NDAK WIRIDNAK WENE 12:8 - Nanduk Ngget Tul Pidnak Wene

⁸ Iri rak purug-e, Abaram na-ge abare ena (selatan) nggwe tu wanij-o. Mo luwaso ambigit abare ena nggwe ndobo worak o siri Mbetel nggwe mberarik, o lije sum-e Mbetel wok, o Ai siri wok, ereba me wirij-o. Nde, o Mbetel iri-ge mo mboso nggwe-o. Nde, Ai iri-ge mo luwaso nggwe-o. Iri me-nen na Abaram-nen-e Nagawan Indo amanggim wam wosa kan purak ondoro na misik kona mendaga pil laruk, Nagawan Indo erembel wanij-o.

NDAK WIRIDNAK WENE 12:8 ပူးပေါင်းရင်းမြစ်များ

NDAK WIRIDNAK WENE 13:18

Iri yak tosoloma-ge, Abaram na-ge o lije sum wi na-ge mijara turuksa o Mamere iri me kek tak pugwi e elem pem o Eperon koroga wiril mberarik woragij-o. Woralar-e, Nagawan Indo amanggim wam wosa kan purak ondoro kona ndama pil lagaij-o.

NDAK WIRIDNAK WENE 13:3

Nde, at na o Mbetel mborosolar-e, nin me-nen-e nin me wok luk, nin me-nen-e nin me wok luk, irit kwaril kwaril mberarik, nanduk at-nen o lije sum wirid sa o Mbetel wok, o Ai wok iri na me worasolat-nen

NDAK WIRIDNAK WENE 13:4

Nagawan Indo amanggim wam wosa kan purak ondoro kona ndama pil lagaid sa iri na me-t wok yij-o. Wok lug-e, iri me-nen Nagawan Indo erembel wanij-o.

NDAK WIRIDNAK WENE 21:33

Iri luk, Mbereseba iri me Abarakam-nen e tamariska misik yagurug-e, iri na me-ge Abarakam na-ge pem-et woraso Mbal Pem Nagawan, Nagawan Indo erembel wanosolat woragij-o.

NDAK WIRIDNAK WENE 22:9

It na mbirigarik, Mbal Pem Nagawan-nen Abarakam yak tidnak iri na me wok yogolar-e Mbal Pem Nagawan amanggim wosa kan purak ondoro kona mendaga pil laruk yarik, kan waruk mbirid ereba na-ge ondoro konid na bem ndama keya buruk, ambara na kamasa kan ndamak pid iri na bem mbinggirik pij-o.

NDAK WIRIDNAK WENE 26:25

Yak tosola, Isak-nen-e wam wosa kan purak ondoro kona mendaga keya buruk, iri na me Nagawan Indo erembel wanij-o. Iri na me o lije sum wi worak puruk worala-ge, at ndegel ubugwi nap-nen-e yi kenanggurak ondoro misik yaliga-o.

NDAK WIRIDNAK WENE 28:19

Nde, o iri na me unu yarosolar-e, Mbetel irit yarij-o. (O iri nanduk unu-ge Lus.)

NDAK WIRIDNAK WENE 31:25

Iri na tarem-e o Nggileat iri me-t Yakup na ndobo misik pem o lije worosola-ge, Laban-nen lit unpuruk lobok yid owe owot iri na inmin na ndobo misik pem o lije wiriga-o.

NDAK WIRIDNAK WENE 33:20

Nde, iri na me Yakup na woralar-e, Mbal Pem Nagawan amanggim wam wosa kan purak ondoro ndama pil laruk, unu yarosolar-e, EL iri-ge Isarael Embal Pem Nagawan-o luk yarij-o.

NDAK WIRIDNAK WENE 35:7

Iri na me wok yogolar-e, Yakup-nen-e wam wosa kan purak ondoro irit kona keya buruk, iri na me unu yarosolar-e: ”El Mbetel” irit yarij-o. Iri yarid iri-ge nanduk at owe Esau aye-nen lobok yosoma, Mbal Pem Nagawan at imbiri bem nam yidnak sa ala karuk, irit yarij-o.

NDAK WIRIDNAK WENE 4:26

Nde, Set na-ge ambara misik ndaguruk, unu-ge Enos yarij-o. Nde, ereya tarem-e ap-nen Nagawan Indo kek tak pogolat, at unu yugwi tel kwiriga tarem-o.

NDAK WIRIDNAK WENE 8:20

Nu-nen-e Nagawan Indo amanggim wam mbara kan purak ondoro konurug-e, yi towe ndi towe oboksa enggep lombok min wam nin tak nan tak nalma mende oboksa enggep lombok wosa mbara emben Nagawan Indo wok tosolat, mbara kan pij-o.

NDAWI ENGGA 116:4

Iri kwarosolar-e, an-nen Nagawan Indo emengen mbarosolar-e: ”Nagawan Indo wa-e. Nimiri yonokluk-nen kemengen mbarusu-o!” luk yak tigi-o.

MBIRIGA WENE 17:15

Iri lug-e, Musa-nen Mbal Pem Nagawan amanggim wam wosa kan purak ondoro kona mendaga keya buruk, unu yarosolar-e, ”Nagawan Indo iri-ge an-nen yenggerak purak mende-nen yusu-o (bendera)” luk yarij-o.

YOEL 2:32

Alat nde, ta-nen nde ’Yongga niri-o’ luk Nagawan Indo emengen mbaruwa nab-e inmiri-t yuwa-o. Ndobo Sion min Yerusalem min iri me-ge inmiri yurak elem-e wolma-o. Nagawan Indo-nen yid iri na ndak ndag-et Nagawan Indo-nen wene mbo unpuwa nab-e inmiri yuwa-o” luk yij-o.

YIDNAK YIDNAK WENE 2:21

Nde, ta-nen nde Nagawan Indo unu luk wene mbo buwa nab-e irit inmiri yaga wok unduwa-o” ’ yij-o.

1 KORINTUS 1:2

Mbal Pem Nagawan-nen idnak lambuk tak inpidnak nap kit Korintus worali nap, Kerisut Yesus ebem-nen marak kunpuruk wene mbo kenpaga mbek tak kinpidnak nap kenmanggim na irit, ap pidsa o nin me nin me worali nap-nen Nenagawan Indo Yesus Kerisut unu bem wene mbo bili nap enmanggim na irit, Nagawan Indo iri-ge nit Nenagawan Indo na irit, it Enagawan Indo na irit kenmanggim mbatli-o.

IBERANI 11:9

Nde, Mbal Pem Nagawan-nen urul yak tidnak sa iri na me wok yarig-e, at indi angin tubu yidnak pem-net o iri me-ge ap sal nggal woragaij-o. Abaram iri-ge Isak min Yakub min-e o yu-ge kit kenma-t ma-o luk urul yak indidnak sa woragolar-et nde, unuwi-ge luru sum uwi nak worogolat woraiga-o.

YOSUA 7:2

Nde, iri tarem-e Yosua-nen-e ap ereb-e Yeriko-nen Ai wi wirik inpij-o. Nde, Ai iri-ge Mbetel-nen-e mo luwaso (timur) ambigit nggwe-o. Mbet awen koroga-o. Nde, Yosua-nen-e o iri kwara lombot puwakluk ap ereb-e wirik inpij-o. Nde, it-nen-e yabu enpem pidnak iri na kwatlug-e,

YOSUA 8:12

Nde, o siri iri ombol nggwe mo mboso (barat) nggwe Ai wok Mbetel wok ap erep kud yimndil wirik inpid nab-e enpe wonarag-e lima ribu (5.000) nggal irit wirik inpil mbirij-o.

YOSUA 8:17

Nde, Ai nap oboksa-nen Isarael nap muk iniyil mborogolar-e, o siri iri na-ge mbi-ge yik karok woragit lak, o siri iri na-ge emnde pisirik keya biga-o.

YOSUA 8:3

Yosoloma, Yosua na-ge at-nen idnak san ombo oboksa inmin Ai wi mbururak lid lud tak pij-o. Iri yosolar-e, san ombo san wari nak tiga pulu ribu (30.000) lenak unpurug-e, nandug-et kubu wirik inpij-o.

YOSUA 8:9

Iri yak undurug-e, Yosua-nen it yu na wirik enpamu-ge, mo mboso (barat) ambigit, o Ai amberam nggwe, Ai wok Mbetel wok ereba me kud yimndil mbiriga-o. Mbirigarik, yik eneyarok kud yemndak worakmu-ge, Yosua na-ge Isarael nap woragwi sa-t nene lug-e,

WENE MBENARUGWI NAP-NEN KWARIDNAK WENE 6:24

Yosoloma, Nggireyon-nen-e Nagawan Indo amanggim kan purak ondoro misik konuruk, unu yarosolar-e, ”Nagawan Indo iri-ge mondok yamuksa woragwi elem-nen yusu-o” luk yarij-o. Nde, Nagawan Indo amanggim wam wosa kan purak ondoro konid iri na-ge Abieset nap enma o siri Opera iri me worasu-o.