NDAK WIRIDNAK WENE 1:1 - Nanduk Ngget Tul Pidnak Wene

¹ Mondok mondog-e, Mbal Pem Nagawan-nen mbal min nggweyak min ndak worosolar-e,

NDAK WIRIDNAK WENE 1:1 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 19:15

tepan yosolat-nen yosolar-e: ”Nagawan Indo Isarael nap Enmbal Pem Nagawan kerup aid nap ebem koreyak woraso wa-e. Nggweyakma wi o tena worali nagawan oboksa enanggul pem o tena woraso Mbal Pem Nagawan-e kat nak-nen yusu-o. Kat nak-nen mbal min nggweyak min-e ndak worak pigenma-o.

NEMIA 9:6

Iri yogola, Isarael nap-nen tepan-e yu nggal yiga-o: ”Kar-e Nagawan Indo-net yusu-o. Wonaru min mbal nggwe oboksa min yi koma min o yu min ebem worasu mende oboksa min-e kat-nen ndak worak puruk, ebem-e uruk urugup worak mende pigen-o. Mbal nggwe tena woragwi amawi worak-nen na kat keram endaru yunggusa koreluk kat nak kek tak kibili-o.

AYUP 38:4

O yu an-nen ndak worak pigi tarem-e kar-e woraigen, lak? Kat nde mondok karu-nen-e ndindera yak niri-o!

NDAWI ENGGA 102:25

Nanduk o yu ndak worak pigen kuri-net kar-e woraso-nen yusu-o. Nde, mbal na kat kinggi-nen ndak worak pidnak-nen yusu-o.

NDAWI ENGGA 104:24

Nagawan Indo wa-e. Kat-nen-e mondok kwarat ndak worak pigenma-o. Ereba oboksa-ge kat-nen-e kindi-net kwara yebet karuk, ndak worak pigenma-o. O yu-ge kat-nen ndak wiridnak mende nak-nen kobong yusu-o.

NDAWI ENGGA 104:30

Alat nde, kat-nen indisep wok ondosola-net it iri-ge ndak wosa labuk yili-o. Kat-nen o yu-ge tuguruk ngget tak pusu-o.

NDAWI ENGGA 115:15

Mbal min nggweyak min ndak worak pid Nagawan Indo-nen-e imbiringgat tak kunpuwag-o!

NDAWI ENGGA 121:2

Yongga nuruwa iri-ge Nagawan Indo mbal min nggweyak min ndak worak pid iri na-nen yongga nuruwa-o.

NDAWI ENGGA 124:8

Nit yongga nondoso iri-ge mbal min nggweyak min ndak worak pid Nagawan Indo iri nak-nen yongga nondoso-o.

NDAWI ENGGA 134:3

Mbal min nggweyak min ndak wiridnak nap Nagawan Indo-nen Sion iri me-nen imbiringgat tak kunpuwag-o!

NDAWI ENGGA 136:5

At indi nggat nggat pem-net mbal ndak woramu-o. At-nen-e pem kundugu irit enabuwa yoso-nen yusu-o.

NDAWI ENGGA 146:6

Nagawan Indo-net mbal min nggweyak min yi koma min ebem woraso mende oboksa min ndak worak pamu-o. At iri-ge at-nen urul pidnak ereba na pempa tugup lak ndak ndak kwat onposolat woraso-o.

NDAWI ENGGA 33:6

Nagawan Indo-nen-e ene nak-nen ”Kwat min-o” yidnak pem mbal ndak wosa labuk yosolat, molengen min waneya min wonaru min at ene nak-nen ndak wosa keya bamu-o.

NDAWI ENGGA 33:9

Iri kwarugwi iri-ge at ene nak-nen ”Iri nggal kwat mag-o” yidnak pem nak oboksa ndak wosa labuk yosolat, at-nen ”Iri nggal kwat min-o” yid pem nak oboksa ndak wosa labuk yil lobok yosolat kwarid iri bem-net kwarurag-o.

NDAWI ENGGA 8:3

Kat-nen mbal ndak worak pigen min waneya min wonaru min kat-nen pigen ereba an-nen yik kasolar-e,

NDAWI ENGGA 8:4

nggweyakma nap iri-ge no nggal ala-nen kar-e kindi enpem woralat, no nggal ala-nen kwara ndegel unpusu-o?

NDAWI ENGGA 90:2

Ndobo ndak wirigit lak ma, nggweyak min o yu min kwarak pigit lak ma-ge, kar-e woroksiyem na lak, tel kwiridnak na lak, kar-e pem irit woraso-nen yusu-o.

NDAWI ENGGA 96:5

Ap erep-nen erembel wanugwi-ge ininggi-nen ndak wiridnak mende-nen yusu-t nde, Nagawan Indo iri-ge mbal ndak wiridnak nap-nen yusu-o.

MBIRIGA WENE 20:11

Nagawan Indo an-nen nggweyak min mbal min yi koma min ereya ebem woraso min oboksa ndak worosolar-e, enam pem nak ndak wurukmu-o. Alat nde, tuju bem-e nebabok kwarosolat, we worakmu-o. Iri bem-nen we woragi tarem iri-ge imbiringgat tak puruk, narik namanggim nak lenak pukmu-o.

MBIRIGA WENE 31:18

Sinai ndobo bem-nen Mbal Pem Nagawan-nen Musa imin wene mbatlug-e, Mbal Pem Nagawan-nen-e kerep abak mberen Mbal Pem Nagawan-nen imiri mbarak pidnak wene mbarak irit Musa wok tij-o.

NGGOMO WENE 3:19

Nagawan Indo-nen-e indi nggat nggat pem-et o yu-ge ndak worak pamu-o. Indi-net kwara yebet karuk, mbal-e worasu sa yu-t yemara nenasa bij-o.

AID WENE YOSO NAP 12:1

Anggun panggun nak kagolat wolmomtak tarem olengen awo wok yigit lak ma kunsujwe woragolat ereya bem-net Ndak Worak Kinpid Nab-e kinndi yebet yebet tak wolmer-o. Nde, ereya tarem nde wok marig-e: ”An-e nalen pem-e mondok worasu bug-o” luk yugun-o.

YESAYA 40:21

Kar-e karu buk, lak? Kar-e koloso buk, lak? Kar-e nanduk-nen-e yak kurugwi buk, lak? O yu-ge mondok mondog-er-e iniksa-nen ndak wat yij-o lug-e yak kurugwi bug-a?

YESAYA 40:26

Kar-e kerengen mbal nggwe lik karuk, kwara lombot pi-o! Wonaru ereba-ge ta-nen ndak worak pamu-o? Mbal Pem Nagawan-net san ombo nggal ereba-ge obo nesa poso-o. Wonaru ereba oboksa wonarag-e ar-e aru-o. Oboksa unu yarak woralat, arik tak unnu luk wene mbo onposo-o. Nagawan Indo amawi-ge mondok nggok me, wonaru ereba misiger-o luk lak momtag-e meya-o!

YESAYA 40:28

Kar-e wene yu-ge karu buk, kuligit lak woraso-a? Nagawan Indo iri-ge pem woraso Mbal Pem Nagawan o yu ndak worak pid iri na-net yusu-o. Ar-e ababok lak yosolat, amawi lak yosolat mondok yoso buk-nen yusu-o. At-nen yebet kaso-ge ap-nen yebet kudtag-e meya-o.

YESAYA 42:5

Nagawan Indo Mbal Pem Nagawan-nen-e mbal ndak worak puruk, yemara bij-o. Nggweyak na at-nen kwarak puruk, ebem yak yoso mende min-et kwasa bij-o. At-nen-e nggweyakma nab-e unluk tak poso inndisep min inndi min wok indij-o. At-nen-e at ndegel oboso nap iri na ebem wene posolat-nen yosolar-e:

YESAYA 44:24

Nagawan Indo Kimiri Yoso Nap, kiya arem nanduk-net kwarak kibid nap iri na-nen yu nggal yij-o: ”Nagawan Indo an-nen yi mende ndi mende oboksa ndak worak posolar-e, an narig-et nak mbal yemarak pigi-o. O yu ndak worosola-ge, mondok yongga nirigit lak, nondomok nak-net ndak wirigi-o.

YESAYA 45:18

Nagawan Indo mbal ndak worak pid iri-ge Mbal Pem Nagawan-net yusu-o! At iri-net o yu-ge kwarak posolat, ndak worak pamu-o. Iri yamu, o yu-ge tugup lak irit mendak worasu-o. At-nen o ndak worosolar-e, we o nak ap tuporak wolmakluk ndak wirigit lag-o. Are, enpe wolmomtak ondoro worak irit ndak worak pamu-o. At-nen yosolar-e: ”An-e Nagawan Indo-nen yusu-o. An nggal erep mbi worali-ge mondok lag-o.

YESAYA 65:17

Nagawan Indo-nen yosolar-e: ”An-nen-e mbal min nggweyak min-e ngget ndak wosa pimin-o. Nanduk-nen kwarugwi mende ereba-ge meme rak puruk, mondok yebet kujwa bug-o.

MATIUS 11:25

Iri na tarem-e Yesus-nen yosolar-e: ”Neid wa-e. Kar-e aid arem min nggweyak ma min tena woraso Nagawan Indo-nen yusu-o. Kat-nen-e inndi nggat nggat worak nap min inndi pindong tak nap min endam-nen kura bigen mende iri-ge enaru buk nap na nam-et yak indigen iri bem-e an-e wa yak kurusu-o.

MARAKUS 13:19

Iri tarem-e andi bandi kagwi mende mbuma iri-ge nanduk Mbal Pem Nagawan-nen nggweyak yu ndak wiridnak kuri-net yawo kuri-ge andi bandi iri nggal-e kagwi-ge bug-o. Nde, woragolat nagolat na andi bandi iri nggal-e wok ma bug-o.

YIDNAK YIDNAK WENE 14:15

”Naptak wa-e. Kir-e noluk-nen yu nggal kwatli-o? Nir-e ki nap kit nggal-net yili-o. Nir-e aid wene yak kindil lobok yili yu-ge kir-e ebe lak mende yu nggal konmbol wok turuk, uruk nak woraso Mbal Pem Nagawan-e mbal min nggweyak min yi koma min ebem woraso mende oboksa Ndak Wiridnak Nap na eram lobok yobokluk-nen yak kindili-o.

YIDNAK YIDNAK WENE 17:24

Nggweyak min ebem woraso mende pidsa min ndak wiridnak nap Mbal Pem Nagawan iri-ge Mbal min nggweyak min ombol pem Nagawan Indo-nen yusu me, ap ininggi-nen wiridnak kwal uwi iri me woraso bug-o.

YIDNAK YIDNAK WENE 4:24

Yak ondogolikma-ge, it kuluruk yigarik, it inndi misiget luk, Mbal Pem Nagawan eram tepan yogolar-e: ”Nagawan Indo wa-e. Mbal min nggweyak min yi koma min arem worasu mende pidsa-ge kat nak-nen ndak wirigen-o.

OROMA 11:36

Nde, yi mende ndi mende pidsa-ge at nak-nen ndak worak posolat, at-nen nak yidnag-o, nde, at amanggim nak worasu-o. At unu-ge kek tak irit woralik nalik mag-o. Amen.

1 KORINTUS 8:6

nit nenmanggim-e Nineid Mbal Pem Nagawan misiget nak, yi mende ndi mende pidsa ndak wirid nap, at ariget nak worasu me, at amanggim-e nir-e worali-o. Nde, nit nenmanggim-e Nagawan Indo misiget nak, Yesus Kerisut iri-ge yi mende ndi mende pidsa ndak wirid nap at ebem-et nir-e worali-o.

EPESUS 3:9

”Mbal Pem Nagawan-nen kura bidnak wene na ndak ndak tak posolar-e, yu nggal kwaruwa-o” luk an-e ap pidsa mirik unpusu-o. Yi mende ndi mende oboksa ndak worak pidnak Mbal Pem Nagawan na arem-e obi-net wene na kura irit woragaij-o.

IBERANI 1:10

Mbal Pem Nagawan-nen tuguruk yosolar-e: ”Nagawan Indo wa-e. Tel korosolat-net nggweyak yu-ge kat-net ndak worak puruk, kat kondomok kinggi-net mbal na ndak worak pigen-o.

IBERANI 1:2

Alat nde, worok tak posolat tarem yawo-nen-e at Ambara ebem nggwe-nen wene yak kundusu-o. At Ambara ebem-net Mbal Pem Nagawan-nen yi mende ndi mende oboksa ndak wirij-o. At Ambara iri-net yi mende ndi mende oboksa winde yuwag-o luk Mbal Pem Nagawan-nen len ibij-o.

IBERANI 11:3

Nde, ninndi angin tubu yidnak pem-net mbal min nggweyak min yi mende ndi mende oboksa Mbal Pem Nagawan ene nak-nen ndak worak pij-o luk perali-o. Iri ndak worak posolar-e, nenlengen-nen kali buk mende iri bem-nen-e nenlengen-nen kali mende ndak worak pij-o.

IBERANI 3:4

Nde, o pidsa-ge o wurugwi nap-nen witli-t nde, yi mende ndi mende oboksa ndak woroso aru nab-e Mbal Pem Nagawan-net yusu-o.

2 PETERUS 3:5

Tel korosolat kuri-net Mbal Pem Nagawan ene nak-nen mbal min nggweyak min ndak worak pid wene iri-ge it-nen-e enaru yurak insili-net enaru buk nggal kwatli-o. Nde, nggweyak yu-ge yi enggendumu-nen yi bem-nen ndak worak pij-o.

1 YOANES 1:1

Engga yu arem-e unlug-et woragwi elem wok ondoso Wene iri owene mbatli-o. Nde, Wene iri-ge tel kwiridnak kuri-net woraso-o. Wene iri na nir-e ene kologolat, nondomok nenlengen-nen kagolat, nenlengen nomosa yik karok woragolat, nininggi-nen tena obogolat yige-o.

NAM PARA WENE 10:6

owak mbarosolar-e, urug-et woralik nalik woraso Mbal Pem Nagawan, mbal min mbal ebem woraso mende min nggweyak min nggweyak ebem woraso mende min yi koma min yi koma arem woraso mende min ndak worak pid Mbal Pem Nagawan na unu bem owak mbarosolar-e: ”Kwarurak tarem-e mondok mborok tak puwa bug-o.

NAM PARA WENE 14:7

at-nen ene ngguloksa-t yosolar-e: ”Mbal Pem Nagawan-nen ap enpem wene mbarurak tarem wok yidnak me, Mbal Pem Nagawan aye kagolat, at-nen kek tak woraso iri na erembel waner-o! Mbal min nggweyak min yi koma min yi ulusu min ndak worak pid Mbal Pem Nagawan na erembel waner-o!” luk yij-o.

NAM PARA WENE 21:6

Iri yuruk, at-nen tuguruk yosolar-e: ”Abu ndak yij-o. Nde, an-e Tel Koroso min Woroksiyem min-nen yusu-o. An-e Nanduk-net Woraso, Abok-nen na irit Woramin Nagawan Indo-nen yusu-o. Yi nere kagwi nab-e an-nen we onggo lag-et mak ondosolar-e, unlug-et woragwi yi ulusu na kenangga mak indimin-o.

NAM PARA WENE 22:13

An-e nandug-et woraso, abok na woramin, tel koroso min woroksiyem min-nen yusu-o” luk yij-o.

NAM PARA WENE 3:14

”Laorikia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge mot mot lud tak nak konggoroso nap, Mbal Pem Nagawan-nen ndak worak pidnak mende oboksa tel koroso Amin-nen yidnak wene-o.

NAM PARA WENE 4:11

”Nagawan Indo Nembal Pem Nagawan wa-e! Yi mende ndi mende oboksa kat-nen ndak worak pigenma-o. Kat kindi-n pidnak pem nak yi mende ndi mende ndak wat yarik, uruk worasu bem-e kerembel wanogotlat kek tak kobogolat yurak ndak kamawi worag-e kat nag-o” luk yugwi-o.