NDAK WIRIDNAK WENE 12:2 - Nanduk Ngget Tul Pidnak Wene

² Nde, an-nen-e kat-nen wigarak kwarat tak pumu-ge, it iri-ge ap enlem nggok irit kwat ma-o. Nde, an-nen-e kimbiringgat tak kobosola, kanggu kobok mborosolar-e, kar-e imbiringgat kwat yugun-o.

NDAK WIRIDNAK WENE 12:2 ပူးပေါင်းရင်းမြစ်များ

NDAK WIRIDNAK WENE 13:16

Nde, an-nen kat-nen wigarak kwarat tak pimin-o. Nde, iri rak pumu-ge, ap misiger-o luk tet-nen na wonat unpuwa bug-o. Ap-nen o liri wonarurak meya yili iri nggal-et kat-nen wigarak wonat unpurag-e mondok meya ma-o.

NDAK WIRIDNAK WENE 15:5

Yak turug-e, Nagawan Indo-nen Abaram na imin mbepme wurungsa laruk-nen yak tosolar-e: ”Kat kerengen mbal nggwe lik karuk, wonaru ereba wonari-o. Kat-nen wigarag-e wonaru abu nggal-et ligik lujwa-o” luk yak tij-o.

NDAK WIRIDNAK WENE 17:20

Alat nde, Ismael amanggim nggi yigen iri na kwar-et kibimin-o. Iri bem-nen an-nen imbiringgat tak pumu, at-nen wigarag-e kwarat ma-o. At iri-ge ap enlem duabelas iri onmbo kwat ma-o. Nde, at-nen wigarag-e ap enlem nggok misik kwarat tak pimin-o.

NDAK WIRIDNAK WENE 18:18

Nde, at-nen wigarag-e ap enlem nggok kwat yosolat, enmawi worak irit kwat ma-o. Nde, an-e at ebem-net ap enlem oboksa inmbiringgat tak pimin-o.

NDAK WIRIDNAK WENE 18:19

Nde, Abarakam linigi na-ge at-nen-e at elirak min at-nen wigarak min at-nen watsa yak ondosola, it-nen-e an-nen yidnak yidnak yogolat, konak mot mot nak kwarogolat wolmakluk linigi na-ge, nde, it-nen nde iri kwat tenak woragola-ge, an-nen Abarakam imin urul pigi na-ge kwar-et onposolat woramin-o” peragij-o.

NDAK WIRIDNAK WENE 19:29

Mbal Pem Nagawan-nen-e o siri ereba Lot woragid o lid iri na-ge iri nggal kwasa lak tak pij-et nde, Mbal pem Nagawan-nen-e Abarakam-nen yidnak iri na indi yebet karuk, Lot na-ge yongga worosola, mengga mberamu-o.

NDAK WIRIDNAK WENE 24:1

Nde, Abarakam na-ge abu indi worak irit yij-o. Nde, at iri-ge yi mende ndi mende bem-e Nagawan Indo-nen-e imbiringgat tak posolat woragij-o.

NDAK WIRIDNAK WENE 24:35

Nde, Nagawan Indo-nen-e an-nen ndegel oboso nap Abarakam iri-ge mondok imbiringgat wok tosolar-e, yi mende ndi mende kwarat ombo rak pij-o. Ombo rak posolar-e, lomba wam nde kambing wam nde sapi wam nde unta wam nde kelerai wam nde perak tol nde emas tol nde ndegel ubugwi nap kweyap nde ap nde mondok kwarat Nagawan Indo-nen ombo rak pij-o.

NDAK WIRIDNAK WENE 25:11

Abarakam iri na wat yosola-ge, Mbal Pem Nagawan-nen-e imbiringgar-e ambara Isak iri na ebem posolat irit woragij-o. Ereya tarem-e Isak na-ge yi kenanggurak ondoro yalidnak misik unu-ge ”At iri-ge keya noboso buk” iri na eralu-t woragij-o.

NDAK WIRIDNAK WENE 26:3

Nde, an-nen-e nggetlel kuburuk nosolat, imbiringgat tak kobosolat woramin-o. Nde, nggweyak yu-ge oboksa kat wok kurumu, kat-nen wigarak-nen winde yuwa-o. Nde, an-nen-e keid Abarakam ’Inik nggal kwat kibimin-o’ luk urul yak tigi iri na ndak ndag-et kwat kibimin-o.

NDAK WIRIDNAK WENE 26:4

Nde, iri-ge an-nen-e kat-nen wigarag-e wonaru mbal pem worasu ereba nggal kwarat tak posolat, nggweyak yu-ge oboksa kat-nen wigarak winde rak inpimin-o. Iri yosola karuk, nggweyakma worali nap enlem oboksa-nen-e an-nen kat-nen wigarak inmbiringgat tak onposola karuk, it iri nggal imbiringgat tak unpuwakluk an nemengen mbaruwa-o.

NDAK WIRIDNAK WENE 27:29

Ap enlem oboksa kat ndegel kubugwi kwat mag-o. Ap ene lombok oboksa-nen kat keram nak tud yogolat wolmag-o. Kat kowe kowot oboksa-nen kat kene nak kuluwag-o. Kat kiya-nen wigarag-e kat keram nak tud yogolat wolmag-o. Nde, kat imbiri lamut tak kubuwa nab-e imbiri lamut mag-o. Nde, kimbiringgat tak kubuwa nab-e imbiringgat irit mag-o” luk yij-o.

NDAK WIRIDNAK WENE 28:14

Nde, kat-nen wigarag-e o liri nggal ligik lasolar-e, mo luwaso nggwe-nen mo mboso nggwe-nen abare ena nggwe-nen abam nggwe-nen oboksa it onnggweyak kwat ma-o. Nde, kat min kat-nen wigarak min kenpem-nen-e yi ap ndi ap oboksa imbiringgat tak inpimin-o.

NDAK WIRIDNAK WENE 35:11

Nde, Mbal Pem Nagawan-net tuguruk yak tosolar-e: ”An-e Mbal Pem Nagawan Mondok Namawi Worak-nen yusu-o. Kat-nen wigarag-e kwarat mag-o. Kat karem-nen ap enlem kwarat mborosolat, nagawan nagawan onmbo kek tak irit kwat yugun-o.

NDAK WIRIDNAK WENE 46:3

Mbal Pem Nagawan-nen yosolar-e: ”An-e Mbal Pem Nagawan, kat keid-nen kek tak noboso Mbal Pem Nagawan-nen yusu-o. Kar-e Mesira mbururak kwiye yurak pug-o. An-nen-e kat-nen wigarag-e o iri me-nen-e ap elem nggok misik kwarak pimin-o.

2 SEMUEL 7:9

An-e pempa kat kimin woralat, kat nusu sa-ge pempa kimin-et mburusu-o. Kat-nen kuwim nap inmin wim mbarosola-ge, an net ndegera lak tak inpigi-o. Ap nggok nggweyak ma yu me-nen enanggu onpok mburusu nggal an-net kanggu kobok worak tak pimin-o.

1 NAGAWAN NAGAWAN-NEN KWARIDNAK WENE 1:47

Nggok lombog-e ap san wari ereba na Nagawan Ndaut eram mbirigarik-nen Ndaut wa yak togolat-nen yogolar-e: ’Nagawan Kembal Pem Nagawan-nen-e kar-e kanggu kobok worag-et nde, Salomo iri na-ge mondok terak mena irit anggu obok worak tak puwag-o. Kat-nen tenagidnak wi-ge enalen worak woragwi-t nde, Salomo-nen tenagidnak wi-ge terak minik enalen pem woragwi rak puwag-o’ luk yak tiga-o. Yak togola-ge, Nagawan Ndaut iri na-ge at nene yoso ondoro bem tud yarik, Mbal Pem Nagawan erembel wanosolat-nen

NDAWI ENGGA 107:38

Nagawan Indo-nen imbiringgat tak onposolar-e, inlirak kwarat ndaiga-o. Iri-nen it-nen parugu woragwi mende usu worak na kwarat ijak wosa keya bij-o.

MBIRIGA WENE 1:7

it Isarael nap na-ge it inlirak-nen ndagidnak ereba na-nen kwarat ndakolar-e, o iri me-ge Isarael nab-e kwarat wigak yosolat, o Mesira iri me-ge it nak kobong yij-o.

MBIRIGA WENE 32:10

An-e larok tak nuburak pug-o. An nisilepma onposolat, mondok lak tak inpimin-o. Alat nde, kat min kat-nen wigarak min-e ap enlem nggok misik kwarak kinpimin-o” luk yij-o.

YESKIEL 34:26

Nde, an-nen-e inmbiringgat tak posolat, ’An nondobo marak iri na eralu inggi inggi ereba na me wolmer-o’ luk yak indimin-o. It-nen nde talme ukwe yogola-ge, talme wok ondosolat woramin-o.

MIKA 7:20

Nanduk kwat nunpurak urul nonmborak yak indigen iri na ndak ndag-et kat-nen tugup lak kwat onposo min kat-nen kundugu enabuwa kaso min iri na-ge kat kilirak Abarakam min Yakup min-nen wigarak irit mirik nunpugun-o.

WONARIDNAK WENE 14:12

Iri ala, an-nen perek perek mboroso kugi bem lak tak inpimin-o. Nde, it yu enmawi-ge mariger-et nde, kar-e an-nen up enlem mondok nggok enmawi worak nap misik onmbo rak kibimin-o” luk yak tij-o.

WONARIDNAK WENE 22:12

Yosoloma, Mbal Pem Nagawan-nen Mbileyam yak tosolar-e: ”Isarael nap iri-ge an-nen inmbiringgat tak inpidnak me, kar-e it iri inmin mburugundik, inmbiri lamut tak unpurak pug-o” luk yak tij-o.

WONARIDNAK WENE 23:20

Mbal Pem Nagawan-nen inmbiringgat tak unpurak nebem pidnak me, Mbal Pem Nagawan-nen-e Isarael nap inmbiringgat tak onposola-t nde, an-nen nak inmbiringgat tak inpigit lak yurag-e meya-o.

OROMA 4:11

At iye ambasab-e abok nggwe-nen wabamu-o. Nde, at iye ambasap wabidnak iri-ge, at indi angin tubu yidnak pem-net Mbal Pem Nagawan-nen at iye ambasap wabigit lak ma-net at lud tak nak ibij-o luk ap-nen yenggerak puwakluk-nen wabamu-o. Iri bem-e, it iniye ambasap wabigit lak nab-et nde, inndi angin tubu yidnak pem-net Mbal Pem Nagawan-nen lud tak nak unpusu nap oboksa onmbo-ge Abaram-nen yusu-o.

NGGALATIA 3:14

Mbal Pem Nagawan-nen Abaram urul yak tidnak imbiringgat mende iri-ge Kerisut Yesus ebem-nen enlem nin nap wok unduwakluk, nit-nen na ninndi angin tubu yidnak pem Mbal Pem Nagawan-nen urul pidnak Konak Indi wanuwakluk, Kerisut-e imbiri lamut agaid irir-o.

NGGALATIA 3:7

Iri ala-ge, inndi angin tubu yidnak nab-e ndemeret Abaram ilirak-nen yili-o luk kenaru mer-o.

TUGURUK YIDNAK WENE 26:5

Iri yosola-ge, kat-nen Nagawan Indo imbiri bem wene-ge yu nggal yurag-o: ’Nagawan Indo wa-e. Nombo-ge Aram nap, we yeba nak waring kaso nab-o. Elirak inmin Mesira mberarik, iri me ap sal nggal irit woragij-o. Mondog-et iri me mborosolar-e, enpe-ge marig-et mbiriga-t nde, ap enlem mondok nggok enmawi worak irit kwat yiga-o.