Iri rak purug-e, Abaram na-ge abare ena (selatan) nggwe tu wanij-o. Mo luwaso ambigit abare ena nggwe ndobo worak o siri Mbetel nggwe mberarik, o lije sum-e Mbetel wok, o Ai siri wok, ereba me wirij-o. Nde, o Mbetel iri-ge mo mboso nggwe-o. Nde, Ai iri-ge mo luwaso nggwe-o. Iri me-nen na Abaram-nen-e Nagawan Indo amanggim wam wosa kan purak ondoro na misik kona mendaga pil laruk, Nagawan Indo erembel wanij-o.
NDAK WIRIDNAK WENE 12:7 - Nanduk Ngget Tul Pidnak Wene7 Nde, Nagawan Indo na-ge Abaram imbiri bem nam luk-nen yak tosolar-e: ”Nggweyak yu-ge an-nen kat-nen wigarak wok indimin nggweyak-nen yusu-o” luk yak tosoloma-ge, Abaram-nen-e at anggarem nam yid Nagawan Indo iri na amanggim wam wosa kan purak ondoro kona ndama pil lagaij-o. အခန်းကိုကြည့်ပါ။ |
NDAK WIRIDNAK WENE 12:7
55 ပူးပေါင်းရင်းမြစ်များ
Nagawan Indo mbal tena worasu Mbal Pem Nagawan yu-nen an neid ama-nen na irit, an nowe nowot woragwi sa-nen wok nuburuk lobok yarik, ’O yu-ge kat-nen wigarak wok indimin-o’ luk owak mbara pamu-o. Iri yid Nagawan Indo iri-net at-nen yidnak aid nap misik lenak puwama, yongga korosola, kar-e an nambara amanggim kwe-ge ndag-et nak ndurumsa wanugun-o.
Woralar-e, at-nen owerak yak ondosolar-e: ”An yawo-ge wat yurag-e panggorak worasu-o. Alat nde, Mbal Pem Nagawan-nen-e kir-e ndegel konposolat, o yu me-nen lit kunpuruk, ’Abarakam min Isak min Yakup min wok indimin-o’ luk urul yak ondosolat owak mbarid sa iri na me-t kinpil mburuwa-o” luk yak indij-o.
Woragolar-e, Yosandak ambara Yesua min at anggamirak yabu misiget erep wanugwi nap tepan ombo min Saltiel ambara Serubabel min at owe owot min-nen-e Isarael nap Enmbal Pem Nagawan amanggim wam wosa kan purak ondoro iri na tuguruk koniga-o. Nde, iri nggal kwatlug-e, Mbal Pem Nagawan ndegel oboso nap Musa-nen mbaridnak imiri mbarak pidnak engga bem mbarak iri na ndak ndag-et wam wosa ondoro iri na bem wam wosa kan piga-o.
Kat ndegel kubugwi nap Abarakam min Isak min Yakup min yebet eneyasolar-e, kat-nen urul owak mbara watsa yak ondosolar-e: ’Kit nen wigarag-e wonaru mbal pem abu nggal kwarat ma-o’ luk urul yak ondosolat, ’O iri na oboksa-ge kit-nen wigarak winde yuwarik, pem-et woralik nalik irit ombo wolma-o’ luk urul yak indigen iri na yebet ki-o’ luk yak tij-o.
Nde, Mbal Pem Nagawan-nen-e o yu me-ge at winde rak pigit lak, nggweyak mariger-o luk tet winde rak pigit lak yij-o. Alat nde, at ambara na awo ndakit lag-et nde, Mbal Pem Nagawan-nen urul paga yak tosolar-e: ’O yu-ge kat min kat-nen ndakun lolo min konnggweyag-et makluk wok kindimin-o’ luk yak tij-o.
O ereba oboksa-ge Nagawan Indo an-nen konmbo Abarakam min Isak min Yakup min it-nen wigarak min ”Wok kindimin-o” luk urul yak undukmu-o. Iri yidnak me, kir-e mburugupndig-e, o ereba winde yer-o’ yij-o” luk yak indij-o. 1:9–3:29 Pasal 1 erep min Pasal 2 min Pasal 3 min ereya arem-e it Isarael nap Sinai ndobo bem-nen mbirigarik, nembaga ereba me waring kagolat-nen kwaridnak wene nggok nggal ereba na tuguruk Musa-nen ndindera yak indidnak wene mbarak worasu-o.
Nagawan Indo Kenmbal Pem Nagawan abuwa kagolat, mot mor-et at-nen yidnak yidnak nak kwarogolat wolmer-o. Iri yogola-ge, kit min kit-nen wigarak min-e Nagawan Indo-nen o konmborak Abarakam min Isak min Yakup min wok kindimin-o luk urul yak indid o iri na me woragolat, kunluk mot pem-et woragub-o” yij-o.
Nde, it ap iri oboksa-ge inndi angin tubu yogolat-net wat yikma-o. Nde, Mbal Pem Nagawan-nen urul paga yak indidnak iri-ge ir-e wanigit lag-et nde, wanurak mende iri-ge erepma-nen yik karuk, iri-net yusu-o luk, enalen kagolat woraiga-o. Iri bem-nen it-nen nam-et yogolar-e: ”Nir-e nggweyak ma yu me worali yu-ge ap sal, luru lobok yidnak irit worali-o” luk yiga-o.
Nde, Abaram na indi angin tubu yidnak pem-net Mbal Pem Nagawan-nen yonggo obosola, at-nen-e Mbal Pem Nagawan-nen yidnak yidnak nak kwarosolar-e, Mbal Pem Nagawan-nen: ”O iri me wok kirimin-o” luk urul yak tidnak sa iri na mo-t mbirij-o. Nde, at ama keya buruk mborosolar-e, an-e o iri na me-t mburusu-o luk peragit lak, indi kabak irit mbirij-o.
ကြော်ငြာတွေ