NAM PARA WENE 7:3 - Nanduk Ngget Tul Pidnak Wene

³ Aid nap iri na-nen yosolar-e: ”Nit-nen-e Mbal Pem Nagawan ndegel ubugwi nap na yenggerak unpuwakluk, it inmbiriwak pem lop nok tak pugwi mende iri pigit lak ma-ge, kir-e nggweyak min yi koma min e min-e meya rak purak pug-o” luk yak indij-o.

NAM PARA WENE 7:3 ပူးပေါင်းရင်းမြစ်များ

MBIRIGA WENE 12:13

Nde, wam eyabi kunuwi tumende bem ndarugup iri na karug-e, kir-e iri me worali-o luk yenggerak pimin-o. Mesira nap ondosolat, kir-e kindigit lak, we wot nak keneyamin-o.

MBIRIGA WENE 12:23

Nagawan Indo-nen nde kubu nggwe Mesira nap endeyekluk Mesira wi kibiril lobok yosolat-nen nde, eyabi tumende owak ponok ponok pem min tu mbanggo abam nggwe bem min karug-e, Ap Ondoso Aid Nap na-nen kendeyekluk kenma ngguwa naru wot kaga wirik puwa-o.

YESAYA 54:17

Alat nde, kat kuruwokluk tup san konuwa oboksa-ge ereba na bem-nen kat kururag-e meya ma-o. Kat kebem wene puwa ereba na-ge wene mbenarugwi sa-nen mbenarugundig-e, ebe lak wene nde kagun-o. An-nen-e ndegel nubugwi nab-e we irit ombol nggwe yugwi elem wok indimin-o” luk Nagawan Indo-nen yij-o.

YESAYA 6:13

O siri iri me enpe sepulu woragwi-nen nde ereya na lak yogolat, misiget nak nde worala-ge, iri na lak tag-et pimin-o. E ndaridnag-et nde, undugul pem isit worasu iri na nggal it ap iri na enlem-e abok woragotlat, woma iri na-ge nandug-et tel korogolat Mbal Pem Nagawan ilirak marak irit kwat ma-o” luk yij-o.

YESAYA 65:8

Nagawan Indo-nen yosolar-e: ”Anggut engen konak nde worala-ge, mbo bugwi bug-o. Are, mbela amburu wanugwi-o. Iri nggal-et an nilirak ereba ennggendumu-ge an ndegel nubugwi-t woragola me, an nelem nab-e oboksa lak tak inpimin pug-o.

NDANIEL 3:17

Kan nggok mabidnak amare iri arem-nen na irit, kat kinggiyapma-nen na irit, nit-nen erembel wanugwi Nenmbal Pem Nagawan iri-nen nde ninmiri yek nde yosolar-e, ndemeret ninmiri-t yuwa-o.

NDANIEL 3:26

Iri luk, Nebukatnesat iri na kan nasu iri na tumende bem wok yosolat-nen ene nggoksa yosolar-e: ”Sanderak min Mesak min Abetnego min kit Mbal Pem Nagawan Mondok Kek tak iri na ndegel ubugwi nap wa-e. Kanduk iri arem-nen kesera lobok yer-o!” yosoloma, it ereya na-ge kanduk iri na arem-nen lobok yiga-o.

NDANIEL 6:16

Nde, ap ereba na nagawan eram tuguruk wok yogolat-nen yogolar-e: ”Nagawan wa-e. Meria min Perisia min-nen pempa kwarogolat wolmomtak watsa pidnak wene ereba na bem-nen nagawan kat-nen wirik pidnak wene-ge nden kalik penden kalik yurak wene-ge lag-o yidnak iri na kindi yebet ki-o” luk yak tiga-o.

MALEAKI 3:18

Nde, an nilirak-nen-e konak kwarugwi nap min meya kwarugwi nap min an ndegel nubugwi nap min an ndegel nubugwi buk nap min enpem mbuwa mende iri-ge nam-et arik tak mbenak irit kujwa-o” luk yij-o.

MATIUS 24:22

Nde, Mbal Pem Nagawan-nen iri kwarurak tarem-e poro rak pigit lak yid nggal-e, ap misiger-o luk tet imiri yigit lak yeleb-o. Alat nde, at-nen len inpidnak nap enmanggim-e iri kwarurak tarem-e poro rak puwa-o.

MATIUS 24:31

Nde, posid poba nggulok na ene yosola-ge, at-nen-e at-nen idnak aid nap ereba wirik unpuwama-ge, at-nen len inpidnak nab-e nggweyak unggut empat nggwe-nen na, o nggweyak erep worok siyem min mbal erep woroksiyem min-nen na ndok worak unpuwa-o.”

YOANES 12:26

An ndegel noboso nab-e an woraso sa an totno wolmokluk, an ndegel nuburak nab-e mondok an nimbirik nuwag-o. Nde, an ndegel nubuwa nab-e an Neid-nen kek tak ubuwa-o” luk yak indij-o.

YOANES 3:33

Nde, at-nen yidnak wene ndemerer-o luk perali nap-nen-e: ”Mbal Pem Nagawan iri-ge lud tak nak kwaroso-nen yusu-o” luk yili-o.

OROMA 6:22

Alat nde, yawo-ge kir-e meya kwarugwi elem ndegel ubugwi inggem-nen weserak kinpidnak me, kir-e Mbal Pem Nagawan ndegel ubugwi nap-net yili-o. Iri bem-e, kit-nen onggo wanogolar-e, Mbal Pem Nagawan amanggim nak woragup pem-e kunlug-et woralik nalik woragub-o.

NAM PARA WENE 13:16

Ndakngge isilepma worak iri na ene amawi bem-nen ap oboksa, ap nggulok nde marik nde insilobulo worak nde insilobulo lak nde ndegel unpugwi nap nde wisirik woragwi nap nde it oboksa enpem-e yenggerak purak mende pogolar-e, ininggi kigit nggwe, are, inmbiriwak pem irit mbarak pij-o.

NAM PARA WENE 13:17

Nde, ndakngge isilepma worak iri unu ala na, at unu nggal at wonat ibidnak nomor yenggerak purak mende iri enpem worak nap iri nak-nen onggo pogolat, onggo wanogolat ma-o.

NAM PARA WENE 14:1

Iri luk, yik kaginggal-e, Lomba Wam Marik na-ge Sion ndobo bem mendak worala kagi-o. Nde, at imin-e at unu nde at Eid unu nde it inmbiriwak pem mbarak nab-e seratus empat pulu empat ribu (144,000) irit woraiga-o.

NAM PARA WENE 14:9

Yosoloma-ge, aid nap mberen na inmbirik aid nap misik (yang ketiga) wok yosolat-nen ene ngguloksa yosolar-e: ”Ndakngge isilepma worak iri na min at abage nggal ndak worak pidnak iri na min erembel wanogolat, at-nen pidnak yenggerak purak mende iri-ge it inmbiriwak pem ala na, it ininggi bem ala na worak nab-e

NAM PARA WENE 19:2

At-nen enpem wene mbaroso-ge mot mot lud tak nak irit mbaroso me, terak yebugwi kwe nggulok iri-ge at-nen mbabi kwaroso iri na bem nggweyak ma yu me nari wari rak poso kwe iri-ge Mbal Pem Nagawan-nen-e ebem angin worak mberak pij-o. Kwe iri-nen at ndegel ubugwi nap ondoso me, Mbal Pem Nagawan-nen ebem wene mbarij-o!” luk yiga-o.

NAM PARA WENE 20:4

Iri luk, an yik kaginggal-e, nagawan-nen koreyak woragwi ondoro kwarat kagi-o. Nde, ereba na bem-e ap enpem wene mbaruwakluk amawi wok indidnak nap yere kore eneyagi-o. Nde, tuguruk yik kaginggal-e, ir-e Yesus owene kinggiridnak pem-nen na, Mbal Pem Nagawan-nen yidnak wene timbiridnak pem-nen na unlusu mbaridnak nap inndi nde eneyagi-o. Nde, it iri-ge ndakngge isilepma worak min at abage nggal ndak worak na min erembel wanigit lak, it inmbiriwak pem-nen na, ininggi bem-nen na ndakngge isilepma worak-nen idnak yenggerak purak mende enpem pigit lak nab-o. It iri na unluk lug-e, olengen seribu (1,000) woragolar-e, Kerisut imin nagawan nggal wolma-o.

NAM PARA WENE 22:4

Woragolar-e, at erare kagolat, it inmbiriwak pem-e Mbal Pem Nagawan unu mbarak wolma-o.

NAM PARA WENE 6:6

Nde, an kuliginggal-e, ene misik ap enne nggoksa yugwi nggal untugup worak mende empat ereya na enggenggerak-nen yosola kuligi-o. Nde, ene iri-nen yosolar-e: ”Yabu misiget pem wanidnak onggo-ge gandum yimbe misiget pem waga wok undurag-o. Nde, yabu misiget pem wanidnak onggo-ge mbato yimbe kenan pem waga wok undurag-o. Alat nde, saitun amburu min anggut engen amburu min-e meya rak purak pug-o” luk yij-o.

NAM PARA WENE 7:1

Iri luk, yik kaginggal-e, aid nap empat iri-ge o nggweyak unggut empat manda mendak woragolar-e, nggweyak pem min yi koma bem min e bem min obube puk kujwa naru, aid nap empat iri-nen-e nggweyak ma woraso obube empat iri tena woragola, eneyagi-o.

NAM PARA WENE 7:2

Nde, yik kaginggal-e, mo luwaso sa nggwe-nen aid nap misig-e, uruk nak woraso Mbal Pem Nagawan-nen idnak lop nok tak pugwi mende waruk lobok yosola, kagi-o. Nde, at iri na-nen-e nggweyak min yi koma min meya rak purak amawi Mbal Pem Nagawan-nen ininggem pidnak aid nap empat ereya na ene nggoksa wene mbo inpij-o.

NAM PARA WENE 9:4

Sil ereba yak tosolar-e: ”Tusuwangge min e min yaidnak mende min norak pug-o. Are, inmbiriwak pem Mbal Pem Nagawan-nen idnak lop nok tak pugwi mende pigit lak nap nak nok unpurag-o” luk yak tij-o.