NDAK WIRIDNAK WENE 13:7 - Nanduk Ngget Tul Pidnak Wene

⁷ Iri-nen ndowaga it Abaram owam yik karok woragwi nap ereba na min Lot owam yik karok woragwi nap ereba na min-e onowam-nen norak tusuangge ndugwi yuk puk mbiga-o. (Nde, ereya tarem-e o iri me-ge Kanaan nap min Peris nap min woragola tarem-o.)

NDAK WIRIDNAK WENE 13:7 ပူးပေါင်းရင်းမြစ်များ

NDAK WIRIDNAK WENE 12:6

Abaram na-ge o Kanaan nggweyak nggwe-t mbirid mbirij-e o More iri me kek tak pugwi e elem pem wok yid iri-ge o Sikem iri me it-nen erembel wanugwi sa iri me wok yij-o. (Nde, ereya tarem-e Kanaan nab-e o iri me woragola tarem-o.)

NDAK WIRIDNAK WENE 21:25

Iri yij-et nde, abok nggwe-ge Abimelek ndegel ubugwi nap-nen yi kenanggurak ondoro yi mbun mbarid mengga waniga iri na yebet karug-e, ”Niri nera-nen owak mbarigi-o” luk yij-o.

NDAK WIRIDNAK WENE 26:20

Alat nde, it Nggerat iri me wam yik karok woragwi nap-nen-e yi iri na wene lit lit Isak owam yik karok woragwi nap ereba na enpem nggin yogolat-nen yak ondogolar-e: ”Yi yu-ge nit ninij-o” luk yiga-o. Iri yidnak ala karuk, Isak-nen nggweyak emnde mbaridnak iri na unu yarosolar-e: ”Yuk puk mbidnak sa” irit yarij-o.

NDAK WIRIDNAK WENE 34:30

Iri yogola, Yakup-nen Simeon min Lewi min yak ondosolar-e: ”Kir-e an nebem nak angin pigeb-o. Nde, yawo-ge Kanaan nap min Peris nap min o yu me woragwi nap oboksa min-e an-e insili rak nubuwa-o. Nde, nit nab-e mariget nak me, iri me woragwi nap nde lambuk yogolat nit nondogolar-e, nit nonkwela inmin-e mondok lak tak nunpuwa-o” luk yak indij-o.

NDAK WIRIDNAK WENE 46:34

’Nir-e mondok marik pem ereba-net wam nak ndogorogolat woragwi-o. Nde, iri-ge, nanduk nonmborak-nen mamarag-er-o’ luk yurag-o. Kit-nen iri nggal yugup pem-e, kir-e o Nggosen-et winde rak kunpuwa-o” yak indij-o. Nde, Yusup-nen iri nggal yurag-o yid iri-ge it Mesira nap-nen-e wam ndugurugwi nab-e teberak nggal yik eneyaruk, inmin are kundugwi buk ala-n yij-o.

MBIRIGA WENE 2:17

Alat nde, it ap wam yik karok woragwi erep yeba na-nen-e kweyap ndugum ereya na-ge langgara wirik inpiga-o. Nde, Musa-nen-e inmiri yosolat, onowam ereba na yi kenangga mak tosolat kwarij-o.

NGGOMO WENE 20:3

Ap indi lak-nen-e yuk puk mburak indi nak yoso-o. Enpage mondok wi yurak ija lombog-e yuk puk mbugwi buk woragwi irir-o.

MARAKUS 3:25

Nde, it lolo iri na nde kundik woragit lak, kuri werep mberep woragolar-e, it lolo kwasa wolma bug-o.

1 KORINTUS 3:3

Kir-e nggweyak ma nap enpage worak me, yawo na irit kir-e tara nunggwi mende norag-e awo worali-o. Iri bem-nen kit kennggendumu-ge kit na kit-net kenlengen ale yogolat, kuri wat kerak mbogolat yugwi me, kir-e nggweyak ma nab-et woragolat, nggweyak ma nap-nen kwarugwi irit kwatli iri-ge kali bug-a?

NGGALATIA 5:20

kugiwak erembel wanugwi nde, linggirak kwarugwi nde, wim mbarak woragwi nde, yuk puk mbugwi nde, enlengen ale yugwi nde, insilepma yugwi nde, ondomok enmanggim nggok tak pugwi nde, kuri worak woragwi nde, ap len kerak mbugwi nde,

KOLOSE 4:5

It inndi angin tubu yigit lak nap inmin-e kinndi-n yebet karuk-net kwarurag-o. Kit kinmin woragola tarem iri-ge nanongga-nen yusu-o.

1 TESALONIKA 4:12

Kit nde iri nggal kwarogola-ge, kit kenambik kininggi bem-et woragola-ge, it inndi angin tubu yigit lak nap-nen kit kinmin-e ”Iri-ge mot mot nak kwaroso nab-o” luk kunpurujwa-o.

TITUS 3:3

Nit na irit nandug-e nenaru buk woragolat, yidnak yidnak kwarigit lak lugud tak nak kwarogolar-e, nit-nen ukwe ukwe yugwi mende min nit nindingen mende pidsa-nen urugwe nggwe rak ninpidnak woraige-o. Meya kwarurak nak peragolat, enambuwon mbarogolat, nin nap inmin nisili kisili woragolat kwat tenak woraige-o.

YAKOBUS 3:16

Nde, enlengen ale min ondomok enmanggim nak nggok tak pugwi min woraso sa iri me-ge nari wari nak, yi meya ndi meya nak kwarogolat woragwi-o.

YAKOBUS 4:1

Kit kennggendumu yig pugwi min yuk puk mbugwi min iri-ge ngge me-nen lobok yusu-o? Nde iri-ge kit kenarem amawi kwen tenak woraso ukwe ukwe mende-nen kwarak poso na-ge lag-e?

1 PETERUS 2:12

Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.