NAM PARA WENE 8:7 - Nanduk Ngget Tul Pidnak Wene

⁷ Aid nap nandug-et (yang pertama) iri-nen-e at oboba ene pu yosola-ge, talme engen min kan amare min-e mep min nat karuk nggweyak pem nggilara mbuwagaij-o. Nggweyak erep menggesa (sepertiga) kan nasolat, e na erep menggesa (sepertiga) min tusuwangge miri oboksa min kan ninggij-o.

NAM PARA WENE 8:7 ပူးပေါင်းရင်းမြစ်များ

NDAWI ENGGA 105:32

At-nen-e talme engen nggog-e talme nggal nggilara mberak pil mbuwalat, o pinel yebek mbebek tak posolat kwarij-o.

MBIRIGA WENE 9:33

Nde, Musa na nagawan eram-nen mborosolat, o siri keya buruk ombol nggwe mborosolar-e, Nagawan Indo emengen mbarosolat, inggi teram nggwe ligik puruk tepan yosola ereya na-net o nggu iri na lak yosolat, talme engen min talme min iri na pok yij-o.

YESAYA 28:2

Nagawan Indo-nen-e ap mondok amawi, umbunu worak misik pil lobok yuwa-o. Nde, lobok yosolar-e, kwegemereya puk kil lobok yosolar-e, o ngen min-et lobok yosolat, talme nggok mbosolat yi ebe mabunuruk mboroso nggal-et lobok yuwa-o. Iri yosolar-e, o monmon-nen nggweyakma landera mbud tak onposo nggal, at-nen enpem mbud ma-o.

YESAYA 32:19

Yagidnak pem kulurak yi na kwarat worasolat, konowam na tusuangge nil-e lerag-et nin me nan me ereba waring kasolat kwaruwa me, kit oboksa-nen kenalen pem woragub-o. Alat nde, kit kunuwim nab-e walma kerep talme mboso nggal enpem mbosolar-e, unuwi siri-ge yigisa keya buwa-o.

YOEL 2:30

Mbal pem-nen na irit, nggweyakma-nen na irit, an-nen kwiye worak mende kwarat kwarimin-o. Iri yosolar-e, eneyabi liring yosolat, kan mare mborosolat, kule kwarat yosolat ma-o.

YAKOBUS 1:11

Mo kona pil wasolat-nen tusuwangge na terabet yosolar-e, isi na-ge lera mbosolar-e, umuruk na lak yoso-o. Iri nggal-et arengge worak nab-e arengge ndogorosoma ereya na-net lak ma-o.

YOSUA 10:11

Nde, iri kwasa Amori nap kwiye mbukmu-ge, Nagawan Indo-nen talme engen pem-nen indil indil-e Aseka wok yiga-o. Nde, iri indij-e wim nggogolat-nen indiga-ge mariger-et nde, talme engen pem-nen indij-e, mondok terak minig-et indij-o.

1 PETERUS 1:24

Mbal Pem Nagawan engga bem-nen yosolar-e: ”Ki nap oboksa-ge tusuwangge nggal-nen yili-o. Ki nap unnu kek tak woragwi-ge tusuwangge engen isi pidnak nggal-nen yusu-o. Tusuwangge na terabet yosolar-e, engen isi pidnag-e lera mboso-t nde,

NAM PARA WENE 12:4

Nde, at iyuwak-nen mbal pem woraso wonaru erep minggirik (sepertiga) iri na lit yaga nggweyak ma mbo bil mbuwagaij-o. Nde, aywa nggal nggok na-ge kwe la ndageyekluk yane wurusu na la na ndagosola ereya na-net nayekluk eram mendak woragaij-o.

NAM PARA WENE 16:2

Yak ondosoloma, aid nap misik (yang pertama) iri na mberarig-e, at idmbe-ge nggweyak ma kilik posola-ge, ap ndakngge isilepma worak iri na-nen idnak yenggerak purak mende enpem worak nap min at abage ndak worak iri na erembel wanugwi nap min enpem-e emben worak kimbi kwiye worak irit enpem yij-o.

NAM PARA WENE 16:21

Talme engen nggulok, ariktak angin-e 50 kilo irit mbal pem-nen mbuwasolat, ap yemen inpij-o. Iri yosola-ge, talme engen iri-nen yemen onposola karuk, ap-nen-e Mbal Pem Nagawan imbiri lamut tak ibiga-o. Iri yiga iri-ge andi bandi kwiye worak kagolat-nen yiga-o.

NAM PARA WENE 6:8

Iri yosola, yik kaginggal-e, kuda wam usu meya iri kagi-o. Nde, kuda wam na ombolwak pem kore yidnak nap iri unu-ge Wat Yugwi Elem-o. Nde, at imbirig-e Wat Yugwi Elem-nen Tenagaidnak Wi-ge at langgal luk imbirik imbirik nij-o. Nde, nggweyak ma yu me woragwi nap erep menggesa (seperempat) undurak amawi-ge it ininggem posola, it-nen ondogolar-e, yalawi bem-nen na, nere bem-nen na, andi bandi mende bem-nen na, nggweyak ma woraso ndakngge isilepma worak pem-nen na undurak amawi irit it ininggem pij-o.

NAM PARA WENE 7:1

Iri luk, yik kaginggal-e, aid nap empat iri-ge o nggweyak unggut empat manda mendak woragolar-e, nggweyak pem min yi koma bem min e bem min obube puk kujwa naru, aid nap empat iri-nen-e nggweyak ma woraso obube empat iri tena woragola, eneyagi-o.

NAM PARA WENE 9:15

Yak tosoloma, aid nap empat iri na weserak inpij-o. Nde, it iri-ge iri tarem-nen, jam iri bem-nen, waneya iri bem-nen, olengen iri bem-nen nggweyak ma nap oboksa menggesa (sepertiga) iri undurak pem lid lud tak inpidnag-o.

NAM PARA WENE 9:18

Nde, andi bandi mende kenan iri-nen-e nggweyak ma nap erep menggesa (sepertiga) iri indij-o. Nde, iri-ge kuda wam emendam nggwe-nen mbiridnak kanduk min kule min kule emben meya (belerang) min irir-o.

NAM PARA WENE 9:4

Sil ereba yak tosolar-e: ”Tusuwangge min e min yaidnak mende min norak pug-o. Are, inmbiriwak pem Mbal Pem Nagawan-nen idnak lop nok tak pugwi mende pigit lak nap nak nok unpurag-o” luk yak tij-o.