NAM PARA WENE 3:9 - Nanduk Ngget Tul Pidnak Wene

⁹ Kenaru wolmer-o! Sere ilirak iri-ge ir-e Yawuri nab-e lag-et nde ennesiget: ’Nir-e Yawuri nab-o’ luk yili-o. An-nen it iri kwat onposolar-e, kit kendam lobok luk, kentalu tud luk, kentembel wanugwi nap tak inpimin-o. Iri kwarogolar-e, an-nen kit kenabuwa kaso iri-ge enaru yuwa-o.

NAM PARA WENE 3:9 ပူးပေါင်းရင်းမြစ်များ

MBIRIGA WENE 11:8

Worok tak posolat, Musa-nen yosolar-e: ”Nab-o. Kat keyabu wanugwi nap oboksa an neram lobok yogolat neram tebe luk-nen yogolar-e: ’Kar-e kelem nap inmin o yu me keya buruk mberer-o’ yogola-net an-e mbirimin-o” yosoluk, Musa na-ge isilepma wu luk Pirayon eram-nen mbirij-o.

YESAYA 43:4

An nerengen pem kar-e mondok nggok-net yusu-o. An-nen-e kat kek tak kobosolat, kabuwa-t kasu me, an-nen-e kat kondolma-ge ap posolat, nde, kimiri yosolar-e, ap enlem kwarat ereba pimin-o.

YESAYA 45:14

Nagawan Indo-nen Isarael nap yak ondosolar-e: ”Mesira min Sundan min woraso silobulo iri-ge winde yugub-o. Seba nap enpe mot enmawi worak ereba na-ge kit kenarengge nggal kwatluk, kere kamarak-nen kinmbirik mburuwa-o. Iri kwarogolat, kendam entare nggwe tud yogolat-nen para yogolar-e: ’Mbal Pem Nagawan-e ndemeret kit kennggendumu worasu-o. Mbal Pem Nagawan nin at nggal erep mbi worasu bug-o.

YESAYA 49:23

Nagawan nagawan-e kit kineid nggal kwat yogolat, nde, it onkwerag-e kit kiniya nggal kwat yogolat mao. It-nen kat keram tebe yogolar-e, kat keram entare nggwe tud luk kat kek tak kubuwa-o. Iri yogola, kat-nen an nimin-e: ’At iri-ge Nagawan Indo-net yusu-o’ luk neberagun-o. Nde, indi an nebem wat tak wolma nab-e indi kabak ma bug-o” luk yij-o.

YESAYA 60:14

Kat anggun panggun tak kubugwi nap inlirag-e kat keram lobok yuwarik, keram entare nggwe tud ma-o. Kat pesel kibidnak nab-e kat keram tebe ma-o. Nde, kat kunu yarogolar-e: ’Nagawan Indo uwi siri-o’ luk, ’Sion iri-ge Isarael Embal Pem Nagawan Marak iri na uwi-o’ luk yuwa-o.

YOANES 17:23

Nde, it na-ge mondok misiget maklug-e, an-e it enarem woralat, nde, kar-e an narem worasola-ge, nggweyak ma nap-nen-e kat-nen an wirik nibil lobok yij-o luk enaru yogolat, kat-nen an nabuwa kaso nggal, it na enabuwa kasu-o luk enaru yogolat ma-o.

NAM PARA WENE 2:9

Kit kenpem anggun panggun mbusu mende min kit kinsilobulo lak worali iri-ge an-e naru-o. Alat nde, kir-e kinsilobulo worak-net yili-o! Ndemeret Yawuri nab-e lag-et nde, ’Nir-e Yawuri nap-nen yili-o’ yili nap-nen konpok pili na an-e narur-o. Nde, it iri-ge Sere ilirak-net yili-o.

1 SEMUEL 2:36

Kat-nen wigarak-nen unluk wolma-ge tepan ombo iri eram uang min nunggwi mende min-e nggi yogolat wolma-o. Iri yogolat-nen nggi yogolar-e, ir-e nunggwi mende misik pem-et kum norak ereya na wok turak pem tepan ombo iri na yak ondosolar-e: ’Nab-o. Yongga kendeyek-nen ob-o luk yak nerer-o’ luk emengen mbaruwa-o” luk yak tij-o.