NAM PARA WENE 8:1 - Nanduk Ngget Tul Pidnak Wene

¹ Lomba Wam Marik-nen lop nok tak pugwi mende imbirik (yang ketuju) iri ponggorosola-ge, aid arem-e setenga jam nggal (30 menit) yi ne lak ndi ne lak woragaij-o.

NAM PARA WENE 8:1 ပူးပေါင်းရင်းမြစ်များ

AYUP 4:16

Nde, iri na-ge mendak worasola kagi-o. Iri-ge kwara lombot obosoma-ge, an naru buk mende nde kagi-o. Iri lug-e, abu yi ene lak ndi ene lak iri na bem-e an-e ene misik kuligi-o.

NDAWI ENGGA 37:7

Kir-e kinndi yamuk tak pem-et Nagawan Indo yik karok wolmer-o. Mamak puruk irit towarak worakmu, at-nen kwaruwag-o. It-nen kwarugwi bem ebe worak nak kwarogolat, enmberam lagolat kwarogola-ge, ”O” luk, kinndi kabak yurak pug-o.

ABAKUK 2:20

Nagawan Indo-ge at uwi marak iri na me-t worasu-o. Iri ala-ge, nggweyakma nap oboksa-nen enne laksa at indipma nak wolmomtag-o.

MATIUS 27:66

Yak ondosoloma-ge, it yu na mbirigarik, kerep tu lerak piga na bem lop nok tak pugwi mende puruk, san ombo na-ge yik karok woraiga-o.

NAM PARA WENE 5:1

Iri luk, an-nen yik kaginggal-e, nagawan koreyak woraso ondoro iri na ebem koreyak worasu nap na inggi kigit nggwe-nen engga mbi tena worala kagi-o. Nde, engga iri abage-ge ket mbet linggisa yunggurik nggal-o. Nde, engga iri na bem-e ponok ponok mondok mbarak worala, lop nok tak pugwi mende tuju iri na-nen engga na panggarak pidnag-o.

NAM PARA WENE 5:9

It-nen ndawi ngget misik yogolar-e: ”Kar-e mondok kirikma, wat yigen iri bem-nen-e Mbal Pem Nagawan amanggim ap enlem ndomok oboksa min ap enne ndomok oboksa min ab-e ap oboksa min ap enlem oboksa min onnggo pigen pem-e kat-nen-e engga na wanuruk, lop nok tak pugwi mende, iri na punggururag-e kabam-net yusu-o.

NAM PARA WENE 6:1

Iri luk, an yik kaginggal-e, Lomba Wam Marik iri-nen lop nok tak pugwi mende tuju iri na enggendumu nandug-et lop nok tak pidnak (yang pertama) iri na ponggorosoloma, an kuliginggal-e, untugup worak mende empat ereya na ennggendumu-nen misik ene-ge o nggu nggal-et yosolar-e: ”Lobok yi-o” luk yosola, kuligi-o.

NAM PARA WENE 6:12

Iri luk, an-nen yik karok worasoma-ge, Lomba Wam Marik iri-nen lop nok tak pugwi mende imbirik (yang keenam) iri pinggirij-o. Ponggorosola-ge, o lele mondok kwiye worak yosolat, molengen na miri tup luk, kolpo woraga labuk yidnak nggal yosolat, waneya na mimi luk, mep tam yosolat,

NAM PARA WENE 6:3

Iri luk, Lomba Wam Marik iri-nen lop nok tak pugwi mende imbirik iri na (yang kedua) ponggorosola-nen kuliginggal-e, urugup worak mende imbirik (yang kedua) iri-nen-e: ”Lobok yi-o” luk yosola kuligi-o.

NAM PARA WENE 6:5

Iri luk, Lomba Wam Marik iri-nen lop nok tak pugwi mende imbirik iri (yang ketiga) ponggorosola-nen kuliginggal-e, urugup worak mende imbirik (yang ketiga) iri-nen-e: ”Lobok yi-o” luk yosola kuligi-o. Iri yosola, yik kaginggal-e, kuda wam usu miri mbi kagi-o. Nde, kuda wam na ombolwak pem kore yidnak nap iri na inggem-e angin ndak wurugwi mende mberen tena kagi-o.

NAM PARA WENE 6:7

Iri luk, Lomba Wam Marik iri-nen lop nok tak pugwi mende imbirik iri (yang keempat) ponggorosola-nen kuliginggal-e, urugup worak mende imbirik (yang keempat) iri-nen-e: ”Lobok yi-o” luk yosola kuligi-o.

NAM PARA WENE 6:9

Iri luk, Lomba Wam Marik iri-nen lop nok tak pugwi mende imbirik iri (yang kelima) ponggorosola-nen yik kaginggal-e, Mbal Pem Nagawan-nen yidnak wene ap yak ondogolat nak woraidnak pem indidnak nap inndi-ge Mbal Pem Nagawan amanggim wam wosa pugwi sa indipma eneyagi-o.