NAM PARA WENE 22:2 - Nanduk Ngget Tul Pidnak Wene

² o siri iri na tula ombolwak enggendumu nggwe-t mbirij-o. Nde, yi iri eyak ponok ponog-e unlug-et wolmomtak e irit ya-o. E ereba na-ge olengen misiget arem-e engen perenak woralar-e, duabelas pem poso-o. Iri posolar-e, waneya irit wosa perenak woraso-o. Nde, e ereba na angga bem-nen-e ap enlem oboksa ki rak unpugwi-o.

NAM PARA WENE 22:2 ပူးပေါင်းရင်းမြစ်များ

NDAK WIRIDNAK WENE 2:9

Nde, iri na me-ge Nagawan Indo Mbal Pem Nagawan-nen-e e konak engen konak nak yoso nin tak nan tak iri-ge iri na me-nen wirik pij-o. Nde, e uwi kere uwi wirik pid ereba na enggendumu-ge unluk tak poso e uwi min meya min konak min elem mirik onposo e min ereya na-ge e kwarat ereba na enggendumu yak yij-o.

NGGOMO WENE 3:18

Inndi nggat nggat elem iri na puksa tena wolma nab-e ndemeret unluk enalen pem konak irit wolma-o.

YESAYA 6:10

Yosoluk yarik, an yak norosolar-e: ”Ap ereba-ge kagolat, kologolat, yebet kagolat yogolat, nden karuk tuguruk an neram lobok yogola, ki yuwa naru kat-nen-e ap ereba inndi-ge muruk tak posolat, eneyanggo na eneyanggoru lak tak posolat, enlengen ngguru rak posolat kwarurag-o” luk yak nirij-o.

OSEA 14:4

Asiut nap-nen-e ninmiri yurag-e meya-o. Wim pugwi kura wam-nen ninmiri yurag-e meya-o. Nit-nen-e nininggi-nen ndak wiridnak ereba na yak togolat: ’Kir-e nit nenmbal pem nagawan-nen yili-o’ yili ereba na-ge mondok tuguruk yul pug-o. Nagawan Indo wa-e. Kat-nen-e ta-nen inmiri yurak nggal inndi kabak woragwi nab-e enabuwa kaso-nen yusu-o” luk tepan yer-o.

MALEAKI 4:2

Alat nde, kit an-nen yidnak yidnak kwarugwi nap kenmanggim-e kinmiri yurak namawi-ge molengen yeberak pil wasolat nggal yimbirik konposolat, eyaya-nen-e ki rak kunpuwa-o. Iri yosola, kir-e sapi amarik ngget nderak o ma-nen mbepme nak posola, alen kaso ereba na nggal wisirik kenalen pem woragub-o.

LUKAS 4:18

”Nagawan Indo Indi-ge an nebem worasu-o. Aid wene-ge insilobulo lak nap yak unduwakluk, an len nibij-o. O kubu me woragwi nap wisirik unpurak wene yak unduwakluk, Enlengen ngguru woragwi enlengen kuwarak puwakluk, Ap-nen tebel inpidnak nap wisirik unpuwakluk,

1 PETERUS 2:24

Nir-e meya yugwi elem inggem-nen weserak woragolat, lud tak nak kwarogolat wolmakluk, Kerisut at-net nit meya yidnag-e at ondomok ebem puruk, e lang pang tak pem wat yij-o. At wiridnak sa ud iri-nen-e kit ki rak kinpij-o.

NAM PARA WENE 2:7

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, unluk nak wolmomtak e Mbal Pem Nagawan Eyapmu-nen mbiridnak engen iri na mak timin-o.”

NAM PARA WENE 21:21

Nde, tumende duabelas iri-ge mutiara duabelas-nen yusu-o. Nde, tumende ereya na-ge iritsa mutiara misiget misiget pem-nen konidnag-o. Nde, o siri iri na tu-ge emas kopkap lak papalo erare nggal abinal worak-nen konidnag-o.

NAM PARA WENE 21:24

O siri iri me eyaya bem-e nggweyak ma worali nap ap enlem oboksa nogolat, it nagawan nagawan-nen na it enarengge mende-ge o siri iri me nak waruk mburuwa-o.

NAM PARA WENE 22:1

Iri luk, aid nap iri na-net mirik nobosolar-e, unlug-et wolmomtak yi erengen miri papalo erare nggal igip kip worak irit mirik nibij-o. Nde, yi iri na urusu-ge Mbal Pem Nagawan min Lomba Wam Marik min-nen koreyak woragwi ondoro na arem-nen kenangga mborosolar-e,

NAM PARA WENE 22:14

It unsum masa ngget tak pili nab-e unluk wolmomtak e iri na engen nonggolat, o siri iri nggogolar-e, kerep pak tumende nggwe nggogolat yurag-e it nak-net yili me, enalen kujwag-o.

NAM PARA WENE 22:19

Nde, ap-nen nde kwat momtak urul pidnak wene engga yu arem mbarak pidnak yeba erep keya bosola-ge, engga yu arem mbarak worasu unluk nak wolmomtak e min O Siri Marak iri min at wok turak yidnak arengge ereb-e Mbal Pem Nagawan-nen wok tuwa bug-o.