unpuwa bug-o. Ap-nen o liri wonarurak meya yili iri nggal-et kat-nen wigarak wonat unpurag-e mondok meya ma-o.

NDAK WIRIDNAK WENE 16:10

Yak turuk, aid nap iri na-net yak tosolar-e: ”An-nen-e kat-nen wigarag-e kwarat tak unpumu, wonat unpurag-e ap misiger-o luk-nen na mondok wonat unpuwa bug-o.

NDAK WIRIDNAK WENE 17:2

An-e kat kimin urul paga yak korosolat, kat-nen wigarag-e kwarat tak posolat yimin-o” yak tij-o.

NDAK WIRIDNAK WENE 22:17

an-nen-e kar-e imbiringgat kwarat kebem mberak posolar-e, kat-nen wigarag-e wonaru nggal, yi mbini nggal ligik lujwa-o. Nde, kat-nen wigarak-nen wim nggogolar-e, wim nab-e urugwe nggwe rak unpuwa-o.

NDAK WIRIDNAK WENE 26:4

Nde, iri-ge an-nen-e kat-nen wigarag-e wonaru mbal pem worasu ereba nggal kwarat tak posolat, nggweyak yu-ge oboksa kat-nen wigarak winde rak inpimin-o. Iri yosola karuk, nggweyakma worali nap enlem oboksa-nen-e an-nen kat-nen wigarak inmbiringgat tak onposola karuk, it iri nggal imbiringgat tak unpuwakluk an nemengen mbaruwa-o.

NDAK WIRIDNAK WENE 28:14

Nde, kat-nen wigarag-e o liri nggal ligik lasolar-e, mo luwaso nggwe-nen mo mboso nggwe-nen abare ena nggwe-nen abam nggwe-nen oboksa it onnggweyak kwat ma-o. Nde, kat min kat-nen wigarak min kenpem-nen-e yi ap ndi ap oboksa imbiringgat tak inpimin-o.

NDAK WIRIDNAK WENE 32:13

Nde, Yakup na iri me nene lug-e, at arengge ereba na-ge ereb-e owe Esau amanggim lenak posolar-e, kambing wam kowag-e dua ratus (200), nde, kusi-ge dua pulu (20), nde, lomb kowag-e dua ratus (200), nde, kusi-ge dua pulu (20), unta marik min mendaso ija-ge tiga pulu (30), nde, sapi wam kowag-e empat pulu (40), nde, kusi-ge sepulu, nde, kelerai wam kowag-e dua pulu (20), nde, kusi-ge sepulu irit lenak pij-o.

1 NAGAWAN NAGAWAN-NEN KWARIDNAK WENE 3:8

Nde, an-e kat-nen kondomok kilirak tak enpeyekluk len inpigen enlem iri na ennggendumu worasu-o. It yu-ge enpe mondok kwarat, wonat unpurak puk-nen yili-o.

NEMIA 9:23

Nde, kat-nen-e nit nonmborak-nen wigarag-e wonaru mbal pem abu nggal-et kwarat tak inpigen-o. Kat-nen-e ’Kit wok kindimin-o’ luk nanduk nonmborak urul yak indigen nggweyak iri na-ge kat-nen-e it wolmomtak wok indigen-o.

MBIRIGA WENE 32:13

Kat ndegel kubugwi nap Abarakam min Isak min Yakup min yebet eneyasolar-e, kat-nen urul owak mbara watsa yak ondosolar-e: ’Kit nen wigarag-e wonaru mbal pem abu nggal kwarat ma-o’ luk urul yak ondosolat, ’O iri na oboksa-ge kit-nen wigarak winde yuwarik, pem-et woralik nalik irit ombo wolma-o’ luk urul yak indigen iri na yebet ki-o’ luk yak tij-o.

OROMA 4:18

”Kar-e ap enlem kwarat onmbo yugun-o” luk yak tidnak wene bem-e at indi mbung mbung tak worasoma-ge, mondok meya yij-et nde, at indi angin tubu luk, wene na bem indi mbung mbung tak woraidnak me, kwat yid irir-o. At yak tidnak wene-nen yosolar-e: ”Kat-nen ndakun lolo-ge inik nggal wigak ma-o” luk yak tidnag-e ndak ndak agaij-o.

TUGURUK YIDNAK WENE 10:22

Nde, mondog-et kit konmborak Mesira mbiriga-ge enpe-ge tuju pulu (70) nak mbiriga-t nde, Nagawan Indo Kenmbal Pem Nagawan-nen-e kenpe kwarat tak konposolar-e, wonaru mbal pem woraso nggal kwarat wonarurak puk tak kinpij-o” yij-o.

IBERANI 11:12

Nde, Abaram na-ge komo wat momtak panggorag-et nde, ar-e ap misiget nag-et nde, at arem-nen mbilarosolar-e, at-nen wigarak mondok kwarat, wonaru mbal pem woraso nggal, yi sisiri nggal wonarurak puk irit kwat agaij-o.

YOSUA 24:3

Nde, an-nen-e konmbo Abarakam iri-ge o yi Eperat eyak ele bem-nen wanukmu-o. Wanurug-e, Kanaan nggweyak oboksa kibirik waring ki-o yak tigi-o. Yak turuk, an-nen-e at-nen wigarag-e kwarat tak pigi-o. Nde, nandug-er-e Isak at wok tigi-o.