NAM PARA WENE 3:7 - Nanduk Ngget Tul Pidnak Wene

⁷ ”Pilandelpia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge ndemeret marak nap iri-nen yusu wene-o. Nde, at iri-ge Ndaud-nen idnak tu imig worak pugwi tena woraso-o. Nde, at-nen nde tu kuwarak posoma-ge, ap misiger-o luk-nen lerak purag-e meya-o. Nde, at-nen tu lerak posoma-ge, ap misiger-o luk-nen kuwarurag-e meya-o.

NAM PARA WENE 3:7 ပူးပေါင်းရင်းမြစ်များ

NDAWI ENGGA 145:17

Nagawan Indo-nen kwaroso mende oboksa bem-e mot mot nak kwarosolat, at-nen kwaroso mende oboksa bem na enabuwa bem-et kwaroso-o.

NDAWI ENGGA 16:10

An wat makluk keya noboso buk me, kat-nen enabuwa kaso nab-e lak makluk keya onposo bug-o.

NDAWI ENGGA 89:18

Nagawan Indo wa-e. Nit nggetlel nonposo nab-e kat-nen lenak pigen irir-o. Nit-nen idnak nagawan-e Isarael Enmbal Pem Nagawan Marak iri na arengge-nen yusu-o.

YESAYA 30:11

Ndak kenpe-o. Ndegera mberer-o. Kir-e Isarael nap Enmbal Pem Nagawan mondok marak iri na owene pem ndak sil pal neneyerenak worali meyog-o” luk yili-o.

YESAYA 41:14

Nagawan Indo-nen yosolar-e: ”Isarael wa-e. Kar-e kamawi lak, enlengen kopkap nggal-et nde, kwiye yusu-ge meyog-o. Kat yongga kurusu an yu-ge Nagawan Indo-net yusu-o. Isarael nap Enmbal Pem Nagawan Mondok Marak iri-ge kat kinmiri yoso-nen yusu-o.

YESAYA 41:16

Iri rak puruk, kat-nen pil yaga keya onposola, kimamo-nen waruk mborosola-ge, o wija-nen nin me nan me ndibi ndi rak unpuwa-o. An-e kat-nen idnak Nagawan Indo ala karuk, kar-e kalen kagun-o. An-e Isarael nap Kembal Pem Nagawan Mondok Marak ala karuk, kar-e kindi kek yugun-o.

YESAYA 41:20

Iri yumu, ap oboksa-nen karuk, enaru luk-nen an nimin yogolar-e: ’Iri-ge Nagawan Indo abam-net kwaramu-o’ luk yuwa-o. It-nen kwara lombot puruk-nen yebet kagolar-e: ’Isarael nap Enmbal Pem Nagawan Mondok Marak iri na-nen kwaridnak pem-net kwat yamu-o’ luk yebet kujwa-o” luk yij-o.

YESAYA 49:7

Mbal Pem Nagawan Mondok Marak, Isarael nap inmiri yoso iri na-nen ap nggweyel unpugwi nap-nen nggweyel obogolat, ap enlem oboksa-nen insili rak obogolat, o tena woragwi nap ereba ndegel onposo nap kwarak pogolat kwatli nap iri na yak tosolar-e: ”Nagawan nagawan-nen-e an-nen kwat kibimin iri karuk, it-nen-e an kek tak nubuwa-o. Enmawi worak nap-nen na iri karug-e, entare nggwe tud ma-o” luk yij-o. Iri kwaruwa iri-ge Nagawan Indo-nen at ndegel oboso nap linid iri bem-nen kwaruwa-o. Isarael nap Enmbal Pem Nagawan Mondok Marak iri-ge at-nen urul pidnag-e lugud tak poso buk ala-nen kwaruwa-o.

YESAYA 54:5

Kat ndak wat kibij-e kat kun nggal ma-o. Isarael Embal Pem Nagawan Marak iri-ge kimiri yoso-nen yusu-o. At unu-ge Nagawan Indo Mondok Amawi Worak irir-o. Ar-e yi wi ndi wi tena woraso-o.

YESAYA 55:5

Ap enlem nin kit na kenaru bug-et nde, wene mbo onpogola-ge, ndag-et nak kit kendam lobok yuwa iri-ge Nagawan Indo Kenmbal Pem Nagawan, Isarael Embal Pem Nagawan Marak an-nen-e kit kunnu worak tak kinpimin me, kendam lobok yuwa-o” luk yij-o.

YESAYA 6:3

It-nen it nak enne nggoksa yak kerak mbogolar-e: ”Marag-o, marag-o, marag-o. Nagawan Indo Mondok Amawi Worak iri nak marak-nen yusu-o. Nggweyakma yu me oboksa-ge at abinal-nen yebet yusu-o” luk yiga-o.

MATIUS 16:19

Mbal Pem Nagawan-nen tenagaidnak wi tu imig worak pugwi (kunci) wok kirimin-o: Nggweyak ma yu me-nen kat-nen kamarak pugun mende iri-ge aid arem-nen na kamarag-et wolma-o. Nde, nggweyak ma yu me-nen kat-nen wisirik pugun mende iri-ge aid arem-nen na wisirig-et wolma-o” luk yak tij-o.

MATIUS 24:35

Mbal min nggweyak min-e lak ma-t nde, an-nen yidnak wene-ge lag-e ma bug-o.

MARAKUS 1:24

”Yesus Nasaret nap wa-e. Kar-e ngge rak nunpugun-o? Nit lak tak nenpeyekluk lobok yigen-a? Kar-e an naru-o. Kar-e Mbal Pem Nagawan-nen kibil lobok yidnak karik lenak nap-net yusu-o” luk yij-o.

LUKAS 1:32

Nde, at iri-ge ap nggulok irit ma-o. Ap-nen at imin-e: ’Kar-e Kek tak Woraso Mbal Pem Nagawan Ambara-o’ luk yuwa-o. Nagawan Indo Mbal Pem Nagawan-nen-e at ombo Ndaud ondolma irit nagawan tak puwa-o.

LUKAS 4:34

”E! Yesus Nasaret nap wa-e. Kar-e ngge rak nenpeyekluk lobok yigen-o? Nit nendeyekluk lobok yigen, lak? Kar-e an-e naru-o. Kar-e Mbal Pem Nagawan-nen wirik kibil lobok yidnak karik lenak nap-net yusu-o” luk yij-o.

YOANES 14:6

Yak tosoloma-ge, Yesus-nen at yak tosolar-e: ”An-e Mbal Pem Nagawan enaru yugwi tula min ndemeret wene min unlug-et wolmomtak elem min-nen yusu-o. An nebem nggwe mbirigit lak-nen-e ap misiger-o luk tet an Neid eram wok momtag-e meya-o.

YIDNAK YIDNAK WENE 3:14

Nde, kir-e Konak Nap, Lud tak nak Kwaroso Nap na-ge wesera keya bogolar-e, ’Ap woroso nap irit wesera wok nindi-o’ yigeb-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

NAM PARA WENE 1:11

Ene iri-nen yosolar-e: ”Kat-nen kasu mende iri engga bem mbari-o. Lambuk tak inpidnak nap o tuju yu endam pil mbiri-o: Epesus min Simirina min Peregamus min Tiatira min Sarandis min Pilandelpia min Laorikia min endam pil mbiri-o” luk yij-o.

NAM PARA WENE 1:18

An-e nuruk woraso-nen yusu-o. Ki-o. An-e wat yigi-t nde, nuruk yigirik, yawo-ge an-e nurug-et pem-et woralik nalik worasu-o. Wat yugwi elem min wat yugwi elem-nen tenagaidnak wi min tu mig worak pugwi-ge an ninggem worasu-o.

NAM PARA WENE 15:3

It-nen ndawi yogolar-e, Mbal Pem Nagawan ndegel oboso nap Musa min Lomba Wam Marik na min endawi yogolar-e, yu nggal yiga-o: ”Amawi Mondok Kwarat worak Nagawan Indo Mbal Pem Nagawan wa-e. Kat-nen kwaroso-ge nggulok, kwiye worak-net yusu-o. Ap enlem oboksa ennggendumu Nagawan wa-e. Kat-nen kwaroso-ge ndemeret mot mot nak kwaroso-o.

NAM PARA WENE 16:7

Iri luk, an kuliginggal-e, ene misik Mbal Pem Nagawan amanggim wam wosa pugwi sa iri me-nen yosolar-e: ”Kamawi Mondok Kwarat worak Nagawan Indo Mbal Pem Nagawan wa-e. Kat-nen mbarusu wene-ge ndemeret mot mor-et mbarusu-o!” luk yosola, kuligi-o.

NAM PARA WENE 19:11

Iri luk, an yik kaginggal-e, aid arem tu kuwak yosolar-e, kuda wam loro misik kagi-o. Nde, kuda wam iri ombolwak pem koreyak iri unu-ge Yidnak Yidnag-et Kwaroso, Lud tak Nak Kwaroso irir-o. At iri-nen ap enpem wene mbarosolat na, wim posolat na, mot mor-et kwaroso irir-o.

NAM PARA WENE 19:2

At-nen enpem wene mbaroso-ge mot mot lud tak nak irit mbaroso me, terak yebugwi kwe nggulok iri-ge at-nen mbabi kwaroso iri na bem nggweyak ma yu me nari wari rak poso kwe iri-ge Mbal Pem Nagawan-nen-e ebem angin worak mberak pij-o. Kwe iri-nen at ndegel ubugwi nap ondoso me, Mbal Pem Nagawan-nen ebem wene mbarij-o!” luk yiga-o.

NAM PARA WENE 2:1

”Epesus woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge at inggi kigit nggwe wonaru tuju na tenaga, emas-nen konidnak tal tuju na enggenggerak waring kasu nap iri-nen yidnak wene-o.

NAM PARA WENE 21:5

Iri luk, at nagawan-nen koreyak woraso ondoro bem koreyak worasu na-nen yosolar-e: ”An-nen-e yi mende ndi mende oboksa ngget mende nak ndak worak pusu-o!” luk yij-o. Iri luk, at-nen yak norosolar-e: ”Wene yeba-ge ndemerer-o luk inndi angin tubu yurak wene me, engga bem mbari-o” luk yak nirij-o.

NAM PARA WENE 3:14

”Laorikia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge mot mot lud tak nak konggoroso nap, Mbal Pem Nagawan-nen ndak worak pidnak mende oboksa tel koroso Amin-nen yidnak wene-o.

NAM PARA WENE 4:8

Untugup worak mende empat ereya-ge enambik tak insiyamu enam worag-o. Nde, unlugwe nggwe onmbol nggwe-ge enlengen nak kobong yidnag-o. It iri-nen-e lengge-nen kubu-nen ndawi kundugu nak yogolar-e: ”At nak kek tag-o. At nak kek tag-o. Amawi Mondok Kwarat Nagawan Indo Mbal Pem Nagawan at nak kek tag-o. Nanduk na woraso, yawo na worasu, abok na wolma-nen yusu-o” luk yogolat woragwi-o.

NAM PARA WENE 5:9

It-nen ndawi ngget misik yogolar-e: ”Kar-e mondok kirikma, wat yigen iri bem-nen-e Mbal Pem Nagawan amanggim ap enlem ndomok oboksa min ap enne ndomok oboksa min ab-e ap oboksa min ap enlem oboksa min onnggo pigen pem-e kat-nen-e engga na wanuruk, lop nok tak pugwi mende, iri na punggururag-e kabam-net yusu-o.

NAM PARA WENE 6:10

It iri-nen enne ngguloksa yogolar-e: ”Kamawi Mondok Kwarat worak, lenak irit woraso, lud tak nak kwaroso Nagawan Indo wa-e! Nunggurik woraruk-nen nggweyak ma woragwi nap enpem wene mbatluk, nit nindiga onggo pugun-o?” luk yiga-o.