NDAK WIRIDNAK WENE 15:1 - Nanduk Ngget Tul Pidnak Wene

¹ Iri na kwatluk ombok nggwe-ge nabi pem nggal Nagawan Indo-nen Abaram yak tosolar-e: ”Abaram wa-e. Kar-e kwiye kasu-ge meyog-o. Kat lak tak kubuwa naru kurak kobosolat, onggo mondok nggok wok korosolat yimin-o” yak tij-et nde,

NDAK WIRIDNAK WENE 15:1 ပူးပေါင်းရင်းမြစ်များ

NDAK WIRIDNAK WENE 15:2

Abaram-nen yosolar-e: ”Nagawan Indo Mondok Kek tak wa-e. Kat-nen-e la-ge an wok nurusu buk me, an nimining angge oboksa-ge ndegel noboso Ndamsik nap Elieset nde winde ma-o. No manggim-nen Nagawan Indo kat-nen onggo an wok nururak yigen-o?” luk yak tij-o.

NDAK WIRIDNAK WENE 15:4

Yuruk worasoma, Nagawan Indo-nen tuguruk Abaram yak tosolar-e: ”Kat ndegel koboso nap Elieset iri-nen kat kimining angge-ge winde ma-ge mondok lag-o. Are, kat kondomok kiyema-n pugun-net kat kimining angge winde ma-o” luk yak tij-o.

NDAK WIRIDNAK WENE 21:17

Nde, Mbal Pem Nagawan-nen Ismael ene kuluruk, mbal nggwe-nen Mbal Pem Nagawan-nen idnak aid nap-nen Agat yak tosolar-e: ”Agat wa-e. Kar-e noluk-nen kindi kabak yusu-o? Kar-e kwiye kasu-ge meyog-o. Mbal Pem Nagawan-nen-e kambara iri ene-ge abu kulij-o.

NDAK WIRIDNAK WENE 22:1

Nde, siyak woraruk, mbi tarem-e Mbal Pem Nagawan-nen Abarakam indi tugup lak worasu iri na kayekluk, Mbal Pem Nagawan-nen-e ”Abarakam wa-e” luk wene mbo bij-o. Wene mbo obosoloma, Abarakam-nen erep nggarosolar-e: ”An-e yu-o” luk yij-o.

NDAK WIRIDNAK WENE 26:24

Mberarik, nene yosoma, kubu-ge Nagawan Indo at eram wok yosolat-nen yak tosolar-e: ”An-e keid Abarakam Embal Pem Nagawan-nen yusu-o. Kwiye yurak pug-o. An-e nggetlel kuburuk nosolat worasu-o. An-nen an ndegel noboso nap Abarakam urul yak tosolat: ’Yu nggal kwat kibimin-o’ luk urul yak tigi iri na ndak ndag-et an-nen imbiringgat kebem posolat, kat-nen wigarak kwarat tak kobosolat irit kwat kibimin-o” luk yak tij-o.

NDAK WIRIDNAK WENE 31:7

Irit nde, onggo an wok nururag-e namberam lasolat sepulu bem-et nden yaga nin tak pij-et nde, Mbal Pem Nagawan-nen-e an meya rak nubuwakluk keya ibigit lag-o.

2 SEMUEL 22:3

Nagawan Indo-ge an kurak yoso pak leget-nen yusu-o. Nembal Pem Nagawan kar-e an lumurak noboso kerep ndobo nggal-nen yusu-o. Kar-e ndumno nggal an lumurak nobosolat, an pempa yamuksa wolmakluk yik neyarok worasolat kwarusu-o.

2 NAGAWAN NAGAWAN-NEN KWARIDNAK WENE 1:15

Iri yak tosola ereya na-net Nagawan Indo-nen idnak aid nap-nen-e Elia yak tosolar-e: ”Kar-e kwiye lag-et ndobo yu bem-nen at imin mburag-o!” yosola karug-e, Elia na-ge wim wari iri na imin nagawan eram mberarik,

NDAWI ENGGA 115:10

Kit tepan ombo wa-e. Nagawan Indo nak-nen yongga kondosolat, nggetlel konposolat kwaroso me, at ebem nak kinndi wat tak puruk wolmer-o.

NDAWI ENGGA 119:114

Kar-e an nambigit yosolat, an nggetlel noboso-nen yusu-o. An-e kat-nen urul pigen ereba na bem-et nindi-ge mbung mbung tak puruk worasu-o.

NDAWI ENGGA 142:5

Nagawan Indo wa-e. An-e kat keram wene mbo bil luwasu-o. Kar-e an kurak yoso nondoro-nen yusu-o. An worasolar-e, nindi kundig-e kat nag-o.

NDAWI ENGGA 27:1

Nagawan Indo iri-ge an neyaya min an nimiri yoso min-nen yusu-o. An-e ap kwiye kamin pug-o. Nagawan Indo iri-ge an kurak yoso nondoro pak-nen yusu-o. An-e mondok kwiye kamin pug-o.

NDAWI ENGGA 84:11

Nagawan Indo Mbal Pem Nagawan-e nit nggetlel nunpuruk woraso nagawan kek tak-nen yusu-o. At-nen-e nenabuwa kasolat, kek tak nonposolat yoso-nen yusu-o. Lugud tak kwarugwi buk nap wok ondosolar-e, at-nen-e konak mende ala-ge oboksa wok ondoso-o.

NDAWI ENGGA 84:9

Mbal Pem Nagawan wa-e. Nit-nen idnak nagawan imbiringgat tak ibi-o. Kat-nen lenak pidnak nagawan-e kat-nen nggetlel uburuk wolmin-o.

NDAWI ENGGA 91:4

At-nen-e isiyamu-nen yemndak kubuwama, kar-e isiyamu arem kona irit woragun-o. At-nen mot mot tugup lak kwaroso-ge kat kundumno kwat ma-o.

MBIRIGA WENE 14:13

Iri yogolikma, Musa-nen onggo yosolar-e: ”Kwiye yili-ge meyog-o! Kinndi tugup lak wolmer-o. Nagawan Indo-nen kit kinmiri yosolat-nen kwaruwa-ge yanem kagub-o. Mesira nap yawo eneyali yeba-ge abog-e mondok eneyagup pug-o.

NGGOMO WENE 30:5

Mbal Pem Nagawan-e ’Irit kwat kinpimin-o’ luk urul pidnak iri-ge oboksa ndak ndag-et kwaroso-o. Kwiye-nen at eram mbitli nap oboksa undumno nggal kwat yusu-o.

YESAYA 35:4

Kit-nen inndi kabak yidnak nap ereba na yak ondogolar-e: ”Kir-e kinndi tugup lag-et wolmer-o. Kwiye yurak pug-o. Kenmbal Pem Nagawan-nen-e kunuwim nab-e angin worak enpem posolat, kit kinmiri yekluk-nen lobok yuwa-o” luk yak undurag-o.

YESAYA 40:10

Nagawan Indo Mondok Amawi Worak iri na lobok yosolar-e, o tenageyekluk amawi min lobok yusu-o. Nde, at-nen wisirik inpidnak nab-e at imin nduguluk lobok yusu-o.

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YESAYA 41:14

Nagawan Indo-nen yosolar-e: ”Isarael wa-e. Kar-e kamawi lak, enlengen kopkap nggal-et nde, kwiye yusu-ge meyog-o. Kat yongga kurusu an yu-ge Nagawan Indo-net yusu-o. Isarael nap Enmbal Pem Nagawan Mondok Marak iri-ge kat kinmiri yoso-nen yusu-o.

YESAYA 43:1

Isarael wa-e. Nagawan Indo-nen yak kondosolar-e: ”An-net kwarak kobosolat, ndak wat kobosolat kwarukmu-o. Kar-e kwiye yurak pug-o. An-net mondok kimiri yimin-o! An-nen-e kat kunu luk, wene mbo kubukmu-o. Kat yu-ge an narengge-nen yusu-o.

YESAYA 43:5

An-nen nggetlel kuburuk worasu me, kwiye yusu-ge meyog-o. Kat kilirak-nen ndagidnak konmborag-e mo mboso (barat) nggwe-nen, mo luwaso (timur) nggwe-nen wirik inpil lobok yumu, ndok wiril lobok yuwa-o.

YESAYA 44:2

Nagawan Indo an-nen-e ndak wat kobosolat, nanduk kiya arem kwarak kobosolat, yongga korosolat yigi Nagawan Indo-nen yusu-o. Kwiye kasu-ge meyog-o. Kar-e an ndegel noboso nap, an-nen len kibigi nindi kundik-nen yusu-o.

YESAYA 44:8

An nelem nap wa-e. Kwiye yogolat, wendet yogolat yurak pug-o. O nanduk-nen kuri yawo-ge kwat momtak mende-ge an-nen urul poso-ge kir-e mondok kenaru iri nar-o. Kura onposo nap erep mbi worali bug-o. Iri-nen an-nen na eneyaso bug-o” luk yij-o.

YESKIEL 1:1

Olengen tiga pulu iri arem waneya empat, tanggal lima iri-ge Yoyakin iri na mbo unpugwi sa ereba ibil mbirikma woralat olengen lima bem tak posoma-ge, Mbusi ambara tepan ombo Yeskiel an-e Yawuri nap erep mbo inpidnak ereba na inmin Mbabel iri me Yi Kebat eyak pem ereba woraige-o. Worakmu, mimo mbal tu kuwak yosolar-e, an-nen nabi nggal pem Mbal Pem Nagawan irit kagi-o. Nagawan Indo-nen an nimin wene yosola-ge, at amawi-ge an nebem mbosola kagi-o.

YESKIEL 3:4

Tuguruk Mbal Pem Nagawan-nen yosolar-e: ”Nggweyakma nap, lak yoso wa-e. Kar-e Isarael nap endam mburugundik, it enmanggim an-nen kebem pimin ereba na oboksa yak indi-o.

WONARIDNAK WENE 12:6

Nagawan Indo-nen yak ondosolar-e: An yak kindimin yu kwara koler-o! Kit kennggendumu nde an nene lomboksa yugwi nap nde woragola-ge, an-e nabi bem nggal at imbiri bem nam yaga mirik nobosolat, nabi nggal pem imin wene yosolat kwaroso-o.

WONARIDNAK WENE 24:4

Mbal Pem Nagawan-nen yidnak wene eyanggo-nen kolosolat, Mondok Amawi Worak Mbal Pem Nagawan-nen nam tak pidnak kasolat, erengen penggerak-nen tud yosolat yusu iri na-n yidnak wene-o.

MATIUS 28:5

Alat nde, aid nap iri-nen kwami na yak ondosolar-e: ”Kir-e kwiye kali-ge meyog-o. Kir-e e lang pang tak pem panggarak ibiga nap Yesus irit ogore yili iri-ge an-e naru-o.

MATIUS 8:26

Yak togolikma-ge, Yesus-nen it yak ondosolar-e: ”Kwara kinndi angin tubu yugwi buk nap wa-e. Kir-e noluk-nen kwiye kali-o?” luk yak indij-o. Yak ondosoluk, at na men luk yarik, obube min yi min na ”Kondok min-o” yosoloma-ge, obube min yi min na kondok yij-o.

LUKAS 1:13

Alat nde, aid nap iri-nen Sakaria yak tosolar-e: ”Sakaria wa-e. Kwiye kasu meyog-o. Kat-nen tepan yigen-e Mbal Pem Nagawan-nen kolamu me, kat kogwe Elisabet na-ge li ap mbi ndaguwa-o. Nde, la na unu-ge Yoanes irit yarugun-o.

LUKAS 1:30

Yebet kasoma-ge, aid nap-nen kwe na yak tosolar-e: ”Maria wa-e. Mbal Pem Nagawan indi alen kat kebem pidnak me, kwiye kasu-ge meyog-o.

LUKAS 12:32

Yuruk, Yesus-nen yosolar-e: ”Nolomba wam wonarak kit yu-ge wa-e. Kit Kineid-nen at-nen tenagaidnak wi wok kundurag-e indi parik me, kwiye kali meyog-o.

YIDNAK YIDNAK WENE 10:22

Yak ondosoloma-ge, it-nen yogolar-e: ”Nir-e san winde wari Korenelius eram-nen lobok yige-o. Nde, Korenelius iri-ge mot mot kwaroso nap, Mbal Pem Nagawan aye worak nab-o. Nde, Yawuri nap pidsa-nen erembel wanugwi nab-o. Marak aid nap-nen Korenelius na yak tosolar-e: ’At-nen yak kuruwa wene kolonok-nen an nama lobok yi-o luk Peterus na yonggo bi-o’ luk yak tamu-nen lobok yige-o” luk yiga-o.

1 KORINTUS 3:22

Paulus na irit, Apolos na irit, Peterus na irit, nggweyak ma yu me na irit, unluk momtak na irit, wat momtak na irit, yawo-n worasu na irit, abok-nen kwarurak na irit pik paksa kit kenarengge-nen yusu-o.

TUGURUK YIDNAK WENE 31:6

Mondok kir-e tugup lak, kwiye lak irit wolmer-o. Nagawan Indo Kenmbal Pem Nagawan-net yongga kunduwa me, kir-e mondok it enaye yurak pug-o. At-nen-e keya konposolat, kinndi kabak tak posolat yuwa bug-o” luk yak indij-o.

IBERANI 1:1

Nandug-e kwarat pem Mbal Pem Nagawan-nen nit nenlawingga yak ondosolar-e, Mbal Pem Nagawan ene lomboksa yugwi nap enpem nggwe-nen yak indij-o. Iri yosolar-e, tu nin tak nan tak pem yak ondosolat woragaij-o.

NAM PARA WENE 1:17

Nde, an-nen at yik kaginggal-e, ap wat yidnak nggal luk, at eralu mbud yigi-o. Alat nde, at-nen at inggi kigit nggwe-nen an tena nuburuk, yak norosolar-e: ”Kwiye kasu meyog-o! An-e tel koroso min woroksiyem min-nen yusu-o.

URUT 2:12

Nde, kat-nen konak kwarigen ereba-ge Nagawan Indo-nen onggo puwag-o. Kar-e kimiri yuwakluk at eram lobok yidnak me, Nagawan Indo Isarael nap Enmbal Pem Nagawan-nen-e mondok kat wok kururag-et wok kuruwa iri na-ge wanonog-o” luk yak tij-o.

1 SEMUEL 15:10

Iri kwarogola Nagawan Indo-nen Semuel yak tosolar-e:

1 SEMUEL 9:9

Yosoloma, Saul-nen yosolar-e; ”Iri ala-ge ob-o. Eram mburuwog-o” yurug-e, Mbal Pem Nagawan ndegel oboso nap iri na woraso sa o silmu mbiriga-o. Mbirigarik, o siri iri na me lagwi ndobo iri na nggwe lakmu-ge, kweyap ndugum siyak yi kenanggil lobok yukmu, lid pid yiga-o. Lid pid lug-e, it-nen kweyap ndugum yeba na kin wok onpogolar-e: ”Ap yari na-ge o siri yu me worasu, lak?” luk kin waniga-o. (Nde, ereya tarem-e Mbal Pem Nagawan ene lomboksa yugwi nap unnu-ge ap yari-o yugwi-o. Nde, ap-nen wene nde Mbal Pem Nagawan kin wanurak yogolar-e, it-nen-e yu nggal yugwi-o: ”Ap yari eram mburuwog-o” yugwi-o.)