NAM PARA WENE 2:3 - Nanduk Ngget Tul Pidnak Wene

³ Kir-e an nunu bem ala andi bandi kagolar-et nde, mamak puruk woragolat, kinndi tugup lak, uwi yak worali-o.

NAM PARA WENE 2:3 ပူးပေါင်းရင်းမြစ်များ

NDAWI ENGGA 37:7

Kir-e kinndi yamuk tak pem-et Nagawan Indo yik karok wolmer-o. Mamak puruk irit towarak worakmu, at-nen kwaruwag-o. It-nen kwarugwi bem ebe worak nak kwarogolat, enmberam lagolat kwarogola-ge, ”O” luk, kinndi kabak yurak pug-o.

NDAWI ENGGA 69:7

Kat kebem-nen ndowaga an-e pesel nobogolat, ninggiri-nen tud tak nak nusu-o.

MIKA 7:9

Nir-e Nagawan Indo imin meya kwarige bem at-nen idnak isilepma-ge mondok nenpem-et mbuwag-o. Alat nde, ar-e yanem-et nit nenambigit yosolat, mot mot kwarugwi elem wok nondosolat, at-nen lesa wok nunpuruk, yaya bem ninpil mburuwa-o. Nit nondomok-nen na at-net ninmiri yosola, kul-o.

MARAKUS 15:21

Aleksandet min Urupus in ineid o Kirene nap Simon iri na-ge ama nggwe-nen o siri nggok nggwe mborosoma-ge, ”Yesus wosa burak e lang pang tak yu kud ti-o” luk lembesa yak tiga-o.

LUKAS 14:27

At-nen idnak e lang pang tak pidnak iri pijanuruk, at nimbirik nuwa buk nab-e an nimbirik noso nap momtag-e meya-o.

LUKAS 18:1

At owosirak-nen inndi tugup lak woragolat, kundugu kundugu tepan yogolat wolmakluk, Yesus-nen mul ondosolar-e, nden karuk wene yu yak indij-o.

LUKAS 21:19

Kit-nen nde tugup lak mamak puruk woragup pem-e kinmiri yaga wanugub-o” luk yij-o.

LUKAS 5:5

Yak tosoloma-ge, Simon-nen yosolar-e: ”Mul Nondoso Nap wa-e. Nir-e yawo kubu kore yik tenak o nenpem nda yij-et nde, misiget ter-o luk wanigit lag-et nde, kat-nen: ’Tugurug-et mberak pi-o’ luk yak norosola me, mberak pimin-o” luk yij-o.

LUKAS 8:15

Nde, uwi nggweyak konak pem mbid iri na nggal-e, ap-nen aid wene na kulurug-e, inndi konak mot mot iri na bem-et puksa enarem tak puruk, inndi mamak puruk woragolat-nen ebe rak pili iri nggal-nen yusu-o” luk yij-o.

YOANES 15:21

Alat nde, it-nen-e an wirik nibil lobok yidnak nap na enaru buk me, kir-e an nunu bem waring kagwi ala, yi kwat kinpilik ndi kwat kinpilik ma-o.

OROMA 12:12

Kenalin kenalen pem-et kinndi-ge at ebem mbung mbung tak wolmer-o. Anggun panggun kenpem mbosola-t nde, kinndi luruk puruk, tepan nak kundugu yogolat wolmer-o.

OROMA 16:12

Enmawi min Nagawan Indo ndegel ubugwi kwami Teripena min Teriposa min inmin-e ”Wa yak kindij-o” luk yak undurag-o. An nindi kundik kwe Peresis-nen-e Nagawan Indo eyabu kwarat wanoso kwe iri na imin-e ”Wa yak kirij-o” luk yak turag-o.

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

OROMA 8:25

Alat nde, nenlengen-nen kagit lak mende bem ninndi mbung mbung tak woragolar-e, ninndi luruk puruk, yik karok woragwi-o.

1 KORINTUS 13:7

Ap enabuwa kagwi-ge yi kwat ibidnak ndi kwat ibidnak pem indisem nak woraso-o. Yi mende ndi mende oboksa bem indi angin tubu yosolat, yi mende ndi mende oboksa ebem indi mbung mbung tak worasolat, yi mende ndi mende oboksa bem indi luruk puruk worasolat yoso-o.

1 KORINTUS 16:16

Iri nggal kwarugwi nap min it totno yabu wanogolat, ap ndegel onpogolat yugwi nap min-e kit-nen na it-nen yidnak yidnak kwarogolat wolmer-o luk an-e kenmengen mbarusu-o.

2 KORINTUS 10:15

Nit, neneyabu kuri pidnak sa ombol nggwe nin nap-nen wanili yabu iri bem nit ninndi kek tak pili bug-o. Are, nit-nen peragolar-e, kit kinndi angin tubu yidnak kwarat yosola-ge, kit kenpem ala nir-e kek tak nunpuwa-o luk perali-o. Nde iri-ge neneyabu kuri mbal nindidnak iri na me-t wanul-o.

2 KORINTUS 11:23

Ir-e Kerisut ndegel ubugwi nap-nen yili-a? Ap indi wawa-nen yugwi nggal yimin-et nde, it na ndegel ubugwi-t nde, an-e terak menna ndegel oboso-o. It yabu-ge mariget waniga-t nde, an perak nde yabu kwarat wanigi-o. Ir-e siyag-et linggamburok undugwi-t nde, an perak kwarat pem linggamburok nurugwi-o. Ir-e misik tarem nggal-et o kubu me inpil nggugwi-t nde, an-e kwarat pem o kubu me nibil nggugwi-o. An-e kwarat pem wat yugwi tu nggambut mu wok yukmu-o.

2 KORINTUS 4:1

Ap unpud kaso elem pem Mbal Pem Nagawan-nen-e yabu yu-ge nit nen-pem pamu me, nit ninndi nggwirik yusu bug-o.

2 KORINTUS 4:16

Iri bem-e nit ninndi lele yili bug-o. Nit nenaboro yu-ge piri yusu-t nde, nit ninndi yu-ge pelin na pelin na ngget tak nak pusu-o.

2 KORINTUS 5:9

Iri bem-e, nit nenpe imin woragolat-nen na irit, nenpe keya buruk-nen na irit, at alen tak ubuwokluk nenmawi kwindili-o.

2 KORINTUS 6:5

Linggamburok nondogola, o kubu me ninpil nggogolat, ap kwarat-nen nenpem mbud yogolat yiga-o. Nenpabok lak yosolat, nene yigit lak, nunluk nak woragolat, nere kagolat yige-o.

NGGALATIA 6:2

Nin nap enpem angin worak mende mbidnak ala-ge, yongga yongga kud togolar-e, Kerisut-nen ”Iri nggal kwaru-o” yidnak wene iri-ge ndak tak pugub-o.

NGGALATIA 6:9

Iri bem-e, nir-e konak nak kwarurak na-ge perari yurak pug-o. Nir-e nenperari lag-et kwarogolat wulmulndig-e, mbarurak tarem wok yosola-ge, engen na mbarul-er-o.

PILIPI 2:16

unlug-et wolmomtak wene iri-ge it yak ondogolat woragub-o. Kit nde iri nggal kwarugup pem-e, an-nen pong kasolat woragi min anggun panggun kasolat woragi min-e ebe lak mende yigit lak, are, Kerisut-nen idnak Tarem-nen kit kenpem-e an nalen kamin-o.

PILIPI 4:3

Nde, an tot-no yabu wanosolat, mot mot nak yabu wanoso nanggam Sunsugos wa-e. Kwami mberen iri min Kelemens min an totno yabu wanugwi nap erep na min-e an nimin totno aid wene wigarogolar-e, enmawi kundidnak me, kwami mberen iri-ge kat-nen yongga indi-o luk kemengen mbarusu-o. It iri unnu-ge unlug-et wolmomtak engga bem mbarak worasu-o.

KOLOSE 1:11

Enpem mboso mende oboksa kenpem mbosola-ge, kinndi luruk puruk woragolat, kenalen min-et woraboklug-e, at amawi kwarat iri-nen kenmawi rak posola-ge, kit kenmawi yugub-o.

1 TESALONIKA 1:3

Nineid Mbal Pem Nagawan imbiri bem nit-nen yebet keneyagolar-e, kit kinndi angin tubu yidnak pem-nen kwarogolat woragwi nde, ap enabuwa kagolat-nen yabu kenmawi min-et wanugwi nde, Nenagawan Indo Yesus Kerisut ebem kinndi mbung mbung tak pigeb-e mondok tugup lak worali nde, iri mende yebet yebet tak worali-o.

1 TESALONIKA 2:9

Nennggamirak wa-e. Nir-e nondomok neneyabu wanogolat siri mbige iri-ge kir-e yebet yebet tak worali-o. Nir-e Mbal Pem Nagawan-nen idnak aid wene yak kondogolat woragolar-e, angin tak kunpul naru, lengge-nen kubu-nen neneyabu wanogolat woraige nar-o.

1 TESALONIKA 5:12

Nennggamirak wa-e. Kit kennggendumu yabu wanili nap, Nagawan Indo-nen tu mirik konpogolat, nggomo kondogolat makluk len inpidnak nap iri-ge kit-nen-e kwara kek tak enper-o luk nir-e kiri keresa kenmengen mbatli-o.

2 TESALONIKA 3:13

Alat nde, nennggamirak wa-e. Kir-e konak nak kwarogolat - wolmomtak iri-ge kenperari yurak pug-o.

2 TESALONIKA 3:5

Nagawan Indo-nen kit kinndi ndemel konposolar-e, Mbal Pem Nagawan abuwa kagolat, Kerisut-nen mamak poso nggal mamak pugwi nap tak kunpuwag-o.

2 TESALONIKA 3:8

Nir-e ap unmburu ndek tak siyag-et ter-o luk we ninggit lag-o. Are, kit kennggendumu ap misiger-o luk tet anggun panggun tak kunpul naru, nit nondomok-net kubu-nen lengge-nen yabu wanogolar-e, siri mbara wanogolat ninligak mboroso-o.

1 TIMOTIUS 4:10

Nde, uruk nak woraso Mbal Pem Nagawan na ebem ninndi kwara mbung mbung tak worali me, nir-e nenmawi kondogolat, yabu kwarat wanili-o. Nde, Mbal Pem Nagawan iri-ge ap oboksa Inmiri Yoso Nab-et nde, nggog-e inndi angin tubu yidnak nap Inmiri Yoso-nen yusu-o.

1 TIMOTIUS 5:17

It ogore yidnak nab-e yabu konak nak wanogolat-nen: ”Iri nggal, yu nggal kwarurag-o” yugwi nap ala-ge, mondok kwara mberen pem tak pidnak nggal-et unnu kek tak purag-o. Nde, nggok lombog-e it aid wene yogolat, ap mul ondogolat inligak mbusu irit kwat unpurag-o.

IBERANI 10:36

Mbal Pem Nagawan indi-n pidnak kwarobok-nen kir-e mondok mamak puruk wolmer-o. Nde, iri kwarugup pem-e Mbal Pem Nagawan-nen urul pidnak mende na-ge wanugub-o.

IBERANI 12:1

Iri bem-e yik neneyarok worali nab-e mondok kwarat kambuk kambuk tak nunpuruk worali me, angin tak nunpurak mende oboksa keya buruk, puk tak nunpurak meya yogolat woragwi mende na keya buruk, nir-e kondok yil mburugwi sa iri me pong kil mborogolar-e, pong tenak nak wolmog-o.

IBERANI 13:13

Iri bem-e nit-nen na at eram o iri leget amberam nggwe mburuwog-o. Mbutlug-e, at imin nggweyel ninpidnak nap kwat mog-o.

IBERANI 6:10

Nde, Mbal Pem Nagawan-e mborok tak kwaroso-ge lag-o. At-nen-e kit-nen wanigep yabu iri meme rak posolat, kit-nen at abuwa kagolar-e, mbek tak inpidnak nap kwara yongga indigep min yawo na yongga indili min ar-e meme rak puwa bug-o.

IBERANI 6:12

Nde, kir-e kenperari yurak iri-ge ninsili-o. Are, it inndi angin tubu luk, Mbal Pem Nagawan-nen urul pidnak na wanul-er-o luk mamak puruk towarak worali nap iri nggal woragup iri-ge nindingen-o.

IBERANI 6:15

Nde, Abaram na-ge indi luruk puruk towarak woragaid pem-e Mbal Pem Nagawan-nen urul paga yak tidnak na-ge mondok wanid nar-o.

2 PETERUS 1:6

Nde, enaru yugwi mende min lombok tak pogolar-e, kondomok-nen kinndi tena woragwi na lambuksa waner-o. Nde, kondomok-nen kinndi tena woragwi na min lombok tak pogolar-e, kinndi tugup lak woragwi na lambuksa waner-o. Nde, kinndi tugup lak woragwi na min lombok tak pogolar-e, Mbal Pem Nagawan-nen kwaroso nggal kwarugwi irit lambuksa waner-o.

NAM PARA WENE 1:9

Kennggam Yoanes an-e Yesus imin nugwi nap enpem mboso mende anggun panggun na nenpem mbosola-t nde, nit at ilirak-nen-e mamak puruk worali-o. Mbal Pem Nagawan-nen yidnak wene Yesus-nen yak niridnak iri na ap kenggel ondoso bem yi terapmu o unu-ge Patmos iri me mbo nibiga-o.

NAM PARA WENE 3:10

Kir-e an-nen: ’Mamak puruk wolmer-o’ yak kindigi wene na ndak ndag-et mamak puruk woraigepndik me, nggweyak ma nap oboksa inndi ngareyekluk, nggweyak ma nap oboksa enpem anggun panggun mende mbuma tarem-e an-nen-e kinmiri yimin-o.