NDAK WIRIDNAK WENE 13:18 - Nanduk Ngget Tul Pidnak Wene

¹⁸ Iri yak tosoloma-ge, Abaram na-ge o lije sum wi na-ge mijara turuksa o Mamere iri me kek tak pugwi e elem pem o Eperon koroga wiril mberarik woragij-o. Woralar-e, Nagawan Indo amanggim wam wosa kan purak ondoro kona ndama pil lagaij-o.

NDAK WIRIDNAK WENE 13:18 ပူးပေါင်းရင်းမြစ်များ

NDAK WIRIDNAK WENE 13:4

Nagawan Indo amanggim wam wosa kan purak ondoro kona ndama pil lagaid sa iri na me-t wok yij-o. Wok lug-e, iri me-nen Nagawan Indo erembel wanij-o.

NDAK WIRIDNAK WENE 14:13

Alat nde, ap misik mesag-et nak perak nde mengga mberarik, Iberani nap Abaram iri na eram wene waruk mbirij-o. Nde, iri tarem-e Abaram na-ge Amori nap mbi unu-ge Mamere at iri-nen erembel wanoso e ereba na elem pem worasoma, yak til lobok yij-o. Nde, ap Mamere min owe owot Eskol min Aner min it ereya-ge Abaram imin kundidnak nap, at anggamirag-o.

NDAK WIRIDNAK WENE 18:1

O Mamere iri me e erembel wanugwi ereba na erem pem Abarakam na-ge koreyak woragij-o. Iri tarem-e mo eyak-nen uwi sum-nen wiridnak o lije iri na tumende bem koreyak worasoma-ge, Nagawan Indo-ge Abarakam imbiri bem nam yij-o.

NDAK WIRIDNAK WENE 22:9

It na mbirigarik, Mbal Pem Nagawan-nen Abarakam yak tidnak iri na me wok yogolar-e Mbal Pem Nagawan amanggim wosa kan purak ondoro kona mendaga pil laruk yarik, kan waruk mbirid ereba na-ge ondoro konid na bem ndama keya buruk, ambara na kamasa kan ndamak pid iri na bem mbinggirik pij-o.

NDAK WIRIDNAK WENE 23:2

Woraruk, o Kanaan nggweyak pem o Eboron iri me wat yamu-ge, Abarakam iri na-ge indi yorok yosolar-e, ogwe ubud-nen yip tij-o.

NDAK WIRIDNAK WENE 26:25

Yak tosola, Isak-nen-e wam wosa kan purak ondoro kona mendaga keya buruk, iri na me Nagawan Indo erembel wanij-o. Iri na me o lije sum wi worak puruk worala-ge, at ndegel ubugwi nap-nen-e yi kenanggurak ondoro misik yaliga-o.

NDAK WIRIDNAK WENE 35:27

Nde, Yakup na-ge nanduk ombo Abarakam woragid sa iri na me-t at eid Isak na-ge o Mamere Eboron koroga iri na me-t worasoma, eram wok yij-o.

NDAK WIRIDNAK WENE 37:14

Eid-nen yosolar-e: ”Kat mburugundig-e, kowerak min wam min konak worali, lak? Are, nggesa worali? mbi mburugundik, eneyami mbatluk, an yak niril lobok yi-o” yosoloma, eid-nen wirik pamu, Eboron-nen Yusup na-ge mberarik, owerak endam Sikem wok yij-o.

NDAK WIRIDNAK WENE 8:20

Nu-nen-e Nagawan Indo amanggim wam mbara kan purak ondoro konurug-e, yi towe ndi towe oboksa enggep lombok min wam nin tak nan tak nalma mende oboksa enggep lombok wosa mbara emben Nagawan Indo wok tosolat, mbara kan pij-o.

2 SEMUEL 2:1

Iri luk ombol nggwe-ge Ndaut-nen Nagawan Indo kin wanosolar-e: ”Nagawan Indo kindi-nen-e an-e Yewura siri misiget yu nak tenaburuk wolmomtak perasu, lak?” yosoloma, Nagawan Indo-nen yosolar-e: ”Yigen irir-o” yosoloma, Ndaut-nen yosolar-e: ”O-ge ngge-o?” yosoloma, Nagawan Indo-nen yosolar-e: ”Eberon irir-o” yak tij-o.

NDAWI ENGGA 16:8

An-e pempa Nagawan Indo ebem nindi mbung mbung tak worasu-o. Ar-e an neram worala karuk, an-e tugup lak woramin-o.

1 TIMOTIUS 2:8

Ap-nen tepan nin me nan me-nen yogolar-e, insilepma na lak, yuk puk na lak woragolat, ininggi marak irit ligik puruk-nen tepan yurak iri-ge an nindingen-o.

IBERANI 11:9

Nde, Mbal Pem Nagawan-nen urul yak tidnak sa iri na me wok yarig-e, at indi angin tubu yidnak pem-net o iri me-ge ap sal nggal woragaij-o. Abaram iri-ge Isak min Yakub min-e o yu-ge kit kenma-t ma-o luk urul yak indidnak sa woragolar-et nde, unuwi-ge luru sum uwi nak worogolat woraiga-o.