NDAK WIRIDNAK WENE 13:4 - Nanduk Ngget Tul Pidnak Wene

⁴ Nagawan Indo amanggim wam wosa kan purak ondoro kona ndama pil lagaid sa iri na me-t wok yij-o. Wok lug-e, iri me-nen Nagawan Indo erembel wanij-o.

NDAK WIRIDNAK WENE 13:4 ပူးပေါင်းရင်းမြစ်များ

NDAK WIRIDNAK WENE 13:18

Iri yak tosoloma-ge, Abaram na-ge o lije sum wi na-ge mijara turuksa o Mamere iri me kek tak pugwi e elem pem o Eperon koroga wiril mberarik woragij-o. Woralar-e, Nagawan Indo amanggim wam wosa kan purak ondoro kona ndama pil lagaij-o.

NDAK WIRIDNAK WENE 26:25

Yak tosola, Isak-nen-e wam wosa kan purak ondoro kona mendaga keya buruk, iri na me Nagawan Indo erembel wanij-o. Iri na me o lije sum wi worak puruk worala-ge, at ndegel ubugwi nap-nen-e yi kenanggurak ondoro misik yaliga-o.

NDAK WIRIDNAK WENE 4:26

Nde, Set na-ge ambara misik ndaguruk, unu-ge Enos yarij-o. Nde, ereya tarem-e ap-nen Nagawan Indo kek tak pogolat, at unu yugwi tel kwiriga tarem-o.

NDAWI ENGGA 107:1

”Nagawan Indo iri-ge mondok konak, at-nen-e pem irit enabuwa kaso me, at nak wiwa-o yak turag-o.”

NDAWI ENGGA 107:15

Nagawan Indo-nen it enabuwa kasolat, at-nen nggweyakma nap enmanggim kwiye worak mende kwarat kwarosolat kwaroso bem it-nen at wiwa-o yak turak iri-ge ndak-net yusu-o.

NDAWI ENGGA 107:8

Nagawan Indo-nen it enabuwa kaso bem min nggweyakma nap enmanggim wi yurak mende kwat onposo bem min it-nen-e at imin wiwa-o luk yak turak iri-ge ndak-net yusu-o.

NDAWI ENGGA 116:17

An-nen-e kat wiwa-o yak korosolat, kat kamanggim wosa pugwi mende pimin-o. Iri yosolar-e, kat keram tepan yimin-o.

NDAWI ENGGA 116:2

An-nen pempa at eram wene mbo bil lasola-ge, pempa koloso-o.

NDAWI ENGGA 145:18

At iri-ge ap-nen at eram wene mbo bogolat, ndemeret inndi-net at ebem nggi yogolat kwatli nap endam woraso-o.

NDAWI ENGGA 84:10

Seribu hari nin me wolmomtag-e ob-et nde, misik tarem nak kat kama wolmomtak iri-ge konak lombok-nen yusu-o. Meya yugwi nap enma wolmomtak nggal, Nembal Pem Nagawan uwi tu mende yik karok woraso nap kwat yurak perak an-e nindingen-o.

YESAYA 58:9

Kit-nen nde an neram tepan yogola-ge, an-nen-e kenne erep nggarimin-er-o. Nde, kit-nen an neram wene mbo bil luwagola-ge, an-nen-e kenne kulimin-er-o. Kit-nen-e ab-e tuguruk lel mberel unpurak pug-o. Sirid mbarak woragwi min nobokpe kobokpe yugwi min-e mondok keya burag-o.

1 KORINTUS 1:2

Mbal Pem Nagawan-nen idnak lambuk tak inpidnak nap kit Korintus worali nap, Kerisut Yesus ebem-nen marak kunpuruk wene mbo kenpaga mbek tak kinpidnak nap kenmanggim na irit, ap pidsa o nin me nin me worali nap-nen Nenagawan Indo Yesus Kerisut unu bem wene mbo bili nap enmanggim na irit, Nagawan Indo iri-ge nit Nenagawan Indo na irit, it Enagawan Indo na irit kenmanggim mbatli-o.