NAM PARA WENE 9:3 - Nanduk Ngget Tul Pidnak Wene

³ Nde, kule na arem-nen-e sil kwarat nggweyak ma mbuwagaij-o. Nde, sil ereba wok tosolar-e, kigaru eyak nggal wok tij-o.

NAM PARA WENE 9:3 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 12:11

An neid-nen-e angin worag-e mondok angin kwarat kenpem pij-et nde, an-nen-e tuguruk angin worag-e ebem tebesa pimin-o. At-nen-e we linggamburok yembak tak konposo-t nde, an-nen-e posid-nen konidnak isile worak pem nggwin keneyamin-o’ luk yak unduguna-e” luk yak tiga-o.

YESAYA 33:4

Ab-e sil oro kwarat nggal enpem mbud yogolat, it enarengge mende-ge kugun waruk ndi yuwa-o.

YESKIEL 2:6

Alat nde, nggweyakma nap, lak yoso wa-e. Kar-e it eneyanggo lak iri enaye kasolat, it-nen yak kuruwa wene iri na kwiye yosolat kwarurak pug-o. It-nen-e kat kimin wim mbarogola, enlengenma nggal tak kobogola-ge, kar-e kigaru eyak worak enggendumu woraidnak nggal-et woragun-o. Alat nde, wene eyak wurugwi ereba-ge kar-e enaye yurak pug-o.

YOEL 1:4

Sil oro kwarat wonarurak puk ereba na yagidnak sa yapmu ereba na yak pak lobok yosolar-e, ebe pidnak oboksa leraben nuruk, lak tak pij-o. Nde, sil oro erep-nen nasolat, erep keya bidnak ereba na-ge sil oro erep-nen nuruk, lak tak pij-o.

YOEL 2:25

Olengen ereba arem woragolat kit-nen yagidnak mende sil-nen ninggid ereba na-ge an-nen uwi yagimin-o. Nde, uwi yagimin iri-ge an-net sil kere ereba-ge pil lobok yigirik me, uwi yagimin-o.

LUKAS 10:19

Wene yu yebet ker-o. Nde, kir-e waro min kigaru min-et nde, kunuwok yemen kagolat, kit kunuwim nap enmawi lak tak pogola, it-nen andi bandi rak kinpigit lak momtak amawi-ge wok kundukmu-o.

TUGURUK YIDNAK WENE 8:15

Nagawan Indo-nen lit kunpuruk lobok yosolar-e, nembaga lid kwiye worak ereba me-ge waro eyak worak min kigaru na min yi na lak, nggweyak umbuk nggwe-t nde, at-nen kit kinmbitsa nujwakluk yi kerep arem nggwe-nen pil wasolat kwaril lobok yij-o.

NAM PARA WENE 9:5

Sil ereba na yak tosolar-e: ”Ap ereba-ge mondok undurak pug-o. Are, andi bandi rak nak onposolat waneya lima wolmomtag-o” luk yak tij-o. Nde, sil ereba eyak andi-ge kigaru-nen yilik onposoma, andi kagwi nggal-o.

NAM PARA WENE 9:7

Sil ereba na abage-ge wim timbiril mbururak pem lid lud tak pidnak kuda wam abage nggal-o. Nde, anggul pem-e nagawan-nen pugwi emas-nen konidnak topi nggal woragaij-o. Erare-ge ap entare nggal,

WENE MBENARUGWI NAP-NEN KWARIDNAK WENE 7:12

Mbiganggal-e, Mirian nap min Amalek nap min ap erep nembaga nggwe-nen lobok yidnak nap min oboksa mbirikmu ereba na me mondok it nak tabuk tak worakmu eneyaiga-o. Mondok ubugwe nggal logo logo irit eneyaiga-o. Nde, onowam unta wam-e mondok wonarurak puk yi sisiri nggal irit kaiga-o.