NAM PARA WENE 3:1 - Nanduk Ngget Tul Pidnak Wene

¹ ”Sarandis woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge Mbal Pem Nagawan indi tuju min wonaru tuju min iri tena worasu nap-nen yidnak wene-o. Kit-nen kwatli an-e naru-o. Kir-e wat yidnak woragola-t nde, kunluk worali-o luk yak kindili-o.

NAM PARA WENE 3:1 ပူးပေါင်းရင်းမြစ်များ

LUKAS 15:24

An nambara yu-ge wat yidnag-et nde, uruk luk lobok yij-o. Pul agaij-et nde, nam yij-o’ luk yosoloma-ge, it na kijik kijak wiriga-o.

LUKAS 15:32

Alat nde, kat kowot iri-ge wat yidnag-et nde, uruk luk, pul yidnag-et nde, wok yid pem-e nit-nen ijok kerengge sakolat, kijik kijak worogolat yili yu-ge ob-et yili-o’ luk yak tij-o.”

YOANES 1:16

At arem-e enabuwa kaso elem kobong tak me, nit pidsa nenabuwa kundugu kasolat, imbiringgat tak nonposo-o.

YOANES 1:33

Iri tarem-e an-e at kabag-et woragi-t nde, we yi bem yi ma unpuwakluk wirik nibidnak nap Mbal Pem Nagawan-nen yak norosolar-e: ’Konak Indi-ge mbumarik, ebem pak yosola kagun nap iri-nen Konak Indi bem ap yi ma unpuwa nab-e irir-o’ luk yak nirij-o.

YOANES 20:22

Iri yurug-e, emende pu it enpem posolat-nen yosolar-e: ”Konak Indi waner-o.

YOANES 3:34

Nde, Konak Indi ebis-et wok tidnak me, Mbal Pem Nagawan-nen wirik ibil lobok yidnak nap-nen-e Mbal Pem Nagawan-nen yidnak wene nak yak ondoso-o.

YIDNAK YIDNAK WENE 2:33

Iri bem-e, Yesus na Mbal Pem Nagawan inggi kigit nggwe-nen kek tak puruk, Eid-nen obok yak tidnak Konak Indi-ge at wok turuk, tak purug-e, at-nen nit nenpem nggilara pil mbuwasola-ge, kit-nen kagolat, kologolat kwatli yur-o.

EPESUS 2:1

Nanduk kir-e wene kuruk tidnak pem-nen na, meya yidnak pem-nen na, wat yidnag-et woraigeb-o.

EPESUS 2:5

nir-e at ene kuruk tidnak pem-nen ninndi wat yidnak woraige-t nde, Kerisut uruk tak pid tarem-e Kerisut imin nit na nunluk tak pij-o. Mbal Pem Nagawan-nen we wok ondoso elem pem-net kir-e kinmiri yij-o.

KOLOSE 2:13

Nde, kit meya kwarogolat woraidnak pem-nen na, kiniye ambasap wabigit lak woraidnak pem-nen na, nanduk kir-e wat yidnak woragwi-t nde, yawo-ge Mbal Pem Nagawan-nen Kerisut imin totno kunluk tak kinpij-o. Mbal Pem Nagawan-nen nit meya kwarogolat woraidnak oboksa-ge amberam tak puruk,

1 TIMOTIUS 5:6

Alat nde, at ukwe ukwe mende nak kore yoso kwe togwe iri-ge urug-et nde, wat yidnak-nen yusu-o.

YAKOBUS 2:26

Nde, enpe worala-t nde, inndi nde lak-nen-e wat yidnak-nen yusu-o. Iri nggal-et inndi angin tubu yili-t nde, ininggi-nen kwarugwi mende nde kwarigit lak yogolar-e, inndi angin tubu yidnak iri-ge wat yidnak-nen yusu-o.

1 PETERUS 1:11

”Iri wene-ge ngge tarem-nen, ngge kwasa kwat ma-o?” luk, mbenarogolat woraiga-o. Iri tarem-et Kerisut Indi-ge it enarem woralat-nen Kerisut mondok andi bandi rak uburak wene min abok at kek tak wolmomtak wene min urul yak ondosolat woragaij-o.

YURAS 1:12

Kir-e kenggamirak inmin kondogolat-nen nunggwi mende nggok saguruk nonggola tarem it inmin nonggola-ge, it iri-ge innggiri lak kasa kasa nili iri-ge kik tak konpogolat, it ondomok nak nggok tak pili-o. Nde, obube-nen puk kaso nggan nggan-et nde, talme waruk lobok yoso buk nggan nggan nggal, e engen poso tarem-et nde, engen poso buk e nggal, elem konak pidnak ma mondok umbuk yidnak e nggal-et it-nen yili-o.

NAM PARA WENE 1:11

Ene iri-nen yosolar-e: ”Kat-nen kasu mende iri engga bem mbari-o. Lambuk tak inpidnak nap o tuju yu endam pil mbiri-o: Epesus min Simirina min Peregamus min Tiatira min Sarandis min Pilandelpia min Laorikia min endam pil mbiri-o” luk yij-o.

NAM PARA WENE 1:16

At inggi kigit nggwe-ge wonaru tuju tena, nde, emendam nggwe-ge yalawi anggat ponok ponok worak iri-ge kenanggo, nde, at imbiriwak amare-ge mo eyak kererak pil wasolat nggal-o.

NAM PARA WENE 1:20

An ninggi kigit nggwe tena worasu wonaru tuju min, emas-nen konidnak tal tuju min iri bem-nen yidnak kura wene ebe-ge yu-o: Wonaru tuju iri-ge lambuk tak inpidnak nap tuju iri-nen idnak aid nap-nen yili-o. Nde, tal tuju iri-ge lambuk tak inpidnak nap o tuju iri-net yili-o” luk yak nirij-o.

NAM PARA WENE 1:4

Nanggamirak lambuk tak kinpidnak nap o tuju Asia wi worali nap kenpem-e: Nanduk na woraso, yawo na worasu, abok na wolma Mbal Pem Nagawan min at koreyak woraso urugwe nggwe woragwi indi tuju min mot mot nak konggoroso nap, Ambara manggu nderak iri-ge wat yidnak nap ennggendumu-nen uruk tak pid nap nggweyak ma yu me nagawan nagawan teberak unpuruk, nagawan amawi worak kek yidnak Yesus Kerisut min-nen idnak we wok ondoso elem min lambuksa woragwi elem min-e nanggamirak wok kunduwag-o luk an Yoanes-nen perasu-o. Yesus-nen nit nenabuwa karuk, at wat yosolar-e, nit meya yidnak inggem-nen wisirik nunpuruk,

NAM PARA WENE 2:13

Kit worali sa iri-ge an-e naru-o. Sere-nen tena woraso sa iri me-t worali-t nde, kir-e an puksa tena nuburuk worali-o. An-nen yidnak wene mot mot nak konggoroso nap Antipas na-ge kit kennggendumu-nen Sere woraso sa iri me-nen wiriga-t nde, kir-e kinndi an nebem angin tubu yidnag-e keya bigit lag-o.

NAM PARA WENE 2:19

Kit-nen kwatli iri-ge an-e pidsa naru-o. Kit-nen enabuwa kagwi min mot mot nak kwarugwi min kit-nen yabu wanili min mamak puruk worali min pidsa naru-o. Nandug-e yabu marig-et nggal wanigeb-et nde, yawo-ge kwarat wanili iri-ge an-e naru-o.

NAM PARA WENE 2:2

Kit-nen kwarugwi min kit-nen kenmawi min yabu wanugwi min kit-nen mamak puruk woragwi min iri-ge an-e naru-o. Kit-nen meya yugwi nap kinsili rak inpili min, ap-nen yogolar-e: ’Nir-e wirik ninpidnak nap-nen yili-o’ luk yogola-t nde, kit-nen lombot unpuruk, ennesiget yugwi nab-er-o luk yenggerak inpili min iri na an-e naru-o.

NAM PARA WENE 2:9

Kit kenpem anggun panggun mbusu mende min kit kinsilobulo lak worali iri-ge an-e naru-o. Alat nde, kir-e kinsilobulo worak-net yili-o! Ndemeret Yawuri nab-e lag-et nde, ’Nir-e Yawuri nap-nen yili-o’ yili nap-nen konpok pili na an-e narur-o. Nde, it iri-ge Sere ilirak-net yili-o.

NAM PARA WENE 3:15

Kit-nen kwatli iri-ge an-e naru-o. Kir-e embem na lak, kol na lak worali iri-ge an-e naru-o. Nde, kir-e embem-a? Are, kol-a? Nggal woragolar-e ob-et nde,

NAM PARA WENE 3:2

Iri bem-e, kir-e kinndi pengge luk, kit kendam worasu mende-ge erengen nigi yigit lak ma-net amawi rak per-o. Kit-nen kwatli mende-ge an-nen yik kasolar-e, an Nembal Pem Nagawan erengen pem-e misiger-o luk tet mondok iminep mbarak lak yik kasu-o.

NAM PARA WENE 3:8

Kit-nen kwatli iri-ge an-e naru-o. Kit kenmawi marig-et alat nde, an-nen mul kindidnak wene wanogolar-e, an-nen yidnak yidnak kundugu kwarogolat woraigeb-o. Nde, an-nen kit kenmanggim tu misik kuwarak pigi iri-ge ap misiger-o luk-nen lerak purag-e meya-o.

NAM PARA WENE 4:5

Nagawan koreyak woraso ondoro iri na-nen-e o pinel yebek kasolat, o nggu pang yosolat, nde, nagawan koreyak woraso ondoro urugwe nggwe-ge tal tuju iri pago kagi-o. Nde, tal iri-ge Mbal Pem Nagawan indi tuju iri-net yili-o.

NAM PARA WENE 5:6

Iri yosola, an yik kaginggal-e, nagawan koreyak woraso ondoro iri na bem enggendumu-ge Lomba Wam Marik mendak kagi-o. Nde, mendak worala, untugup worak mende empat ereya na min enne kulugwi nap ereya na min-nen at iri na lop lop worak kagi-o. Nde, Lomba Wam Marik iri-ge abu wiridnak nggal irit kagi-o. Nde, at iri anggul ambo na tuju, erengen na tuju-nen yusu-o. Nde, anggul ambo tuju min erengen tuju min iri-ge Mbal Pem Nagawan indi tuju yi wi ndi wi oboksa wirik pidnak indi iri-net yusu-o.