NAM PARA WENE 2:7 - Nanduk Ngget Tul Pidnak Wene

⁷ Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, unluk nak wolmomtak e Mbal Pem Nagawan Eyapmu-nen mbiridnak engen iri na mak timin-o.”

NAM PARA WENE 2:7 ပူးပေါင်းရင်းမြစ်များ

NDAK WIRIDNAK WENE 2:9

Nde, iri na me-ge Nagawan Indo Mbal Pem Nagawan-nen-e e konak engen konak nak yoso nin tak nan tak iri-ge iri na me-nen wirik pij-o. Nde, e uwi kere uwi wirik pid ereba na enggendumu-ge unluk tak poso e uwi min meya min konak min elem mirik onposo e min ereya na-ge e kwarat ereba na enggendumu yak yij-o.

NGGOMO WENE 13:12

It-nen wanurak inndi mbung mbung tak woragwi iri na nde ya lak nda lak yaruruk lasola-ge, inndi abi kalok yoso-o. Alat nde, it inndi-nen pidnak iri na nde ndak yosola-ge, enalen yugwi-o.

NGGOMO WENE 15:4

Wene konak wirik pugwi iri-nen-e ebem lud enalen tak poso-o. Inndi kalak purak wene wirik pugwi iri-nen-e enmawi lak tak poso-o.

NGGOMO WENE 3:18

Inndi nggat nggat elem iri na puksa tena wolma nab-e ndemeret unluk enalen pem konak irit wolma-o.

MATIUS 11:15

Ta-nen nde eyanggo worak ala-ge, wene yu kuluwag-o.

MATIUS 13:43

Iri na tarem-e it lud tak nak kwarugwi nab-e it Ineid-nen tenagaidnak wi iri me woragolar-e, molengen nggal enabinal worak wolma-o. Iri bem-e, ta-nen nde eyanggo worak ala-ge, wene yu kwara kuluwag-o.”

MATIUS 13:9

Ta-nen nde eyanggo worak ala-ge, wene yu kuluwag-o!” luk yij-o.

MARAKUS 4:9

Iri luk, Yesus-nen it yak ondosolar-e: ”Ta-nen nde eyanggo worak alage, wene yu kuluwag-o” luk yij-o.

MARAKUS 7:15

Mbepme nggwe-nen ap enarem nggoso iri-nen-e ap meya rak onposo bug-o. Are, ap enarem-nen mboroso iri-net ap meya rak onposo-o.

MARAKUS 7:16

Iri bem-e, keneyanggo worak ala-ge, kwara koler-o” luk yak indij-o.

LUKAS 23:43

Yak tosoloma-ge, Yesus-nen at yak tosolar-e: ”Ndemeret yak kereyeg-o. Ap wat luk ndok wiril mburugwi sa iri me-ge yawo-net totno wulmul-o” luk yak tij-o.

LUKAS 8:8

Nde, uwi ereb-e nggweyak konak pem mbamu, mborosolar-e, engen-e seratus nggal irit pij-o” luk yij-o. Yurug-e, Yesus-nen yosolar-e: ”Ta-nen nde eyanggo worak ala-ge, wene yu kuluwag-o!” luk yij-o.

YOANES 16:33

An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

1 KORINTUS 2:10

Alat nde, Mbal Pem Nagawan-nen-e kura bidnak wene na-ge Konak Indi bem-nen mirik ninpij-o. Nde, Konak Indi iri-ge yi mende ndi mende pidsa mbenaroso me, Mbal Pem Nagawan arem-nen yebet kaso mende na irit mbenarusu-o.

2 KORINTUS 12:4

At iri na-ge o Pirandaus ibil lasola, iri me-nen kulidnggal-e, ki nap enmende nggwe-nen yugwi buk wene, wene yurak puk irit kulij-o.

1 YOANES 2:13

Neidtak wa-e. Tel kuridnak kuri-net woraso Wene na kenaru yigep pem engga yu mbal kundusu-o. Kit ap sugwe wa-e. Kir-e Meya Kwaroso Nap na urugwe nggwe rak pigep pem engga yu mbal kundusu-o.

NAM PARA WENE 13:9

Iri bem-e ta-nen nde eyanggo worak ala-ge, wene yu kuluwag-o!

NAM PARA WENE 14:13

Iri luk, an kuliginggal-e, aid arem-nen ene misik-nen yosolar-e: ”Wene yu engga bem mbari-o. Yawo kuri-net Nagawan Indo eyabu wanukmu wat yuwa nab-e enalen kujwag-o!” luk yij-o. Nde, Konak Indi-nen yosolar-e: ”Ndemerer-o. It-nen yabu wanidnak ebe-ge pempa it inmin wolma me, it eneyabu anggun panggun wanugwi na keya buruk, enpabok kwaruwa-o” luk yij-o.

NAM PARA WENE 15:2

Iri luk, yik kaginggal-e, yi koma papalo erare nggal, kanduk min nat karuk irit kagi-o. Nde, tuguruk yik kaginggal-e, ndakngge isilepma worak iri na min at abage nggal ndak worak iri na min at unu-ge yenggerak purak pem nomor pidnak nap iri na min urugwe nggwe rak unpuruk ombol nggwe yidnak nap eneyaigi-o. Nde, ombol nggwe yidnak nap iri na-ge yi koma erare papalo nggal iri na eyak pem mendak-nen Mbal Pem Nagawan-nen wok indidnak kecapi poba tena woragola, eneyaigi-o.

NAM PARA WENE 2:11

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, mberen pem tak posolat wat momtak elem iri-nen-e andi bandi rak unpuwa bug-o.”

NAM PARA WENE 2:17

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, an-nen-e kura woraidnak no mende mburu (manna) na mak timin-o. Iri luk, kerep loro misik wok indimin-o. Nde, kerep loro iri na bem-e unu ngget yarak mbarag-o. Nde, unu iri-ge ap nin-nen enaru buk, wanuwa nap enarik nak-nen enaru ma-o.”

NAM PARA WENE 21:7

Amawi luk, ombol nggwe yuwa nab-e yeba oboksa winde ma-o. Nde, an-e it Enmbal Pem Nagawan kwat yosolat, ir-e an nilirak kwat ma-o.

NAM PARA WENE 22:14

It unsum masa ngget tak pili nab-e unluk wolmomtak e iri na engen nonggolat, o siri iri nggogolar-e, kerep pak tumende nggwe nggogolat yurag-e it nak-net yili me, enalen kujwag-o.

NAM PARA WENE 22:17

Konak Indi min Un Wanurak Kwe na min-nen yogolar-e: ”Lobok yer-o!” luk yili-o. Wene yeba kulili nap oboksa-nen na mondok yogolar-e: ”Lobok yer-o!” luk yuwag-o. Ta-nen yi nere kasu nab-e lobok yuwag-o. Ta-nen yi norak ukwe perasu nab-e unlug-et wolmomtak yi iri-ge onggo pigit lak, we irit wanuwag-o.

NAM PARA WENE 22:2

o siri iri na tula ombolwak enggendumu nggwe-t mbirij-o. Nde, yi iri eyak ponok ponog-e unlug-et wolmomtak e irit ya-o. E ereba na-ge olengen misiget arem-e engen perenak woralar-e, duabelas pem poso-o. Iri posolar-e, waneya irit wosa perenak woraso-o. Nde, e ereba na angga bem-nen-e ap enlem oboksa ki rak unpugwi-o.