NAM PARA WENE 5:9 - Nanduk Ngget Tul Pidnak Wene

⁹ It-nen ndawi ngget misik yogolar-e: ”Kar-e mondok kirikma, wat yigen iri bem-nen-e Mbal Pem Nagawan amanggim ap enlem ndomok oboksa min ap enne ndomok oboksa min ab-e ap oboksa min ap enlem oboksa min onnggo pigen pem-e kat-nen-e engga na wanuruk, lop nok tak pugwi mende, iri na punggururag-e kabam-net yusu-o.

NAM PARA WENE 5:9 ပူးပေါင်းရင်းမြစ်များ

NDAWI ENGGA 33:3

Ndawi ngget irit Nagawan Indo ebem ngarurag-o. Iri yogolar-e, kecapi poba ene mondok kwara ene rak pogolat kenalen pem ndawi nggu lek kudtag-o.

NDAWI ENGGA 40:3

At-nen-e ndawi ngget misik an-nen yurak ndawi mirik nobosolar-e, nit Nenmbal Pem Nagawan erembel wanurak ndawi irit mirik nibij-o. Ap kwarat-nen at yik karug-e, kwiye yuruk, Nagawan Indo ebem inndi wat tak puwa-o.

NDAWI ENGGA 96:1

Nagawan Indo amanggim ndawi ngget mbi ngarer-o! O yu ebem woragwi oboksa wa-e. Nagawan Indo kek tak pogolat ndawi yer-o!

YESAYA 42:10

Nagawan Indo ebem ndawi ngget misik ngarer-o. Yi wi ndi wi oboksa wa-e. At nak erembel waner-o! Yi koma min arem woraso mende oboksa min wa-e. At erembel wanogolat kene o nggu nggal lek ker-o! O erepma min iri me woragwi nap min wa-e. At nak erembel waner-o!

NDANIEL 3:4

nagawan-nen yidnak wene lomboksa yoso nap-nen ene nggoksa yosolar-e: ”Nanggamirak kenlem lombok min kenne lombok oboksa min wa-e! Nagawan-nen yidnak wene yu kwara koler-o:

NDANIEL 4:1

Yi nap ndi nap oboksa ap enne lombok min enlem lombok min yi wi ndi wi woragwi enmanggim Nebukatnesat-nen oboksa enaru rak pid wene-ge yu-o ”Naptak, wiwa-o!

NDANIEL 5:19

Iri rak ebamu-ge ap enlem oboksa min ap enne lombok oboksa min at aye-nen lele yogolat woraiga-o. Nde, at-nen nde ap misik nde wururak perasolar-e, ap iri na-ge mondog-et woroso-o. Nde, at-nen ap misik imiri yurak perasolar-e, mondok imiri yoso-o. Nde, at-nen ap kek tak onposolat na, teberak onposolat na, at indi-n pidnak pem nak kwaroso-o.

NDANIEL 6:25

Iri rak puruk, Ndaniel ebem ennesiget wene piga nap ereba na-ge nagawan-nen: ”Tena unpurag-o” yamu, tena unpuruk, it min onkwerak min inlirak inmin-et lambuksa singa ndakngge emndam mbunmu mberak inpil mbiga-o. Mberak onpogola-ge, awo nggweyakma mbigit lak ma teram nak-nen singa ereba na-nen onowak min yigisa lak tak inpij-o.

MATIUS 20:28

Iri nggal-et Ap Ambara lobok yid iri-ge ap yongga wuruwakluk lobok yigir-e lag-o. Are, ap yongga endeyekluk, ap kwarat onnggo posolat iminep wesel korayekluk-nen lobok yij-o” luk yij-o.

MATIUS 26:28

Yu-ge an neyabi-nen yusu-o. Nde, an neyabi-ge Mbal Pem Nagawan-nen urul pidnak neyabi yu-ge ap kwarat-nen meya yidnak na amberam tak puwakluk-nen nggilaridnak neyabi-nen yusu-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

1 KORINTUS 6:20

Are, kir-e abu konnggo mbarak-nen yili-o. Iri bem-e kit kenpe iri-net Mbal Pem Nagawan unu kek tak pogolat wolmer-o.

1 KORINTUS 7:23

Kir-e abu konnggo mbarak pidnak me, kir-e ap ndegel unpugwi nap kwat yurak pug-o.

EPESUS 1:7

Kerisut ebem-nen na, at eyabi wirik pidnak pem-nen na nit nonnggo posolat, nit meya yidnak amberam tak posolat yij-o. Mbal Pem Nagawan-nen we wok ondoso elem iri-ge

EPESUS 5:19

Kit-nen wene yak kerak mbogolar-e, Ndawi Engga bem mbaridnak wene yogolat, Mbal Pem Nagawan erembel wanogolat, aid wene ndawi yogolat mer-o. Kit kenarem-nen Nagawan Indo yak togolar-e, at erembel wanogolat, Nagawan Indo ebem ndawi yogolat wolmer-o.

KOLOSE 1:14

At Ambara ebem-nen nit nonnggo posolar-e, nit meya yidnak amberam tak pij-o.

KOLOSE 1:23

Nde, mbigija-ge kit-nen kinndi angin tubu yidnak pem mondok tugup lak woragolar-e, aid wene kuligep na bem kinndi mbung mbung tak woraidnak na amawisa-t wanogolat woragup na-e. Aid wene iri-ge nggweyak ma woragwi nap oboksa yak indidnak wene-nen yusu-o. Nde, Paulus an-e aid wene iri ndegel oboso nap-nen yusu-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

IBERANI 11:14

Nde, nit yu-ge ap sal-net yili-o luk yugwi nab-e it unuwi pem uwi kore yogolat-nen yili-o luk nam-et enperali-o.

2 PETERUS 2:1

Nandug-e enesiget Mbal Pem Nagawan ene lomboksa yugwi nab-e Mbal Pem Nagawan elem nap ennggenggerak men yiga nggal, iri nggal-et enesiget siget mul undugwi nab-e kit kennggenggerak na men ma-o. Men yogolar-e, ap lak tak unpurak wene owak min enesiget wene owak min pil ngguwagolar-e, it weserak enpeyekluk wat yid nap amawi worak iri na imin-e: ”Nenaru bug-o” luk yuwa-o. Iri nggal kwarogolar-e, it ndaget lak tak unpurak enambikpebe enare pili-o.

1 YOANES 1:7

Nde, Mbal Pem Nagawan-e yaya bem worasu nggal, nit-nen na yaya bem woragolar-e, nit na nit-net nennggamirak inmin erep kundik worali-o. Woragola, at Ambara Yesus eyabi-nen-e nit meya yugwi pidsa marak nunpusu-o.

1 YOANES 2:2

Nde, nit meya yidnak amberam tak puwakluk, Kerisut-e mirin ngal yij-o. Nde, nit meya yidnak nag-e lag-o. Are, ap pidsa meya yidnak amberam tak puwakluk, mirin ngal yid irir-o.

NAM PARA WENE 10:11

Nasola-ge, an yak norosolar-e: ”Kar-e Mbal Pem Nagawan-nen-e ab-e ap oboksa min ap enlem oboksa min ap enne ndomok oboksa min it nagawan nagawan pidsa min kwat unpurak kirimbi tuguruk yak indil mbiri-o” luk yak nirij-o.

NAM PARA WENE 11:9

Nde, ap enlem oboksa-nen na, ap enlem tak oboksa-nen na, ap enne oboksa-nen na ap unuwi nggweyak lombok woragwi oboksa-nen na it ontogwak kagolar-e, kenan nene luk, misik pem lengge-ge (3 ½ hari) yapma unpuwokluk yukmu, ”Yapma unpurag-e lag-o” luk yiga-o.

NAM PARA WENE 13:7

At iri-ge Mbal Pem Nagawan winde nap inmin wim mbatluk, it urugwe nggwe rak onposolat, ap enlem tak oboksa min ap unuwi nggweyak lombok woragwi min ap enne lombok min ap enlem oboksa min tena unpuruk wolmomtak amawi-ge at wok tij-o.

NAM PARA WENE 13:8

Nde, nggweyak ma worali nap oboksa-nen at erembel wanuwa-t nde, nggweyak yu awo ndak wirigit lak ma-net wiridnak Lomba Wam Marik-nen idnak engga unluk nak wolmomtak iri na bem unnu mbaridnak nap-nen-e at erembel wanuwa bug-o.

NAM PARA WENE 14:6

Iri luk, an yik kaginggal-e, aid nap misik mbal pem teram pubu waring kasola kagi-o. Nde, aid nap iri-nen-e pem-et wolmomtak aid wene-ge nggweyak ma nap, ap enlem oboksa na, ap enlem tak oboksa na, ap enne lombok oboksa na ap unuwi nggweyak lombok woragwi oboksa yak undurak wene min waring kasolar-e,

NAM PARA WENE 15:3

It-nen ndawi yogolar-e, Mbal Pem Nagawan ndegel oboso nap Musa min Lomba Wam Marik na min endawi yogolar-e, yu nggal yiga-o: ”Amawi Mondok Kwarat worak Nagawan Indo Mbal Pem Nagawan wa-e. Kat-nen kwaroso-ge nggulok, kwiye worak-net yusu-o. Ap enlem oboksa ennggendumu Nagawan wa-e. Kat-nen kwaroso-ge ndemeret mot mot nak kwaroso-o.

NAM PARA WENE 17:15

Iri luk, aid nap iri-net an yak norosolar-e: ”Terak yebugwi kwe iri na ebem koreyak worasola kaigen yi iri-ge ap enlem ndomok min ap pik paksa min unuwi nggweyak lombok woragwi min ap enne ndomok min iri-net yusu-o.

NAM PARA WENE 4:11

”Nagawan Indo Nembal Pem Nagawan wa-e! Yi mende ndi mende oboksa kat-nen ndak worak pigenma-o. Kat kindi-n pidnak pem nak yi mende ndi mende ndak wat yarik, uruk worasu bem-e kerembel wanogotlat kek tak kobogolat yurak ndak kamawi worag-e kat nag-o” luk yugwi-o.

NAM PARA WENE 5:12

enne nggoksa ndawi yogolar-e: ”Waridnak Lomba Wam Marik iri-ge o tena buruk wolmomtak amawi min yi mende ndi mende ombo yurak min inndi nggat nggat elem min amawi elem min at ambigit tebe yurak min at nak kek tak uburak min at erembel wanurak min iri mende oboksa at nak-nen wanurag-e abam-net yusu-o!” luk yiga-o.

NAM PARA WENE 5:6

Iri yosola, an yik kaginggal-e, nagawan koreyak woraso ondoro iri na bem enggendumu-ge Lomba Wam Marik mendak kagi-o. Nde, mendak worala, untugup worak mende empat ereya na min enne kulugwi nap ereya na min-nen at iri na lop lop worak kagi-o. Nde, Lomba Wam Marik iri-ge abu wiridnak nggal irit kagi-o. Nde, at iri anggul ambo na tuju, erengen na tuju-nen yusu-o. Nde, anggul ambo tuju min erengen tuju min iri-ge Mbal Pem Nagawan indi tuju yi wi ndi wi oboksa wirik pidnak indi iri-net yusu-o.