NDAK WIRIDNAK WENE 13:16 - Nanduk Ngget Tul Pidnak Wene

¹⁶ Nde, an-nen kat-nen wigarak kwarat tak pimin-o. Nde, iri rak pumu-ge, ap misiger-o luk tet-nen na wonat unpuwa bug-o. Ap-nen o liri wonarurak meya yili iri nggal-et kat-nen wigarak wonat unpurag-e mondok meya ma-o.

NDAK WIRIDNAK WENE 13:16 ပူးပေါင်းရင်းမြစ်များ

NDAK WIRIDNAK WENE 15:5

Yak turug-e, Nagawan Indo-nen Abaram na imin mbepme wurungsa laruk-nen yak tosolar-e: ”Kat kerengen mbal nggwe lik karuk, wonaru ereba wonari-o. Kat-nen wigarag-e wonaru abu nggal-et ligik lujwa-o” luk yak tij-o.

NDAK WIRIDNAK WENE 16:10

Yak turuk, aid nap iri na-net yak tosolar-e: ”An-nen-e kat-nen wigarag-e kwarat tak unpumu, wonat unpurag-e ap misiger-o luk-nen na mondok wonat unpuwa bug-o.

NDAK WIRIDNAK WENE 17:16

An-nen Sara iri-ge imbiringgat tak posolar-e, an-nen li ap mbi wok kirimin iri na at-nen ndaguwa-o. An-nen Sara imbiringgat tak posola-ge, at iri-ge ap enlem oboksa iniya kwat ma-o. Nde, at-nen wigarak ereba ennggendumu-ge ap ereb-e nagawan men ma-o” luk yak tij-o.

NDAK WIRIDNAK WENE 17:2

An-e kat kimin urul paga yak korosolat, kat-nen wigarag-e kwarat tak posolat yimin-o” yak tij-o.

NDAK WIRIDNAK WENE 17:20

Alat nde, Ismael amanggim nggi yigen iri na kwar-et kibimin-o. Iri bem-nen an-nen imbiringgat tak pumu, at-nen wigarag-e kwarat ma-o. At iri-ge ap enlem duabelas iri onmbo kwat ma-o. Nde, at-nen wigarag-e ap enlem nggok misik kwarat tak pimin-o.

NDAK WIRIDNAK WENE 17:6

Kat-nen wigarag-e kwarat tak inpimin ereba ennggendumu-ge ereb-e nagawan men ma-o. Kat-nen wigarak kwarat kwat yogolar-e, ap enlem nin nan kwat ma-o.

NDAK WIRIDNAK WENE 18:18

Nde, at-nen wigarag-e ap enlem nggok kwat yosolat, enmawi worak irit kwat ma-o. Nde, an-e at ebem-net ap enlem oboksa inmbiringgat tak pimin-o.

NDAK WIRIDNAK WENE 21:13

Iri nggal-et Ismael iri na kat kambara-t me, Agat ambara iri na at-nen wigarak na kwarat yosolat, ap enlem nggok irit kwat ma-o” luk yak tij-o.

NDAK WIRIDNAK WENE 22:17

an-nen-e kar-e imbiringgat kwarat kebem mberak posolar-e, kat-nen wigarag-e wonaru nggal, yi mbini nggal ligik lujwa-o. Nde, kat-nen wigarak-nen wim nggogolar-e, wim nab-e urugwe nggwe rak unpuwa-o.

NDAK WIRIDNAK WENE 26:4

Nde, iri-ge an-nen-e kat-nen wigarag-e wonaru mbal pem worasu ereba nggal kwarat tak posolat, nggweyak yu-ge oboksa kat-nen wigarak winde rak inpimin-o. Iri yosola karuk, nggweyakma worali nap enlem oboksa-nen-e an-nen kat-nen wigarak inmbiringgat tak onposola karuk, it iri nggal imbiringgat tak unpuwakluk an nemengen mbaruwa-o.

NDAK WIRIDNAK WENE 28:14

Nde, kat-nen wigarag-e o liri nggal ligik lasolar-e, mo luwaso nggwe-nen mo mboso nggwe-nen abare ena nggwe-nen abam nggwe-nen oboksa it onnggweyak kwat ma-o. Nde, kat min kat-nen wigarak min kenpem-nen-e yi ap ndi ap oboksa imbiringgat tak inpimin-o.

NDAK WIRIDNAK WENE 28:3

Mbal Pem Nagawan mondok amawi worak iri na-nen kat kogwe min wok kerak mbugup iri na imbiringgat tak kobosolar-e, kar-e ap kwarat onmbo irit kwat yonokluk kilirak kwarat wok kuruwag-o.

NDAK WIRIDNAK WENE 32:12

Nagawan Indo kat-nen-e: ’Kat kamanggim-e yi mende ndi mende oboksa konak nak kwat kobosolat, kat-nen wigarak yi sisiri nggal kwarat tak posola, ap-nen wonarurag-e mondok meya-o’ luk urul pigen iri na yebet karuk, yongga niri-o” luk tepan yij-o.

NDAK WIRIDNAK WENE 32:13

Nde, Yakup na iri me nene lug-e, at arengge ereba na-ge ereb-e owe Esau amanggim lenak posolar-e, kambing wam kowag-e dua ratus (200), nde, kusi-ge dua pulu (20), nde, lomb kowag-e dua ratus (200), nde, kusi-ge dua pulu (20), unta marik min mendaso ija-ge tiga pulu (30), nde, sapi wam kowag-e empat pulu (40), nde, kusi-ge sepulu, nde, kelerai wam kowag-e dua pulu (20), nde, kusi-ge sepulu irit lenak pij-o.

NDAK WIRIDNAK WENE 35:11

Nde, Mbal Pem Nagawan-net tuguruk yak tosolar-e: ”An-e Mbal Pem Nagawan Mondok Namawi Worak-nen yusu-o. Kat-nen wigarag-e kwarat mag-o. Kat karem-nen ap enlem kwarat mborosolat, nagawan nagawan onmbo kek tak irit kwat yugun-o.

NDAK WIRIDNAK WENE 46:3

Mbal Pem Nagawan-nen yosolar-e: ”An-e Mbal Pem Nagawan, kat keid-nen kek tak noboso Mbal Pem Nagawan-nen yusu-o. Kar-e Mesira mbururak kwiye yurak pug-o. An-nen-e kat-nen wigarag-e o iri me-nen-e ap elem nggok misik kwarak pimin-o.

1 NAGAWAN NAGAWAN-NEN KWARIDNAK WENE 3:8

Nde, an-e kat-nen kondomok kilirak tak enpeyekluk len inpigen enlem iri na ennggendumu worasu-o. It yu-ge enpe mondok kwarat, wonat unpurak puk-nen yili-o.

2 NAGAWAN NAGAWAN-NEN KWARIDNAK WENE 13:23

Alat nde, Nagawan Indo-nen-e at ilirak enabuwa karuk, it-nen meya kwarugwi-ge amberam tak posolat woragij-o. Ar-e ilirak lak tak unpuwakluk keya unpurak iri-ge imbit-nen yongga-t ondosolat woragij-o. Iri yid iri-ge Abarakam min Isak min Yakup min ”Irit kwat kinpimin-o” luk urul yak indid iri na bem-net kwarij-o. Yawo-nen na at ilirag-e meme rak unpusu bug-er-o.

AYUP 5:25

Kat-nen wigarag-e tusuangge nggal kwarat wonarurak puk ma-o.

MBIRIGA WENE 1:7

it Isarael nap na-ge it inlirak-nen ndagidnak ereba na-nen kwarat ndakolar-e, o iri me-ge Isarael nab-e kwarat wigak yosolat, o Mesira iri me-ge it nak kobong yij-o.

MBIRIGA WENE 32:13

Kat ndegel kubugwi nap Abarakam min Isak min Yakup min yebet eneyasolar-e, kat-nen urul owak mbara watsa yak ondosolar-e: ’Kit nen wigarag-e wonaru mbal pem abu nggal kwarat ma-o’ luk urul yak ondosolat, ’O iri na oboksa-ge kit-nen wigarak winde yuwarik, pem-et woralik nalik irit ombo wolma-o’ luk urul yak indigen iri na yebet ki-o’ luk yak tij-o.

WONARIDNAK WENE 23:10

Yakup-nen wigarag-e mondok o liri nggal wonarurak pug-o. Isarael nap enpe-ge mondok wene yurag-e meya-o. An-e ap mot mot nggal-et mot mot woraruk wat yeg-o. An nuruk woralar-e, it iri worali nggal-et worayeg-o” luk yij-o.

IBERANI 11:12

Nde, Abaram na-ge komo wat momtak panggorag-et nde, ar-e ap misiget nag-et nde, at arem-nen mbilarosolar-e, at-nen wigarak mondok kwarat, wonaru mbal pem woraso nggal, yi sisiri nggal wonarurak puk irit kwat agaij-o.

NAM PARA WENE 7:9

Iri luk, yik kaginggal-e, ap kwarat ndok worak, wanat unpurak mondok meya irit eneyagi-o. It iri na-ge ap enlem oboksa min ap enlem ndomok oboksa min ab-e ap oboksa min ap enne oboksa min ndok worak ereba na-ge nagawan koreyak woraso ondoro na min Lomba Wam Marik na min urugwe nggwe mendak woragolar-e, unsum loro yutluk, mbari angga ininggem tena woraiga-o.

WENE MBENARUGWI NAP-NEN KWARIDNAK WENE 6:3

Nde, ereb-e pempa Isarael nap-nen yabu waga yaguruk worakmu-ge, Mirian nap min Amalek nap min ap erep nembaga nggwe-nen na lobok yogolar-e, Isarael nap ondogolat woraiga-o.

WENE MBENARUGWI NAP-NEN KWARIDNAK WENE 6:5

Nde, ap ereba na-ge enpe-ge kwarat lobok yogolar-e, onowam nde unuwi lije nde imin-et nduguluk lobok yugwi-o. Nde, ir-e ap nde onowam unta wam nde lambuksa-ge wonarurak puk irit lobok yugwi-o. Nde, it lobok yogolar-e, Isarael nap unuwi-ge nggweyak min leraben waga keya bugwi-o.