NDAK WIRIDNAK WENE 1:11 - Nanduk Ngget Tul Pidnak Wene

¹¹ Alen karug-e, Mbal Pem Nagawan-nen yosolar-e: ”Nggweyak yu-nen-e yak yoso mende engen nin tak nan tak uwi wirik puwag-o. Nde, iri-ge e engen-nen tup yoso mende min we engen nak yoso mende min irit mburuwag-o” yij-o. Yosoloma-ge, iri na nggal-et kwat yij-o.

NDAK WIRIDNAK WENE 1:11 ပူးပေါင်းရင်းမြစ်များ

NDAK WIRIDNAK WENE 1:12

Iri nggal kwasa yak yoso mende nin tak nan tak iri-ge nggweyak yu-nen wirik pamu-o. Nde, ereba na-ge Mbal Pem Nagawan-nen yik karug-e, alen kagaij-o.

NDAK WIRIDNAK WENE 1:29

Nde, yak yoso mende nin tak nan tak, engen tup yoso mende min we engen yoso mende min oboksa-ge kit nok tenak worabok-nen wok kundusu-o.

NDAK WIRIDNAK WENE 2:16

Iri na me puruk, Nagawan Indo Mbal Pem Nagawan-nen ap Aram na yak tosolar-e: ”Kar-e yabu yu me worasu e yeba engen-e oboksa kat nasolat wolmomtag-o.

NDAK WIRIDNAK WENE 2:5

Mbal Pem Nagawan-nen talme na awo mberak pigit lak, yabu wanurak nap na lak worala me, kuri na yak yigit lak, engen kerengen tup yoso mende uwi na mondok lak woragij-o.

NDAK WIRIDNAK WENE 2:9

Nde, iri na me-ge Nagawan Indo Mbal Pem Nagawan-nen-e e konak engen konak nak yoso nin tak nan tak iri-ge iri na me-nen wirik pij-o. Nde, e uwi kere uwi wirik pid ereba na enggendumu-ge unluk tak poso e uwi min meya min konak min elem mirik onposo e min ereya na-ge e kwarat ereba na enggendumu yak yij-o.

NDAWI ENGGA 1:3

yi eyak pem yagidnak e misik yabosoma, engen poso tarem-net e na engen poso-o, angga na lera mboso buk e nggal-nen yili-o. It-nen kwarugwi mende iri-ge pidsa konak nak kwatli-o.

YESAYA 61:11

Uwi pil kaidnak tup luk nggok yusu iri na nggal-et Nagawan Indo-nen-e inmiri yoso elem wirik posola, ap enlem oboksa-nen-e at nak erembel wanuwa-o” luk yij-o. 62:1-12 Pasal yu arem-e Mbal Pem Nagawan ilirak abok-nen inmiri yuwa wene mbarak worasu-o.

MATIUS 3:10

E mengen min tebera mbo beyekluk ije-ge ebem lud tak puruk worasu-o. Engen konak yoso buk e oboksa-ge ndara kanduk arem pil ngguwa-o.

MATIUS 6:30

Kit kinndi kwara angin tubu yugwi buk nap wa-e. Mbal Pem Nagawan-nen-e yapmu woraso tusuwangge na umuruk poso-o. Nde, tusuwangge na-ge yawo nggal laruk, kub-e kan purag-et nde, umuruk poso-o. Nde, kir-e terak minik ija-t me, sum yirik kunpuwar-o.

MARAKUS 4:28

Nggweyak iri ondomok-nen uwi iri ebe rak poso-o. Iri yosolar-e, nandug-et tup luk, engga puruk, isi posolar-e, engen yoso-o.

1 KORINTUS 15:38

Nde, Mbal Pem Nagawan-net uwi iri-ge at indi-n pidnak pem-net ebe irit wok toso-o. Yi mende ndi mende uwi na ondomok tak ebe na wok toso-o.

IBERANI 6:7

Talme pempa mbosolar-e, nggweyak na amburu rak posola-ge, uwi yagaid nap-nen nujwakluk yi mende ndi mende kwarat wirik poso nggweyak iri-ge Mbal Pem Nagawan-nen alim tak poso-o.

YAKOBUS 3:12

Nanggamirak wa-e. Marengge-nen ebe yosolar-e, aruwa yoso-a? Nde, kwari-nen ebe yosolar-e, marengge nde yoso-a? Iri nggal, mayu yi-nen-e we yi mboroso bug-o.