NAM PARA WENE 4:2 - Nanduk Ngget Tul Pidnak Wene

² Ereya na-net Konak Indi narem nggwij-o. Nggosola-ge, yik kaginggal-e, aid arem iri me nagawan koreyak woraso ondoro mbi kagi-o. Nde, iri na bem-e ap mbi koreyak kagi-o.

NAM PARA WENE 4:2 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:19

Mika-nen tuguruk yosolar-e: ”Yawo-ge Nagawan Indo-nen yidnak yu kuli-o. An yik kaginggal-e, aid arem iri me Nagawan Indo-ge at-nen koreyak woraso bem koreyak worala-ge, at-nen idnak aid nab-e oboksa eralu mendak eneyagi-o.

YESAYA 6:1

Nde, olengen Nagawan Usia wat yid iri bem-e an-nen yik kaginggal-e Nagawan Indo kagi-o. Nagawan Indo-ge nagawan at-nen koreyak woraso mondok kek tak abinal worak iri na bem koreyak-nen usum leyok sum iri na-nen-e Nagawan Indo uwi iri na-ge yebet tak pidnak kagi-o.

YESKIEL 1:26

Nde, enanggul pem nenarak iri na bem-e kerep abinal worak loro bem-nen konidnak nagawan-nen koreyak woragwi ondoro nggal kagi-o. Iri na bem-e ap nggal misik koreyak kagi-o.

YESKIEL 1:28

Nde, erare-ge yelepma arare nggal nin tak nan tag-o. Nde, abinal iri-ge ”Mbal Pem Nagawan iri me worasu-o” luk yenggerak irir-o.

NDANIEL 7:9

Nde, an mondok yik kaginggal-e ap kek tak-nen koreyak woragwi ondoro siyak pogola yik kagi-o. Pogola-ge, pem-et uruk nak woraso iri na-ge ap kek tak-nen koreyak woragwi ereya na misik pem kore yosola, kagi-o. Nde, at iri usum min anggulsu min-e mondok loro yeben mbin nggal irit kagi-o. Nde, at koreyak woraso iri na min koreyak woraso ijok wukoma ijok nggal iri na min-e kanduk nggal kere yosolat, amare yirip wirip mbosola kagi-o.

MATIUS 22:43

Yogolikma-ge, Yesus-nen it yak ondosolar-e: ”Iri ala-ge, Konak Indi-nen at yak tosolat-net Ndaud na-nen-e Kerisut imin-e ’An-nen idnak Nagawan Indo-o’ yid iri-ge noluk-nen iri yij-o? At Ndaud-nen yosolar-e:

IBERANI 8:1

Nit-nen yu yili wene yu ebe-ge yu-o: Nit nentepan ombo nggulok iri nggal kwarak iri-ge Mbal Pem Nagawan Mondok Kek tak aid arem woraso-nen koreyak woraso sa inggi kigit ambigit nggwe koreyak worasu-o.

NAM PARA WENE 1:10

Nde, Nagawan Indo-nen idnak tarem-nen-e Konak Indi an narem nggosola-ge, an nombol nggwe-nen ene nggulok mbi, posid poba ene nggal, iri-nen wene yosola, kuligi-o.

NAM PARA WENE 12:5

Nde, kwe na-nen-e li ap posid wangun pem ap enlem oboksa tena unpuruk wolmomtak nap li ap irit ndagaij-o. Alat nde, la na-ge kwe iri na inggem mengga Mbal Pem Nagawan eram Mbal Pem Nagawan koreyak woraso sa urugwe nggwe pil mbiriga-o.

NAM PARA WENE 17:3

Iri luk, Konak Indi an nebem mbosola-ge, aid nap iri-nen an wok nuburuk, karu me nibil mbirij-o. Nde, iri me-nen yik kaginggal-e, kwe misig-e ndakngge isilepma worak mimi iri ombolwak pem koreyak worala kagi-o. Nde, ndakngge isilepma worak iri na ebem-e Mbal Pem Nagawan imbiri lamut tak pidnak unnu ereba na-ge ebem mbarep parep kagi-o. Nde, ndakngge isilepma worak iri-ge anggul-e tuju, nde, anggul ambo-ge sepulu kagi-o.

NAM PARA WENE 19:4

Nde, enne kulugwi nap dua pulu empat (24) min untugup worak mende empat ereya na min-e mbud luk, nagawan-nen koreyak woraso ondoro bem koreyak worasu Mbal Pem Nagawan erembel wanogolat-nen yogolar-e: ”Amin! Mbal Pem Nagawan erembel wanuwog-o” luk yiga-o.

NAM PARA WENE 20:11

Iri luk, an yik kaginggal-e, nagawan-nen koreyak woraso ondoro loro nggulok iri min ebem koreyak woraso nap min kagi-o. Nde, at iri eram-nen nggweyak min mbal min-e lak yosolar-e, ondoro min-et mondok lak yij-o.

NAM PARA WENE 21:10

Iri luk, Konak Indi an nebem mbosolar-e, aid nap iri na-nen wok nuburuk ndobo mondok mot misik pem nibil lagaij-o. Nibil laruk, at-nen-e Mbal Pem Nagawan-nen idnak o siri Yerusalem iri-ge Mbal Pem Nagawan eram aid arem-nen mbuwasola, mirik nibij-o.

NAM PARA WENE 21:5

Iri luk, at nagawan-nen koreyak woraso ondoro bem koreyak worasu na-nen yosolar-e: ”An-nen-e yi mende ndi mende oboksa ngget mende nak ndak worak pusu-o!” luk yij-o. Iri luk, at-nen yak norosolar-e: ”Wene yeba-ge ndemerer-o luk inndi angin tubu yurak wene me, engga bem mbari-o” luk yak nirij-o.

NAM PARA WENE 3:21

An na namawi luk ombol nggwe yigirig-e, an Neid nagawan koreyak woraso ondoro iri me at eralu koreyak worasu iri nggal-et amawi luk ombol nggwe yuwa nab-e an-nen-e nagawan an koreyak woraso ondoro iri me an neralu koreyak ibimin-o.

NAM PARA WENE 4:10

it enne kulugwi nap dua pulu empat (24) iri-nen-e nagawan koreyak woraso ondoro ebem koreyak worasu na eralu tud luk, urug-et pem woralik nalik wolma nap na erembel wanugwi-o. Iri luk, ontopi nagawan-nen pugwi pago ereba na-ge at koreyak woraso ondoro urugwe nggwe yonggora mbo bogolat-nen yogolar-e:

NAM PARA WENE 4:5

Nagawan koreyak woraso ondoro iri na-nen-e o pinel yebek kasolat, o nggu pang yosolat, nde, nagawan koreyak woraso ondoro urugwe nggwe-ge tal tuju iri pago kagi-o. Nde, tal iri-ge Mbal Pem Nagawan indi tuju iri-net yili-o.

NAM PARA WENE 4:9

Nde, it untugup worak mende empat ereya-nen-e at nagawan koreyak woraso ondoro ebem koreyak worasu nap, urug-et pem woralik nalik wolma nap na-ge ndawi bem erembel wanogolat, kek tak pogolat, wa yak togolat yogola-ge,

NAM PARA WENE 5:1

Iri luk, an-nen yik kaginggal-e, nagawan koreyak woraso ondoro iri na ebem koreyak worasu nap na inggi kigit nggwe-nen engga mbi tena worala kagi-o. Nde, engga iri abage-ge ket mbet linggisa yunggurik nggal-o. Nde, engga iri na bem-e ponok ponok mondok mbarak worala, lop nok tak pugwi mende tuju iri na-nen engga na panggarak pidnag-o.

NAM PARA WENE 5:13

Iri luk, an kuliginggal-e, untugup worak mende aid arem woragwi-nen na, nggweyak ma woragwi-nen na, nggweyak urugwe nggwe woragwi-nen na, yi koma arem woragwi-nen na iri oboksa-nen ndawi yogolar-e: ”Nagawan koreyak woraso ondoro ebem koreyak worasu na min Lomba Wam Marik na min nak entembel wanogolat, it enambigit nak tebe yogolat, o tena buruk woragolat pem irit woralik nalik wolmag-o!” luk yiga-o.

NAM PARA WENE 6:16

Yurak kurak mbogolat-nen ndobo min kerep min enne nggoksa yak togolar-e: ”Nagawan koreyak woraso ondoro ebem koreyak worasu erengen min Lomba Wam Marik na isilepma min inggem-nen mengga kura nonposolat, yemendak ninpi-o.