NDAK WIRIDNAK WENE 1:9 - Nanduk Ngget Tul Pidnak Wene

⁹ Iri luk, Mbal Pem Nagawan-nen yosolar-e: ”Yi nggweyak ma worasu yu-ge wonggoksa ondoro misik yosolat, nggweyak nam mag-o” yosoloma-ge, iri na nggal-et kwat yij-o.

NDAK WIRIDNAK WENE 1:9 ပူးပေါင်းရင်းမြစ်များ

NDAK WIRIDNAK WENE 1:8

Nde, yi menggesa abam nggwe rak pid iri na unu-ge ”Mbal” yarij-o. Kubu na woraruk, kuplila kwat yid iri-ge mberen pem tak posolat tarem-o.

NEMIA 9:6

Iri yogola, Isarael nap-nen tepan-e yu nggal yiga-o: ”Kar-e Nagawan Indo-net yusu-o. Wonaru min mbal nggwe oboksa min yi koma min o yu min ebem worasu mende oboksa min-e kat-nen ndak worak puruk, ebem-e uruk urugup worak mende pigen-o. Mbal nggwe tena woragwi amawi worak-nen na kat keram endaru yunggusa koreluk kat nak kek tak kibili-o.

NDAWI ENGGA 104:3

Kat kuwi-ge mbal pem teram eid me yi ombolwak pem wirigen-o. Nggan nggan-e kat-nen konggweyak koma nggal tak puruk, o wija isiyamu bem koreluk mburusu-o.

NDAWI ENGGA 33:7

Yi koma arem worasu yi ereba oboksa-ge Nagawan Indo-net yenggera misik me pamu-o. Yi koma iri-ge at-net wamid lesa ondoro misik me pamu-o.

NDAWI ENGGA 95:5

Yi koma min-et at-nen ndak wiridnak me, at inggiyapma-nen yusu-o. Nggweyak worak sa na at inggi-nen pidnak me, at arengge-nen yusu-o.

YUNUS 1:9

Yogoloma, Yunus-nen onggo yosolar-e: ”An-e Iberani nab-er-o. An-e aid arem woraso Mbal Pem Nagawan yi koma min nggweyak min ndak worak pid iri na erembel wanoso-o” luk yij-o.

2 PETERUS 3:5

Tel korosolat kuri-net Mbal Pem Nagawan ene nak-nen mbal min nggweyak min ndak worak pid wene iri-ge it-nen-e enaru yurak insili-net enaru buk nggal kwatli-o. Nde, nggweyak yu-ge yi enggendumu-nen yi bem-nen ndak worak pij-o.

NAM PARA WENE 10:6

owak mbarosolar-e, urug-et woralik nalik woraso Mbal Pem Nagawan, mbal min mbal ebem woraso mende min nggweyak min nggweyak ebem woraso mende min yi koma min yi koma arem woraso mende min ndak worak pid Mbal Pem Nagawan na unu bem owak mbarosolar-e: ”Kwarurak tarem-e mondok mborok tak puwa bug-o.