NDAK WIRIDNAK WENE 1:22 - Nanduk Ngget Tul Pidnak Wene

²² Iri rak puruk, Mbal Pem Nagawan-nen-e imbiringgat tak posolat-nen yosolar-e: ”Yi koma arem woraso urugup worag-e kwarat wigak yosolat, ijak wosa labuk yosolar-e, yi koma arem mik mak mbi-o. Yi towe ndi towe na kwarat wigak min-o” luk yij-o.

NDAK WIRIDNAK WENE 1:22 ပူးပေါင်းရင်းမြစ်များ

NDAK WIRIDNAK WENE 1:21

Nde, Mbal Pem Nagawan-nen yi koma arem woraso urugup worak mondok yok nggok min yi ma woraso urugup worak nin tak nan tak min, yi towe ndi towe oboksa min ndak worak pij-o. Nde, iri na yik karug-e, Mbal Pem Nagawan-e alen kagaij-o.

NDAK WIRIDNAK WENE 1:23

Kubu na woraruk, kuplila kwat yid iri-ge lima rak posolat tarem-o.

NDAK WIRIDNAK WENE 1:28

Iri rak puruk, imbiringgat tak onposolat-nen yosolar-e: ”Kit-nen wigarak yi wi ndi wi woragolar-e, o tena wolmag-o. Nde, keyane yi ma woraso min towe teram nggwe noso min nggweyak ma woraso erengen kege lak min worak min oboksa kit-nen tena worabokluk kininggem pusu-o.

NDAK WIRIDNAK WENE 30:27

Yosoloma, Laban-nen Yakup yak tosolar-e: ”Kwara kuli-o. An-nen mbenarosoma-ge, kat kebem-nen Nagawan Indo-nen imbiringgat tak nubusu-o luk naru yusu-o.

NDAK WIRIDNAK WENE 30:30

An lobok yigit lak ma-ge, nimi karengge-ge marig-et woragij-et nde, yawo-ge an nebem-nen Nagawan Indo-nen imbiringgat tak kobosolar-e, karengge kwarat tak pij-o. Nde, yawo-ge an-e nogwela enmanggim yabu wanimin-o” luk yak tij-o.

NDAK WIRIDNAK WENE 35:11

Nde, Mbal Pem Nagawan-net tuguruk yak tosolar-e: ”An-e Mbal Pem Nagawan Mondok Namawi Worak-nen yusu-o. Kat-nen wigarag-e kwarat mag-o. Kat karem-nen ap enlem kwarat mborosolat, nagawan nagawan onmbo kek tak irit kwat yugun-o.

NDAK WIRIDNAK WENE 8:17

Nde, towe mena nggok-nen marik-nen nin tak nan tak oboksa kwarat yosolat yi wi ndi wi wigak makluk, waga mbepme wirik per-o” luk yak tij-o.

NDAK WIRIDNAK WENE 9:1

Mbal Pem Nagawan-nen Nu elirak inmin imbiringgat tak onposolat-nen yosolar-e: ”Kit-nen wigarak yi wi ndi wi wolmakluk, kit-nen wigarak konoworak konmborak kwarat wigak mag-o.

AYUP 40:15

Kar-e sapi nggal nggok pare (Mbemot) mondok kwiye worak iri mbi kwara lombot pi-o. Iri-ge kat ndak worak kibigi nggal an-nen ndak worak pidnak mende-net yusu-o. Sapi min Lembu min nggal-et tusuangge-ge naso-o.

AYUP 42:12

Nde, Ayup iri na worala-ge, kwarat kobongsa irit imbiringgat tak posolat woragij-o. Nde, Ayup anggun panggun ebem mbigit lak ma-ge iri nggal-e imbiringgat tak pigit lag-et nde, yawo-nen wok tosolar-e, lomba wam-e 14.000, nde, unta-ge 6.000, nde, sapi-ge 2.000, nde, kelerai-ge 1.000 irit Ayup-e ombo yij-o.

NDAWI ENGGA 107:31

Nagawan Indo-nen it enabuwa kasolat, at-nen nggweyakma nap enmanggim kwiye worak mende kwarat kwarosolat kwaroso bem it-nen-e at wiwa-o yak turak iri-ge ndak-net yusu-o.

NDAWI ENGGA 107:38

Nagawan Indo-nen imbiringgat tak onposolar-e, inlirak kwarat ndaiga-o. Iri-nen it-nen parugu woragwi mende usu worak na kwarat ijak wosa keya bij-o.