NDAK WIRIDNAK WENE 1:2 - Nanduk Ngget Tul Pidnak Wene

² nggweyag-e awo nggweyak abage kwat yigit lak, nari wari nak woragij-o. Woralar-e, yi koma nak suwarep mbuwarep tak yi mende ndi mende oboksa yi-nen yemndak woralar-e, mondok ndamuk mom ndirik irit woragij-et nde, Mbal Pem Nagawan Indi-ge yi iri na ombol pem yebaluk nij-o.

NDAK WIRIDNAK WENE 1:2 ပူးပေါင်းရင်းမြစ်များ

AYUP 38:9

Iri-ge an-net yi koma-ge nggan nggan-nen mbeyok tak pukmu-o. Mom ki rak pem-net nggitlik pukmu-o.

AYUP 41:32

At mbiridnak ondoro nggwe-ge eyaya yoso-o. Yi koma erare-ge eragup loro nggal tak poso-o.

NDAWI ENGGA 104:30

Alat nde, kat-nen indisep wok ondosola-net it iri-ge ndak wosa labuk yili-o. Kat-nen o yu-ge tuguruk ngget tak pusu-o.

NDAWI ENGGA 104:6

O yu-ge kat-nen yi koma nak-nen muruksa pigenma-o. Iri rak pigenma, yi-ge ndobo oboksa yemnda keya bij-o.

NDAWI ENGGA 136:6

O nggweyak yu-ge at-nen yi koma ombol pem yemarak pamu-o. At-nen-e pem kundugu irit enabuwa yoso-nen yusu-o.

NDAWI ENGGA 148:7

Nggweyakma yu bem woraso wa-e. Nagawan Indo nak erembel waner-o! Yi koma arem woraso nanggu min yi koma yubuktak oboksa min wa-e. At nak erembel waner-o!

NDAWI ENGGA 33:6

Nagawan Indo-nen-e ene nak-nen ”Kwat min-o” yidnak pem mbal ndak wosa labuk yosolat, molengen min waneya min wonaru min at ene nak-nen ndak wosa keya bamu-o.

NGGOMO WENE 8:24

Yi koma awo kwat yigit lak ma, yi ulusu na pilana wagit lak ma-net ndet nibidnak-nen yusu-o.

YESAYA 31:5

Towe-nen amarik imiri yosolat uwima tuburusu iri na nggal Nagawan Indo Mondok Namawi Worak an-nen na Yerusalem nggetlel obosolat, imiri yosolat kwarimin-o” luk yij-o.

YESAYA 45:18

Nagawan Indo mbal ndak worak pid iri-ge Mbal Pem Nagawan-net yusu-o! At iri-net o yu-ge kwarak posolat, ndak worak pamu-o. Iri yamu, o yu-ge tugup lak irit mendak worasu-o. At-nen o ndak worosolar-e, we o nak ap tuporak wolmakluk ndak wirigit lag-o. Are, enpe wolmomtak ondoro worak irit ndak worak pamu-o. At-nen yosolar-e: ”An-e Nagawan Indo-nen yusu-o. An nggal erep mbi worali-ge mondok lag-o.

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.

TUGURUK YIDNAK WENE 32:11

Towe ijamu-nen pubu mbururak amarik mul tosolar-e, isiyamu bem puruk yebaluk mburusu iri nggal