NAM PARA WENE 4:9 - Nanduk Ngget Tul Pidnak Wene

⁹ Nde, it untugup worak mende empat ereya-nen-e at nagawan koreyak woraso ondoro ebem koreyak worasu nap, urug-et pem woralik nalik wolma nap na-ge ndawi bem erembel wanogolat, kek tak pogolat, wa yak togolat yogola-ge,

NAM PARA WENE 4:9 ပူးပေါင်းရင်းမြစ်များ

NDAWI ENGGA 47:8

Mbal Pem Nagawan-e at kore yoso ondoro marak iri na bem koreyak worasu-o. At-nen-e ap enlem oboksa tena unpuruk worasu-o.

MBIRIGA WENE 15:18

Nagawan Indo wa-e. Kar-e pempa Nagawan o tena woraso-nen yusu-o” yiga-o.

YESAYA 6:1

Nde, olengen Nagawan Usia wat yid iri bem-e an-nen yik kaginggal-e Nagawan Indo kagi-o. Nagawan Indo-ge nagawan at-nen koreyak woraso mondok kek tak abinal worak iri na bem koreyak-nen usum leyok sum iri na-nen-e Nagawan Indo uwi iri na-ge yebet tak pidnak kagi-o.

NDANIEL 12:7

Iri yak tosola-ge, aid nap iri na-ge inggi-ge mberensa mbal nggwe ligik puruk-nen yosolar-e: ”Kwat yoso mende kwiye worak ereba-ge olengen tiga setenga ereya bem-e kwat yosolat irit wolma-o” luk, Mbal Pem Nagawan pem irit woraso iri na owak mbarosola kuligi-o. Iri yosolat-nen yosolar-e: ”Mbal Pem Nagawan ilirak anggun panggun tak inpili iri keya bogola-ge, kwat yoso mende kwiye worak mende kwat yusu ereba min-et lak ma-o” luk yij-o.

NDANIEL 4:34

Nde, nagawan an-nen yosolar-e: ”Olengen tuju iri na worarug-e, an nerengen-e mbal lik kasola-ge, ap nindi kwat yij-o. Iri yosola-ge, Mbal Pem Nagawan Mondok Kek tak iri na kek tak obosolat, at pem-et woralik nalik woraso iri na erembel wanosolat kek tak pigi-o. Iri yosolar-e: Mbal Pem Nagawan-e pem irit nagawan wolma-o. At-nen tenagidnak wi-ge pem irit wolma-o.

TUGURUK YIDNAK WENE 32:40

Mbal Pem Nagawan an-e nuruk nak woraso nondomok nunu bem ninggi ligik puruk, owak mbarosolar-e:

IBERANI 7:25

Iri bem-e ap Yesus ebem-nen Mbal Pem Nagawan eram lobok yili nab-e pem-et woralik nalik makluk, at-nen-e it inmiri yaga wok undurag-e ndak-nen yusu-o. Iri yusu iri-ge ar-e urug-et pem-et woralik nalik woraso me, it enmanggim-e Mbal Pem Nagawan emengen mbaroso-o.

IBERANI 7:8

Nde, sepulu sepulu rak puruk karetkwe-nen yidnak wanugwi tepan omborak iri-ge wat yugwi nap-net nde, wanugwi-o. Alat nde, Mbal Pem Nagawan engga bem-nen yosolar-e, karetkwe-nen yidnak Melkisendek-nen wanid iri-ge uruk nak woraso nap-nen wanij-o.

NAM PARA WENE 1:18

An-e nuruk woraso-nen yusu-o. Ki-o. An-e wat yigi-t nde, nuruk yigirik, yawo-ge an-e nurug-et pem-et woralik nalik worasu-o. Wat yugwi elem min wat yugwi elem-nen tenagaidnak wi min tu mig worak pugwi-ge an ninggem worasu-o.

NAM PARA WENE 10:6

owak mbarosolar-e, urug-et woralik nalik woraso Mbal Pem Nagawan, mbal min mbal ebem woraso mende min nggweyak min nggweyak ebem woraso mende min yi koma min yi koma arem woraso mende min ndak worak pid Mbal Pem Nagawan na unu bem owak mbarosolar-e: ”Kwarurak tarem-e mondok mborok tak puwa bug-o.

NAM PARA WENE 15:7

Iri luk, untugup worak mende empat ereya na ennggendumu misik-nen-e aid nap tuju iri wok ondosolar-e, urug-et pem-et woralik nalik woraso Mbal Pem Nagawan isilepma kobong tak emas-nen konidnak yimbe tuju irit wok indij-o.

NAM PARA WENE 21:5

Iri luk, at nagawan-nen koreyak woraso ondoro bem koreyak worasu na-nen yosolar-e: ”An-nen-e yi mende ndi mende oboksa ngget mende nak ndak worak pusu-o!” luk yij-o. Iri luk, at-nen yak norosolar-e: ”Wene yeba-ge ndemerer-o luk inndi angin tubu yurak wene me, engga bem mbari-o” luk yak nirij-o.

NAM PARA WENE 4:2

Ereya na-net Konak Indi narem nggwij-o. Nggosola-ge, yik kaginggal-e, aid arem iri me nagawan koreyak woraso ondoro mbi kagi-o. Nde, iri na bem-e ap mbi koreyak kagi-o.

NAM PARA WENE 4:8

Untugup worak mende empat ereya-ge enambik tak insiyamu enam worag-o. Nde, unlugwe nggwe onmbol nggwe-ge enlengen nak kobong yidnag-o. It iri-nen-e lengge-nen kubu-nen ndawi kundugu nak yogolar-e: ”At nak kek tag-o. At nak kek tag-o. Amawi Mondok Kwarat Nagawan Indo Mbal Pem Nagawan at nak kek tag-o. Nanduk na woraso, yawo na worasu, abok na wolma-nen yusu-o” luk yogolat woragwi-o.

NAM PARA WENE 5:1

Iri luk, an-nen yik kaginggal-e, nagawan koreyak woraso ondoro iri na ebem koreyak worasu nap na inggi kigit nggwe-nen engga mbi tena worala kagi-o. Nde, engga iri abage-ge ket mbet linggisa yunggurik nggal-o. Nde, engga iri na bem-e ponok ponok mondok mbarak worala, lop nok tak pugwi mende tuju iri na-nen engga na panggarak pidnag-o.

NAM PARA WENE 6:16

Yurak kurak mbogolat-nen ndobo min kerep min enne nggoksa yak togolar-e: ”Nagawan koreyak woraso ondoro ebem koreyak worasu erengen min Lomba Wam Marik na isilepma min inggem-nen mengga kura nonposolat, yemendak ninpi-o.

NAM PARA WENE 7:15

Iri kwaridnak me, ir-e Mbal Pem Nagawan koreyak woraso ondoro urugwe nggwe mendak woragolar-e, lengge-nen na, kubu-nen na, Mbal Pem Nagawan ama marak na me at ndegel obogolat worali-o. Nde, nagawan koreyak woraso ondoro ebem koreyak worasu nap na-ge it wosarak unpuruk worayekluk, it inmin wolma-o.