NAM PARA WENE 22:4 - Nanduk Ngget Tul Pidnak Wene

⁴ Woragolar-e, at erare kagolat, it inmbiriwak pem-e Mbal Pem Nagawan unu mbarak wolma-o.

NAM PARA WENE 22:4 ပူးပေါင်းရင်းမြစ်များ

NDAWI ENGGA 42:2

An-e Mbal Pem Nagawan uruk nak woraso iri na nere-nen nindi eberek yusu yu-ge mepme-nen at ama mbirimindik, erembel wanimin-o?

YESAYA 33:17

It-nen yik kagolar-e, nagawan misik kek tak woralat, at-nen tenagidnak wi-ge o nggweyak nggok irit tena worala kagub-o.

YESAYA 35:2

O lid karu me nemena nggok yosolar-e, alen-nen kot kasolat ndawi yuwa-o. Abage konag-e ndobo Libanon nggal irit kwat ma-o. Abage-ge Karamel mbirik min Saron min nggal irit ma-o. Nde, ap ondomoktak-nen-e Nagawan Indo amawi min Nenmbal Pem Nagawan abinal min irit kagolat wolma-o.

YESAYA 40:5

Iri yosola-ge, Nagawan Indo abinal-e nam tak puwa-o. Iri yosola-ge, nggweyakma nap oboksa enlengen-nen kujwa-o. Ndemeret Nagawan Indo-net urul pusu-o” luk ene misik-nen yusu-o.

YESKIEL 33:23

Nagawan Indo-nen an yak norosolar-e: ”Nggweyakma nap, lak yoso wa-e. O tud yil lobok yosolat kugun ngguru yid sa Isarael wi ereba me worali nap-nen yogolar-e: ’Abarakam iri-ge ebe misiger-et nde, o nggweyak yu oboksa winde yamu-o. Alat nde, nit perak nenpe kwarat me, o yu-ge nit nonnggweyak-net yusu-o’ luk yili-o.

MATIUS 5:8

Nde, inndi marak kopkap lak worali nab-e it-nen Mbal Pem Nagawan kujwa me, enalen kali-o.

YOANES 12:26

An ndegel noboso nab-e an woraso sa an totno wolmokluk, an ndegel nuburak nab-e mondok an nimbirik nuwag-o. Nde, an ndegel nubuwa nab-e an Neid-nen kek tak ubuwa-o” luk yak indij-o.

YOANES 17:24

Neid wa-e. An lena wok nirigen nab-e an kek tak woraso na kujwakluk, an woramin sa it na iri me totno wolmomtak perasu-o. Nde, an-nen kek tak woraso iri-ge nggweyak yu awo ndak wirigit lak ma, kar-e an nabuwa kasolar-e, wok nirigen nar-o.

1 KORINTUS 13:12

Yawo kali yu-ge papalo arem-e isisiyap nak kaidnak nggal-et kali-o. Alat nde, abok-nen-e nenpe lid pid mbul-o. Yawo-ge an-e kwara naru yusu bug-et nde, abok-nen-e Mbal Pem Nagawan-nen an aru yusu nggal, an-nen na mondok kwara naru yimin-o.

IBERANI 12:14

Ap pidsa inmin kundik wolmomtak pem kenmawi konder-o. Nde, mbek tak worabokluk na kenmawi yer-o. Mbek tak woragwi buk nab-e ap misiget ter-o luk Nagawan Indo kujwa bug-o.

NAM PARA WENE 14:1

Iri luk, yik kaginggal-e, Lomba Wam Marik na-ge Sion ndobo bem mendak worala kagi-o. Nde, at imin-e at unu nde at Eid unu nde it inmbiriwak pem mbarak nab-e seratus empat pulu empat ribu (144,000) irit woraiga-o.

NAM PARA WENE 3:12

Amawi luk ombol nggwe yuwa nab-e an-nen-e an Nembal Pem Nagawan uwi ndum tak ibimin-o. Ubumu-ge, iri me-nen kona mburuwa bug-o. Nde, Nembal Pem Nagawan unu min Nembal Pem Nagawan uwi siri Yerusalem ngget Nembal Pem Nagawan eram aid arem-nen mbuma iri na unu min an nunu ngget min-e at ebem mbarimin-o.

NAM PARA WENE 7:3

Aid nap iri na-nen yosolar-e: ”Nit-nen-e Mbal Pem Nagawan ndegel ubugwi nap na yenggerak unpuwakluk, it inmbiriwak pem lop nok tak pugwi mende iri pigit lak ma-ge, kir-e nggweyak min yi koma min e min-e meya rak purak pug-o” luk yak indij-o.