NAM PARA WENE 5:8 - Nanduk Ngget Tul Pidnak Wene

⁸ At-nen engga iri wanosola ereya na-net untugup worak mende empat ereya na min enne kulugwi nap dua pulu empat (24) ereya na min-e Lomba Wam Marik na eralu tud yiga-o. It enambik tak kejapi poba min emas-nen konidnak yimbe arem emben konak mende yarak na min tena woraiga-o. Nde, emben konak mende iri-ge Mbal Pem Nagawan ilirak-nen tepan yugwi iri nar-o.

NAM PARA WENE 5:8 ပူးပေါင်းရင်းမြစ်များ

NDAWI ENGGA 150:3

Terompet poba ene pu yogolat, at nak erembel waner-o. Nggambus poba min kecapi poba min ininggi bem ene rak pogolat, at nak erembel waner-o.

NDAWI ENGGA 33:2

Kecapi poba bem Nagawan Indo wa yak togolat, ndawi yogolat ene rak pugwi mende ene rak pogolat erembel wanogolat ndawi yurag-o.

NDAWI ENGGA 43:4

Wok yimindig-e an-e an nalen tak poso elem Nembal Pem Nagawan kat kamanggim kan pugwi sa mbirimin-o. Mbirimindig-e, Mbal Pem Nagawan, Nembal Pem Nagawan wa-e. Kat kerembel wanosolat an-e ndawi yosolar-e, kecapi pobo ene rak pimin-o.

YOANES 1:29

Nene luk kub-e Yesus na Yoanes eram lobok yosola, Yoanes na-ge at yik karuk-nen yosolar-e: ”Mbal Pem Nagawan olomba wam marik ap pidsa meya yidnak lak tak poso nap iri nde ker-o.

YOANES 5:23

Nde, an Neid-nen amawi an ninggem pid iri-ge ap pidsa-nen Neid kek tak pili nggal, Ambara an na kek tak nubuwakluk-nen ninggem pij-o. Ambara an kek tak nibili buk nab-et wirik nibil lobok yidnak nap an Neid na kek tak pili bug-o.

IBERANI 1:6

Nde, Mbal Pem Nagawan-nen at Ambara manggu iri-ge nggweyak ma yu me ibil mbuwayekluk-nen yosolar-e: ”Mbal Pem Nagawan-nen idnak aid nap oboksa-nen-e at nak erembel wanuwag-o” luk yij-o.

NAM PARA WENE 13:8

Nde, nggweyak ma worali nap oboksa-nen at erembel wanuwa-t nde, nggweyak yu awo ndak wirigit lak ma-net wiridnak Lomba Wam Marik-nen idnak engga unluk nak wolmomtak iri na bem unnu mbaridnak nap-nen-e at erembel wanuwa bug-o.

NAM PARA WENE 15:2

Iri luk, yik kaginggal-e, yi koma papalo erare nggal, kanduk min nat karuk irit kagi-o. Nde, tuguruk yik kaginggal-e, ndakngge isilepma worak iri na min at abage nggal ndak worak iri na min at unu-ge yenggerak purak pem nomor pidnak nap iri na min urugwe nggwe rak unpuruk ombol nggwe yidnak nap eneyaigi-o. Nde, ombol nggwe yidnak nap iri na-ge yi koma erare papalo nggal iri na eyak pem mendak-nen Mbal Pem Nagawan-nen wok indidnak kecapi poba tena woragola, eneyaigi-o.

NAM PARA WENE 15:7

Iri luk, untugup worak mende empat ereya na ennggendumu misik-nen-e aid nap tuju iri wok ondosolar-e, urug-et pem-et woralik nalik woraso Mbal Pem Nagawan isilepma kobong tak emas-nen konidnak yimbe tuju irit wok indij-o.

NAM PARA WENE 19:4

Nde, enne kulugwi nap dua pulu empat (24) min untugup worak mende empat ereya na min-e mbud luk, nagawan-nen koreyak woraso ondoro bem koreyak worasu Mbal Pem Nagawan erembel wanogolat-nen yogolar-e: ”Amin! Mbal Pem Nagawan erembel wanuwog-o” luk yiga-o.

NAM PARA WENE 4:10

it enne kulugwi nap dua pulu empat (24) iri-nen-e nagawan koreyak woraso ondoro ebem koreyak worasu na eralu tud luk, urug-et pem woralik nalik wolma nap na erembel wanugwi-o. Iri luk, ontopi nagawan-nen pugwi pago ereba na-ge at koreyak woraso ondoro urugwe nggwe yonggora mbo bogolat-nen yogolar-e:

NAM PARA WENE 4:4

Nde, nagawan koreyak woraso ondoro iri eralu inggi inggi-ge nagawan-nen koreyak woragwi ondoro dua pulu empat (24) iri na bem-e ap enne kulugwi yok nggok dua pulu empat (24) unsum-e loro yirik, enanggul pem-e emas-nen konidnak nagawan-nen yurugwi topi pago, koreyak eneyagi-o.

NAM PARA WENE 4:6

Nde, nagawan koreyak woraso ondoro iri na urugwe nggwe-ge yi koma erare papalo nggal kopkap lak, papalo kristal erare nggal-o. Nde, nagawan koreyak woraso ondoro iri na urugwe ombol-e untugup worak mende unlugwe onmbol enlengen nak-nen kobong yidnak enpe empat irit woraiga-o.

NAM PARA WENE 4:8

Untugup worak mende empat ereya-ge enambik tak insiyamu enam worag-o. Nde, unlugwe nggwe onmbol nggwe-ge enlengen nak kobong yidnag-o. It iri-nen-e lengge-nen kubu-nen ndawi kundugu nak yogolar-e: ”At nak kek tag-o. At nak kek tag-o. Amawi Mondok Kwarat Nagawan Indo Mbal Pem Nagawan at nak kek tag-o. Nanduk na woraso, yawo na worasu, abok na wolma-nen yusu-o” luk yogolat woragwi-o.

NAM PARA WENE 5:11

Iri luk, an-nen tuguruk yik kaginggal-e, aid nap kwarat, mondok wonarurak puk nggal iri na enne anggu kuligi-o. It iri na-ge nagawan koreyak woraso ondoro na min untugup worak mende empat ereya na min enne kulugwi nap ereya na min lop lop indigarik, mendak woragolar-e,

NAM PARA WENE 5:12

enne nggoksa ndawi yogolar-e: ”Waridnak Lomba Wam Marik iri-ge o tena buruk wolmomtak amawi min yi mende ndi mende ombo yurak min inndi nggat nggat elem min amawi elem min at ambigit tebe yurak min at nak kek tak uburak min at erembel wanurak min iri mende oboksa at nak-nen wanurag-e abam-net yusu-o!” luk yiga-o.

NAM PARA WENE 5:14

Iri yogola-ge, untugup worak mende empat ereya na-nen yogolar-e: ”Amin-o!” luk yogola-ge, enne kulugwi nap ereya na-ge tud luk, it entembel waniga-o.

NAM PARA WENE 5:6

Iri yosola, an yik kaginggal-e, nagawan koreyak woraso ondoro iri na bem enggendumu-ge Lomba Wam Marik mendak kagi-o. Nde, mendak worala, untugup worak mende empat ereya na min enne kulugwi nap ereya na min-nen at iri na lop lop worak kagi-o. Nde, Lomba Wam Marik iri-ge abu wiridnak nggal irit kagi-o. Nde, at iri anggul ambo na tuju, erengen na tuju-nen yusu-o. Nde, anggul ambo tuju min erengen tuju min iri-ge Mbal Pem Nagawan indi tuju yi wi ndi wi oboksa wirik pidnak indi iri-net yusu-o.

NAM PARA WENE 6:1

Iri luk, an yik kaginggal-e, Lomba Wam Marik iri-nen lop nok tak pugwi mende tuju iri na enggendumu nandug-et lop nok tak pidnak (yang pertama) iri na ponggorosoloma, an kuliginggal-e, untugup worak mende empat ereya na ennggendumu-nen misik ene-ge o nggu nggal-et yosolar-e: ”Lobok yi-o” luk yosola, kuligi-o.