NDAK WIRIDNAK WENE 12:3 - Nanduk Ngget Tul Pidnak Wene

³ Nde, ap-nen nde kat kimbiringgat tak kobogola-ge, an-nen na imbiringgat tag-et inpimin-o. Kat nde imbiri lamut tak kobogola-ge, an-nen na imbiri lamut tag-et inpimin-o. Kat kebem-nen nggweyak ma worali nap enlem oboksa imbiringgat tak inpimin-o” luk yak tij-o.

NDAK WIRIDNAK WENE 12:3 ပူးပေါင်းရင်းမြစ်များ

NDAK WIRIDNAK WENE 18:18

Nde, at-nen wigarag-e ap enlem nggok kwat yosolat, enmawi worak irit kwat ma-o. Nde, an-e at ebem-net ap enlem oboksa inmbiringgat tak pimin-o.

NDAK WIRIDNAK WENE 18:19

Nde, Abarakam linigi na-ge at-nen-e at elirak min at-nen wigarak min at-nen watsa yak ondosola, it-nen-e an-nen yidnak yidnak yogolat, konak mot mot nak kwarogolat wolmakluk linigi na-ge, nde, it-nen nde iri kwat tenak woragola-ge, an-nen Abarakam imin urul pigi na-ge kwar-et onposolat woramin-o” peragij-o.

NDAK WIRIDNAK WENE 22:18

Kar-e an-nen: ’Irit kwari-o’ yigi iri na ndak ndag-et kwarigenma me, yi nap ndi nap ap enlem oboksa-nen an-nen kat-nen wigarak inmbiringgat tak pigi nggal, imbiringgat tak unpuwakluk an nemengen mbaruwa-o” luk owak mbarij-o.

NDAK WIRIDNAK WENE 24:35

Nde, Nagawan Indo-nen-e an-nen ndegel oboso nap Abarakam iri-ge mondok imbiringgat wok tosolar-e, yi mende ndi mende kwarat ombo rak pij-o. Ombo rak posolar-e, lomba wam nde kambing wam nde sapi wam nde unta wam nde kelerai wam nde perak tol nde emas tol nde ndegel ubugwi nap kweyap nde ap nde mondok kwarat Nagawan Indo-nen ombo rak pij-o.

NDAK WIRIDNAK WENE 25:11

Abarakam iri na wat yosola-ge, Mbal Pem Nagawan-nen-e imbiringgar-e ambara Isak iri na ebem posolat irit woragij-o. Ereya tarem-e Isak na-ge yi kenanggurak ondoro yalidnak misik unu-ge ”At iri-ge keya noboso buk” iri na eralu-t woragij-o.

NDAK WIRIDNAK WENE 26:29

Iri ala-ge, nanduk nit-nen kat kimin meya kwarigit lak, konak nag-et woraruk, kondomok wene lag-et lobok yigen iri nggal-et kat-nen na ’Kit-nen kwat nibigep iri na nggal-et meya kwat kinpimin pug-o’ luk owak mbari-o. Nde, kat-nen konak nak nusu iri-ge Nagawan Indo-net nggetlel kuburuk nosola-nen kwarusu-o luk nir-e nam-et keyali-o” luk yak tiga-o.

NDAK WIRIDNAK WENE 26:4

Nde, iri-ge an-nen-e kat-nen wigarag-e wonaru mbal pem worasu ereba nggal kwarat tak posolat, nggweyak yu-ge oboksa kat-nen wigarak winde rak inpimin-o. Iri yosola karuk, nggweyakma worali nap enlem oboksa-nen-e an-nen kat-nen wigarak inmbiringgat tak onposola karuk, it iri nggal imbiringgat tak unpuwakluk an nemengen mbaruwa-o.

NDAK WIRIDNAK WENE 27:29

Ap enlem oboksa kat ndegel kubugwi kwat mag-o. Ap ene lombok oboksa-nen kat keram nak tud yogolat wolmag-o. Kat kowe kowot oboksa-nen kat kene nak kuluwag-o. Kat kiya-nen wigarag-e kat keram nak tud yogolat wolmag-o. Nde, kat imbiri lamut tak kubuwa nab-e imbiri lamut mag-o. Nde, kimbiringgat tak kubuwa nab-e imbiringgat irit mag-o” luk yij-o.

NDAK WIRIDNAK WENE 28:14

Nde, kat-nen wigarag-e o liri nggal ligik lasolar-e, mo luwaso nggwe-nen mo mboso nggwe-nen abare ena nggwe-nen abam nggwe-nen oboksa it onnggweyak kwat ma-o. Nde, kat min kat-nen wigarak min kenpem-nen-e yi ap ndi ap oboksa imbiringgat tak inpimin-o.

NDAK WIRIDNAK WENE 30:27

Yosoloma, Laban-nen Yakup yak tosolar-e: ”Kwara kuli-o. An-nen mbenarosoma-ge, kat kebem-nen Nagawan Indo-nen imbiringgat tak nubusu-o luk naru yusu-o.

NDAK WIRIDNAK WENE 30:30

An lobok yigit lak ma-ge, nimi karengge-ge marig-et woragij-et nde, yawo-ge an nebem-nen Nagawan Indo-nen imbiringgat tak kobosolar-e, karengge kwarat tak pij-o. Nde, yawo-ge an-e nogwela enmanggim yabu wanimin-o” luk yak tij-o.

NDAK WIRIDNAK WENE 39:5

Ereba na oboksa Yusup inggem pamu, wanosola-ge, Yusup-nen ndowaga Nagawan Indo-nen-e Mesira nap iri na aringgi arengge ma nggwe-nen na irit, mbepme nggwe-nen na irit, mondok imbiringgat tak posolat woragij-o.

NDAWI ENGGA 72:17

Nagawan unu-ge meme rak pigit lak, pem irit yeberak woralik nalik wolmag-o. At anggu obok mboroso-ge mo worala-ge, mondok wigak yosolat wolmag-o. Ap enlem oboksa-nen at imbiringgat worasu nggal wolmomtak pem imbiringgat tak unpurak nggi yuwag-o. Ap oboksa-nen nagawan imin yogolar-e: ”Alen worak wolmag-o” luk yuwag-o.

MBIRIGA WENE 23:22

Kit-nen nde at-nen yidnak yidnak kwarogolat, an-nen kenpem pidnak iri na-t kwarogola-ge, kunuwim nap oboksa inmin-e an-nen wim mbarimin-o.

WONARIDNAK WENE 24:9

It Isarael iri-ge singa kusi min kowak min nggal pak tak mbinggirik anggul ndimirik worasu-o. Ta nggal-nen kwiye lag-et sil kagub-o? Isarael kat imbiringgat tak kibili nab-e, kat-nen imbiringgat tak unpugun-o. Nde, Isarael kat imbiri lamut tak kibili nab-e kat-nen imbiri lamut tak unpugun-o” luk yij-o.

MATIUS 25:40

Yak togolikma-ge, Nagawan na-nen wene erep nggarosolar-e: ’An-nen yak kendeyeg-o: An nowot-tak marik komosa meya misik iri na iri nggal kwat ibigep iri-ge an-et kwat nibigeb-o!’ luk yuwa-o.

MATIUS 25:45

Yak togolikma-ge, at-nen wene erep nggarosolar-e: ’An-nen yak kendeyeg-o: It ennggendumu marik komosa meya yu na kwat ibigit lak yigep iri-ge, an-et kwat nibigit lak yigeb-o’ luk yak unduwa-o.

LUKAS 24:27

Yurug-e, Mbal Pem Nagawan engga bem-nen at kwat uburak obok mbaridnak pidsa-ge Musa-nen mbaridnak wene na bem tel korarik, yak indil indil Mbal Pem Nagawan ene lomboksa yugwi nap oboksa-nen mbaridnak wene bem pil mborosolar-e, ”Iri nggal yosolat-nen yidnag-e” luk mul indil indil mbirij-o.

OROMA 4:11

At iye ambasab-e abok nggwe-nen wabamu-o. Nde, at iye ambasap wabidnak iri-ge, at indi angin tubu yidnak pem-net Mbal Pem Nagawan-nen at iye ambasap wabigit lak ma-net at lud tak nak ibij-o luk ap-nen yenggerak puwakluk-nen wabamu-o. Iri bem-e, it iniye ambasap wabigit lak nab-et nde, inndi angin tubu yidnak pem-net Mbal Pem Nagawan-nen lud tak nak unpusu nap oboksa onmbo-ge Abaram-nen yusu-o.

1 KORINTUS 1:30

Alat nde, Mbal Pem Nagawan ebem-e Kerisut Yesus imin kundik kinpidnak worali-o. Kerisut iri-ge Mbal Pem Nagawan-nen-e nit ninndi tenggerak elem tak obosolat, at ebem-et mot mot tak nonposolat, mbek tak nonposolat, nonnggo paga weserak nonposolat yij-o.

NGGALATIA 3:16

Nde, Mbal Pem Nagawan-nen ”Iri nggal timin-o” luk, urul posolar-e, Abaram min at-nen wigarak min irit yak indij-o. Wene iri-nen yosolar-e: ”At-nen wigarak lolo-o” luk, ap kwarat inmin yij-e lag-o. Are, at-nen yosolar-e: ”Kat ndet ubugun nab-o” luk yid na-ge ap misiget, Kerisut nak imin yij-o.

NGGALATIA 3:28

Iri bem-e, Yawuri nab-o yurak na lag-o. Yunani nab-o yurak na lag-o. Ndegel unpugwi nab-o yurak na lag-o. Wisirik woragwi nab-o yurak na lag-o. Ab-o yurak na lag-o. Kwami-o yurak na lag-o. Kit oboksa-ge Kerisut Yesus ebem-e misiget nak kwat yili-o.

NGGALATIA 3:8

Enlem nin nab-e inndi angin tubu yidnak pem-net Mbal Pem Nagawan-nen lud tak nak unpurak wene na awo ma-net aru luk, Mbal Pem Nagawan-nen at engga bem mbarosolar-e, aid wene-ge Abaram yak tosolar-e: ”Kat kebem-net yi nap ndi nap enlem pidsa-ge imbiringgat tak unpuwa-o” luk yak tij-o.

EPESUS 1:3

Nenagawan Indo Yesus Kerisut eid Mbal Pem Nagawan erembel wanuwog-o. Nir-e Kerisut ebem-nen Mbal Pem Nagawan-nen aid arem woraso we wok nundurak mende oboksa-ge wok nindij-o.

KOLOSE 3:11

Iri bem-e, enlem nin nab-o luk, Yawuri nab-o luk na lak, iniye ambasap wabidnag-o luk iniye ambasap wabigit lag-o luk na lak, ap enlem oboksa ennggendumu-nen misik kek tak, misik teberak na lak, ndegel unpugwi-o luk, weserak woragwi-o luk na lag-o. Are, oboksa iri-ge Kerisut-nen yusu-o. Kerisut it oboksa inmin misiget yidnak-nen yusu-o.

NAM PARA WENE 7:9

Iri luk, yik kaginggal-e, ap kwarat ndok worak, wanat unpurak mondok meya irit eneyagi-o. It iri na-ge ap enlem oboksa min ap enlem ndomok oboksa min ab-e ap oboksa min ap enne oboksa min ndok worak ereba na-ge nagawan koreyak woraso ondoro na min Lomba Wam Marik na min urugwe nggwe mendak woragolar-e, unsum loro yutluk, mbari angga ininggem tena woraiga-o.