NDAK WIRIDNAK WENE 13:8 - Nanduk Ngget Tul Pidnak Wene

⁸ Yuk puk mbogola karuk, Abaram-nen Lot yak tosolar-e: ”Nab-o. Nit mberen yu-ge nenpe misiger-et nde, nit nonowam yik karok woragwi nap yu-ge yuk puk tenak yu-ge meya-o.

NDAK WIRIDNAK WENE 13:8 ပူးပေါင်းရင်းမြစ်များ

NDAK WIRIDNAK WENE 13:9

Iri nggal kwatli me, nab-o. Nir-e nenarik tak yuwog-o. Nde, nenarik tak yogolat-nen nde, kat ponok nggwe mborosola-ge, an-e ponok nggwe mbirimin-o. Iri ala karug-e, kat-nen nak o nggweyak yu-ge limbini-o” luk yak tij-o.

NDAK WIRIDNAK WENE 14:14

Nde, Abaram na-nen kulidnggal owot ambara Lot na wim nap-nen kugun waruk mbiridnak wene kulurug-e, Abaram-nen-e at totno woragwi nap wim nggugwi enaru nap tiga ratus delapan belas (318) iri ndok worak unpuruk, nagawan empat ereya na muk iniyil mbirigarik, o Ndan iri na me wok yogolar-e,

NDAK WIRIDNAK WENE 45:24

Owerak ereba na wirik onposolat-nen yak ondosolar-e: ”Kir-e tu ndumu-ge yuk puk mburak pug-o” yak indij-o.

NDAK WIRIDNAK WENE 46:34

’Nir-e mondok marik pem ereba-net wam nak ndogorogolat woragwi-o. Nde, iri-ge, nanduk nonmborak-nen mamarag-er-o’ luk yurag-o. Kit-nen iri nggal yugup pem-e, kir-e o Nggosen-et winde rak kunpuwa-o” yak indij-o. Nde, Yusup-nen iri nggal yurag-o yid iri-ge it Mesira nap-nen-e wam ndugurugwi nab-e teberak nggal yik eneyaruk, inmin are kundugwi buk ala-n yij-o.

NDAWI ENGGA 133:1

Mbal Pem Nagawan ilirak kundik misiget woragolar-e, mondok enalen-e kwiye worak lombok-nen yusu-o.

MBIRIGA WENE 2:13

Nde, kup Musa na mborosolat-nen yik kagaidnggal-e, it Iberani nap nak mberen yig nggukmu eneyarug-e, ”Kar-e noluk-nen kanggam wurusu-o?” luk at lugud tak kwarid iri na yak tij-o.

NGGOMO WENE 15:1

Wene onggo kona enne ndeyak pem-et yogola-ge, insilepma yidnak iri na-ge teyok yoso-o. Nde, enne amawi min onggo yogola-ge, insilepma ebem lud yoso-o.

NGGOMO WENE 15:18

Ap ndag-et insilepma yugwi iri-nen ndowaga-ge yuk puk mbugwi ijak worak pugwi-o. Alat nde, mamak pugwi nap-nen-e lambuksa woragwi elem ennggendumu kwarak pugwi-o.

NGGOMO WENE 20:3

Ap indi lak-nen-e yuk puk mburak indi nak yoso-o. Enpage mondok wi yurak ija lombog-e yuk puk mbugwi buk woragwi irir-o.

MATIUS 5:9

Nde, lambuk tak unpugwi wene ndamili nab-e Mbal Pem Nagawan-nen it inmin-e ’An nilirag-o’ luk yuwa me, enalen kali-o.

YIDNAK YIDNAK WENE 7:26

Nene luk kub-e, at-nen yik kagaidnggal-e, Isarael nap nak mberen yig pukmu eneyaruk, it iri lambuk tak enpeyekluk-nen yak ondosolar-e: ’Nenggamirag-o. Kit nak kit nak yu-ge noluk-nen wat kerak mbili-o?’ luk yak indij-o.

OROMA 12:10

Enambik onowe onowot enabuwa kagwi nggal nabuwa kabuwa yogolar-e, kit na kit-net kek tak pegerak mbogolat wolmer-o.

PILIPI 2:14

Yi kwatlik ndi kwatlik kwarogolar-e, ujwagujwa yogolat, ngguno pebe yogolat momtak pug-o.

1 TESALONIKA 4:9

”Kennggamirak inmin nabuwa kabuwa wolmer-o” luk an-nen engga mbal kundurag-e lag-o. Mbal Pem Nagawan-nen ”Ap-nen nabuwa kabuwa yugwi-ge iri nggal-o” luk mirik kinpid naro-o.

IBERANI 12:14

Ap pidsa inmin kundik wolmomtak pem kenmawi konder-o. Nde, mbek tak worabokluk na kenmawi yer-o. Mbek tak woragwi buk nab-e ap misiget ter-o luk Nagawan Indo kujwa bug-o.

IBERANI 13:1

Kerisut ebem-nen nanggam kanggam woragolat nabuwa kabuwa yugwi iri-ge puksa tena wolmer-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 PETERUS 2:17

Ap oboksa kek tak onpogolat, Kerisut ebem inndi angin tubu yidnak kennggamirak na enabuwa kagolat, Mbal Pem Nagawan aye kagolat, nagawan Kaisat kek tak pogolat wolmer-o.

1 PETERUS 3:8

Yu yosolat-nen yigi-o: Kit pidsa-ge kinndi misiget, yebet kagwi na misiget wolmer-o. Kit na kit-net nabuwa kabuwa yogolat, kunmud pegerak mbogolat, kennggam min kinndi teberak pem-et woragup na-e.

1 PETERUS 4:8

Nanduk tak purak wene owak ndum-e yur-o. Ndemeret kinndi-net nabuwa kabuwa yer-o. Nabuwa kabuwa yugwi iri-nen-e meya yidnak kwarat limirik pusu-o.

2 PETERUS 1:7

Nde, Mbal Pem Nagawan-nen kwaroso nggal kwarugwi na lombok tak pogolar-e, konowe konowosi enabuwa kagwi na lambuksa waner-o. Nde, konowe konowosi enabuwa kagwi na min lombok tak pogolar-e, ap pidsa enabuwa kagwi elem lambuksa waner-o.

1 YOANES 4:7

Nanggamirak kenabuwa worak wa-e, Enabuwa kagwi elem-e Mbal Pem Nagawan eram-nen lobok yusu me, nabuwa kabuwa yogolat wolmog-o. Enabuwa kagwi nab-e Mbal Pem Nagawan ilirak, Mbal Pem Nagawan enaru nap-nen yili-o.