Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NAM PARA WENE 3:3 - Nanduk Ngget Tul Pidnak Wene

3 Iri bem-e, kit-nen-e nanduk mirik kinpidnak wene kuligep na-ge tuguruk kwara yebet ker-o. Yebet karug-e, wene iri-nen yidnak yidnak kwarogolar-e, kit meya yidnak keya buruk, kondok yer-o. Nde, kir-e kunluk yigit lak ala-ge, an-e yariya wanugwi nap nggal kendam lobok yimin tarem iri-ge kir-e kabag-et woragub-o.

အခန်းကိုကြည့်ပါ။ ကော်ပီ




NAM PARA WENE 3:3
24 ပူးပေါင်းရင်းမြစ်များ  

Kit-nen-e kit kenpage meya kwarugwi min kit-nen lugud tak kwarugwi min ereba na kinndi-ge yebet kagolug-e, kit-nen meya kwarugwi min meya emben to rak mende kwarugwi ereba na min kit kondomok kenambikpebe yik karug-e, sok wururak nggal yugub-o.


Iri bem-e iri tarem min jam min-e kenaru buk me, kwara-t yik karok wolmer-o.”


At lobok yurak tarem-e kenaru buk me, kunlug-et woragolat, kwil kwalsa wolmer-o.


At mimo lobok yosolar-e, kit nene yukmu, kiniyujwa iri-ge mondok meya-o.


Yariya wanoso nap-nen yariya waneyekluk kubu nggwe lobok yoso nggal, iri nggal-et Nagawan Indo lobok yurak Tarem-e wok ma-o luk kit na mondok kenaru nar-o.


Timotius wa-e. Kat kebem pidnak mende iri-ge kwara parugu wolmin-o. Nde, ebe lak wene min Mbal Pem Nagawan indi-n peraso buk wene min enaru yugwi mende-o luk yidnag-et nde, iri wene lit lit eyak wat kerak mbugwi wene min erep tenagurak pug-o.


An-nen ndemeret wene mul kirigi iri na-nen yidnak yidnak kwara kwarosolat wolmin-o. Nde, Kerisut Yesus imin kundik worasu me, kindi angin tubu yidnak worasolat, ap enabuwa kasolat wolmin-o.


Iri bem-e, nit wok nunpuruk, nin tula nggwe ninpil mburuwa naru, Mbal Pem Nagawan-nen mul nindidnak wene kulige iri-ge kwara puksa tena wolmog-o.


Wene abam yu yeberak kunpurag-e an neyabu-t me, an nuruk woralar-e, yeberak konposolat woramin-o.


Nanggamirak kenabuwa worak wa-e. Engga yu-ge mberen pem tak posolat kenmanggim mbara pil lobok yusu-o. Nde, engga mberen yu arem-nen yeberak kunpusu wene iri-nen kit kenarem-e marak woragwi kinndi nam makluk engga ya mbarigi-o.


Alat nde, Nagawan Indo lobok yurak tarem iri-ge yariya wanuwokluk lobok yugwi nggal-et lobok yuwa-o. Lobok yosolar-e, mbal iri-ge o nggu kwiye worak yuruk, lag-et ma-o. Mbal pem woraso mende-ge kan-nen nuruk, lak tak puwa-o. Nggweyak min ebem pem woraso mende pidsa-ge lak tak puwa-o.


”Kwara koler-o. An-e yariya wanugwi nap nggal lobok yimin-o. Nde, ap inmbiri bem sum yirigit lak ngenwa waring kasolat inggiri kamin naru, kwara uruk woralat, at usum na kwara yirik wolma nab-e alen kujwag-o!”


Alat nde, kit-nen wanigep mende iri-ge puksa tena worakmu, an lobok eyeg-o.


’An-e abu meya luk yoboksa mbigi kagi’ luk perarug-e, kit meya kwatli iri keya buruk, kondok yer-o. Kondok luk, nanduk kwarogolat woraigep nggal kwarer-o. Kit nde kondok yigit lak ala-ge, an lobok yimindig-e, kit kental iri-ge ondolma-nen lesa wanimin-o.


Yesus-nen yosolar-e: ”Kwara yebet ker-o. An ndag-et nak lobok yimin-o. Kwat momtak wene urul engga yu arem mbarak worasu yeba karuk, kwara yebet kasu nab-e mondok alen kujwag-o!” luk yij-o.


An-e ndag-et nak lobok yimin-o. Nde, kit-nen ombol nggwe yidnak pem onggo wok kundurak mende na nin nap-nen mengga wanuwa naru, kit-nen wanigep mende iri-ge puksa tena wolmer-o.


An-nen enabuwa kaso nab-e nggomo nggal eneyanggo wat makluk linggamburok ondoso-o. Iri bem-e, kir-e kenmawi kunduruk, kit meya yidnak keya buruk, kondok yer-o.


Iri bem-e, kir-e kinndi pengge luk, kit kendam worasu mende-ge erengen nigi yigit lak ma-net amawi rak per-o. Kit-nen kwatli mende-ge an-nen yik kasolar-e, an Nembal Pem Nagawan erengen pem-e misiger-o luk tet mondok iminep mbarak lak yik kasu-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ