NAM PARA WENE 17:2 - Nanduk Ngget Tul Pidnak Wene

² Nggweyak ma nagawan nagawan-nen kwe iri na imin mbabi yogolar-e, nggweyak ma woragwi nab-e at imin mbabi yugwi anggut engen amburu inmbitsa nonggolar-e, inndi wawa yugwi-o” luk yij-o.

NAM PARA WENE 17:2 ပူးပေါင်းရင်းမြစ်များ

YOANES 2:10

yak tosolar-e: ”Ap pidsa-nen-e anggut engen amburu undu konak mende-ge nandug-et tembesa mak unduruk, inmbitsa nuruk woragola-nen we meya nggal-e abok nggwe-nen tumburugwi-o. Alat nde, anggut engen amburu undu konak yu-ge kar-e parugu woraigendik, yanem-et mak nundusu-o!” luk yak tij-o.

NAM PARA WENE 14:8

Yosoloma-ge, aid nap na imbirik aid nap misik (yang kedua) wok yosolat-nen yosolar-e: ”Tud yij-o! O siri nggulok Mbabel iri na tud yij-o! At iri-nen ap enlem oboksa mak ondosolar-e, at-nen ukwe ukwe yoso mbabi yugwi mende anggut engen amburu iri bem-nen ap oboksa inndi nden yaga keya unpusu-o!” luk yij-o.

NAM PARA WENE 17:13

Nde, it ap nagawan sepulu iri oboksa inndi misiget nak me, it enmawi min it-nen o tena woragwi min ndakngge isilepma worak iri na inggem puwa-o.

NAM PARA WENE 17:17

Iri kwaruwa iri-ge Mbal Pem Nagawan-nen at indi-n pidnak na ndak tak puwakluk, it inndi arem yabu wanosola, it inndi mondok misiget luk it-nen o tena woragwi amawi na-ge ndakngge isilepma worak na inggem piga iri-ge Mbal Pem Nagawan-nen yid na oboksa ndak tak puwakluk-nen kwariga-o.

NAM PARA WENE 17:5

Nde, kwe na imbiriwak pem-e unu kura misik mbarak woragaij-o. Nde, unu kura iri-ge: ”Mbabel nggulok, terak ye unpugwi kwami oboksa min nggweyak ma yu me-nen mbilaro ngin mende kwarugwi min iniya-o” luk mbarag-o.

NAM PARA WENE 17:8

Ndakngge isilepma worak kaigen iri-ge, nandug-e uruk woragaij-et nde, yawo-ge uruk worasu bug-o. At iri-ge yanem were mbun arem-nen lumarig-e, at lak tak uburak sa mburuwa-o. Nde, nggweyak ma worali nap, o nggweyak yu ndak worak pigit lak ma-net unluk wolmomtak engga arem unnu mbarigit lak nap oboksa-nen-e ndakngge isilepma worak iri karug-e, wi yuwa iri-ge ndakngge isilepma worak iri-ge nanduk uruk woragaij-et nde, yawo-ge uruk worasu bug-o. Nde, tuguruk nam ma iri bem-nen wi yuwa-o.

NAM PARA WENE 18:23

O siri iri me-nen-e tal yaya na kujwa bug-o. Nde, kwe wok kerak mbugwi tarem sakolat inni enne na o iri me-nen-e kuluwa bug-o. O iri me woragwi toko winde-ge nggweyak ma yu-nen mondok anggu obok worak woraiga-o. Nde, o iri me woragwi kwal ombo-nen-e nggweyak ma nap enlem pidsa onmbol pem laiga-o” luk yij-o.

NAM PARA WENE 18:3

Ap enlem oboksa-nen-e ukwe ukwe luk mbabi kwarugwi anggut engen amburu nonggolat, nggweyak ma nagawan nagawan-nen-e kwe na imin mbabi kwariga-o. Nde, nggweyak ma yu me toko winde woragwi-nen-e ukwe ukwe enarem kobong yosolar-e, iri-nen ndowaga insilobulo kwarat ligik piga-o” luk yij-o.

NAM PARA WENE 18:9

Kwe na imin mbabi yogolat, at-nen ukwe ukwe kwaroso imin kwarugwi nggweyak ma nagawan nagawan-nen-e at kan pidnak kule lasola karug-e, o siri iri abuwa-nen yip togolat, tabun puruk wolma-o.

NAM PARA WENE 2:22

kenaru wolmer-o. Kwe iri-ge an-nen lel kamu, nene yoso sa iri me kugi worak wolma-o. Nde, it at imin mbabi yugwi nap na at imin totno iri me mondok andi bandi kujwa-o. It-nen nde mbabi kwarugwi iri keya buruk, kondok yigit lak yogola-ge, yanem-et lel eneyamin-o.

NAM PARA WENE 3:10

Kir-e an-nen: ’Mamak puruk wolmer-o’ yak kindigi wene na ndak ndag-et mamak puruk woraigepndik me, nggweyak ma nap oboksa inndi ngareyekluk, nggweyak ma nap oboksa enpem anggun panggun mende mbuma tarem-e an-nen-e kinmiri yimin-o.

NAM PARA WENE 9:21

Nde, ap ereba na-ge ap undugwi min kwal kwarugwi min mbabi yugwi min yariya wanugwi min iri-ge keya buruk, kondok yigit lak yiga-o.