NAM PARA WENE 15:3 - Nanduk Ngget Tul Pidnak Wene

³ It-nen ndawi yogolar-e, Mbal Pem Nagawan ndegel oboso nap Musa min Lomba Wam Marik na min endawi yogolar-e, yu nggal yiga-o: ”Amawi Mondok Kwarat worak Nagawan Indo Mbal Pem Nagawan wa-e. Kat-nen kwaroso-ge nggulok, kwiye worak-net yusu-o. Ap enlem oboksa ennggendumu Nagawan wa-e. Kat-nen kwaroso-ge ndemeret mot mot nak kwaroso-o.

NAM PARA WENE 15:3 ပူးပေါင်းရင်းမြစ်များ

NDAK WIRIDNAK WENE 17:1

Nde, Abaram na woralar-e, olengen sembilan pulu sembilan (99) pem worasoma-ge, Nagawan Indo at imbiri bem nam yosolat-nen yak tosolar-e: ”An-e Mondok Namawi worak Mbal Pem Nagawan-nen yusu-o. Kar-e an-nen yidnak yidnak nak kwarosolat, pempa an nindi-nen pidnak nak kwarosolat wolmin-o.

NEMIA 9:14

Kat-nen-e kababok kwarigen tarem lenak pigen iri na mondok nggok tak puwakluk wok indigen-o. Musa ebem-nen kat-nen idnak imiri mbarak pidnak wene-ge wok indigenma-o.

AYUP 5:9

Mbal Pem Nagawan-nen kwaroso iri-ge mondok kwiye worak mende me, nit-nen iri nggal-o luk nenaru yurag-e meya-o. At-nen kwiye worak kwaroso iri-ge wonarurag-e meya, lak yoso buk nen yusu-o.

NDAWI ENGGA 100:5

Nagawan Indo iri-ge konak-nen yusu-o. At-nen unpud kaso elem-e pem irit unpud kasolat, at-nen mot mot tugup lak woraso elem-e pem irit woraso-o.

NDAWI ENGGA 105:5

Nagawan Indo ndegel oboso nap Abarakam-nen wigarak wa-e. At-nen lenak pidnak nap Yakup-nen wigarak wa-e. At-nen kwiye worak mende kwarid mirid ereba na-ge kinndi yebet yebet tak wolmer-o. At-nen wat tak pidnak wene-ge meme rak purak pug-o.

NDAWI ENGGA 111:2

Nagawan Indo-nen kwaroso iri-ge ndemeret wi yurak mende-nen yusu-o. At-nen kwiye worak kwaroso ereba na indingen kali nap-nen-e iri na lumbunurag-e ndak-net yusu-o.

NDAWI ENGGA 111:7

Nagawan Indo iri-ge at-nen kwaroso-ge tugup lak mot mot nak kwaroso-nen yusu-o. At-nen ”Iri nggal kwarurag-o” yidnak wene-ge ap-nen ebem inndi wat tak puruk woragwi-nen yusu-o.

NDAWI ENGGA 139:14

Kat-nen an-e mondok kwiye worag-et kwat nibigen pem kat nak kerembel wanusu-o. Kat-nen kwaroso-ge mondok kwiye worak wi yurak irit kwaroso-nen yusu-o. An-e mondok ndemerer-o luk perasu-o.

NDAWI ENGGA 145:17

Nagawan Indo-nen kwaroso mende oboksa bem-e mot mot nak kwarosolat, at-nen kwaroso mende oboksa bem na enabuwa bem-et kwaroso-o.

NDAWI ENGGA 145:6

It-nen-e kat kamawi bem-nen kagwi buk mende kwaroso wene-ge wigarogolat wolma-o. Kat-nen kek tak woraso wene-ge an-nen naru karu rak posolat woramin-o.

YESAYA 33:22

It-nen idnak yi koma ereba arem yi mende ndi mende lid lud tak pidnak ereba na-ge ebe lak mende nde kwat ma-o. Kona mburuwakluk o wija-nen wat kaso sum ereba na-ge wesera wigak tak purag-e meya ma-o! San ombo ap kere kwarat ereba na enarengge mondok kwarat nit-nen ndena wanogolar-e, ap onowak wat, yidnak woragwi tet ininggem ma-o. Iri tarem-e Nagawan Indo ar-et nennggendumu nagawan kwat yosolar-e, at-nen tena nonposolat, ninmiri yosolat ma-o.

YESAYA 45:21

Kit-nen konowene nam-et nak yak nerer-o. Ndemerer-o luk yurak wene-ge para nam-et nak yer-o. It ereba-ge lambuksa wene mbaruwag-o. Ta-nen nanduk-net wene iri-ge wigarosolat, kenaru rak posolat kwaramu-o? Nagawan Indo an-net kwarukmu-o. Kugwiwak Mbal Pem Nagawan an nggal misik mbi worasu-ge lag-o. An-e mot mot kwarosolat, inmiri yosolat Mbal Pem Nagawan-nen yusu-o. An nggal nin mbi worasu bug-o.

NDANIEL 6:20

O kil posola, Nagawan Ndarius na-ge men luk, ndag-et nak mberarik, mbun iri na me wok yil mbirij-o.

NDANIEL 9:11

Nde, Isarael nap oboksa-nen kat-nen ’Iri nggal kwarogolat wolmomtag-o’ yidnak wene-ge kwid togolat, kat kene kulurak insili yugwi-o. Iri nggal kwarogolar-e, nir-e kat kimin meya kwarugwi-o. Iri kwarugwi iri bem-e imbiri lamut tak unpurak wene kat ndegel koboso nap Musa-nen mbaridnak engga arem mbarak worasu iri na-ge nit nenpem nde pusu-o.

OSEA 14:9

Nde, Isarael nap-nen-e unkugwiwak ndak wosa pidnak mende ereba na-ge abu mbo buwa-o. An-nen-e it ndegel onposolat, it-nen tepan yuwa-ge an-nen-e enne kulimin-o. E angga pempa miri ludtak woraso nggal, an-nen nindipma rak onposolat woramin-o. An-e it inmbiringgat tak poso elem-net yusu-o. Nagawan Indo an-net yusu-o” luk yij-o.

MIKA 7:20

Nanduk kwat nunpurak urul nonmborak yak indigen iri na ndak ndag-et kat-nen tugup lak kwat onposo min kat-nen kundugu enabuwa kaso min iri na-ge kat kilirak Abarakam min Yakup min-nen wigarak irit mirik nunpugun-o.

SAKARIA 9:9

Sion woragwi nap wa-e. Kenalin kenalen mber-o! Yerusalem woragwi nap wa-e. Kenalen-nen kinni kenne mber-o! Yik ker-o! Kit-nen idnak nagawan-e ombol nggwe luk lobok yusu-o! At iri-ge mot mot nak kwaroso nagawan inmiri yoso elem waruk lobok yusu-o. Alat nde, ar-e indi teberak pem-et wok yosolar-e, kelerai awo mendaso mbi ebem koreluk lobok yusu-o.

YOANES 1:17

Nagawan Indo-nen ”Iri nggal kwarurag-o” luk yidnak wene-ge Musa-nen yak nindij-et nde, we wok ondoso elem min ndemeret wene elem min-e Yesus Kerisut ebem-nen nam tak pij-o.

TUGURUK YIDNAK WENE 31:30

Nde, Isarael nap oboksa kolak woragola-ge, Musa-nen-e ndawi yu mondok woroksa yij-o.

TUGURUK YIDNAK WENE 32:3

An-e Nagawan Indo unu kek tak pimin-o. Mbal Pem Nagawan kek tak anggu worak woraso obog-e wigarer-o.

TUGURUK YIDNAK WENE 34:5

Iri lug-e, Nagawan Indo-nen awo ma-nen yid iri na ndak ndag-et Nagawan Indo ndegel oboso nap Musa na-ge Moap iri me-t wat yij-o.

1 TIMOTIUS 1:17

Woralik nalik yoso Nagawan, lak yoso buk Nagawan, ap-nen kagwi buk, misig-et nak woraso Mbal Pem Nagawan iri nak erembel wanogolat, unu kek tak pogolat pem-et woralik nalik mag-o. Amen.

IBERANI 3:5

Nde, Musa na-ge Mbal Pem Nagawan ilirak oboksa ndegel onposolar-e, mot mot nak ndegel onposolat nap irit woralar-e, Mbal Pem Nagawan-nen abok-nen nam tak purak wene na para yak ondosolat woragaij-o.

NAM PARA WENE 1:8

Nanduk na woraso, yawo na worasu, abok na wolma nap, Mondok Amawi worak Nagawan Indo Mbal Pem Nagawan-nen yosolar-e: ”An-e Tel Koroso min Woroksiyem min-nen yusu-o” luk yij-o.

NAM PARA WENE 11:17

yogolar-e: ”Amawi Mondok Kwarat worak Nagawan Indo Mbal Pem Nagawan wa-e. Kar-e nanduk na woraigen, yawo na worasur-o! Kat kamawi nggulok iri na bem o nggweyak tena bigen pem-e wiwa-o yak kitli-o!

NAM PARA WENE 14:3

Nde, it-nen ndawi ngget misik yogolar-e, nagawan koreyak woraso ondoro bem koreyak worasu na min untugup worak mende empat ereya na min enne kulugwi nap min inmbiri bem ndawi iri-ge yiga-o. Nde, nggweyak ma yu me-nen onnggo bidnak nap seratus empat pulu empat ribu (144,000) iri nak-nen ndawi iri enaru-o.

NAM PARA WENE 14:8

Yosoloma-ge, aid nap na imbirik aid nap misik (yang kedua) wok yosolat-nen yosolar-e: ”Tud yij-o! O siri nggulok Mbabel iri na tud yij-o! At iri-nen ap enlem oboksa mak ondosolar-e, at-nen ukwe ukwe yoso mbabi yugwi mende anggut engen amburu iri bem-nen ap oboksa inndi nden yaga keya unpusu-o!” luk yij-o.

NAM PARA WENE 17:14

It iri-nen-e Lomba Wam Marik iri na min wim puwa-o. Alat nde, Lomba Wam Marik min at-nen wene mbo unpuruk, len enpaga at imin nugwi nap at-nen yidnak yidnak kwarugwi nap inmin-nen-e nagawan nagawan ereba na-ge urugwe nggwe rak unpuwa-o. Nde, iri yuwa iri-ge Lomba Wam Marik iri-ge ap yok nggok onmbol pem Nagawan Indo, nggweyak ma nagawan oboksa onmbol pem Nagawan me, urugwe nggwe rak unpuwa-o” luk yij-o.

NAM PARA WENE 19:16

Nde, at usum pem min at awak pem min-e at unu-ge ”Nggweyak ma nagawan oboksa onmbol pem Nagawan-o. Ap nggok oboksa onmbol pem Nagawan Indo-nen yusu-o” luk mbarag-o.

NAM PARA WENE 19:2

At-nen enpem wene mbaroso-ge mot mot lud tak nak irit mbaroso me, terak yebugwi kwe nggulok iri-ge at-nen mbabi kwaroso iri na bem nggweyak ma yu me nari wari rak poso kwe iri-ge Mbal Pem Nagawan-nen-e ebem angin worak mberak pij-o. Kwe iri-nen at ndegel ubugwi nap ondoso me, Mbal Pem Nagawan-nen ebem wene mbarij-o!” luk yiga-o.

NAM PARA WENE 4:8

Untugup worak mende empat ereya-ge enambik tak insiyamu enam worag-o. Nde, unlugwe nggwe onmbol nggwe-ge enlengen nak kobong yidnag-o. It iri-nen-e lengge-nen kubu-nen ndawi kundugu nak yogolar-e: ”At nak kek tag-o. At nak kek tag-o. Amawi Mondok Kwarat Nagawan Indo Mbal Pem Nagawan at nak kek tag-o. Nanduk na woraso, yawo na worasu, abok na wolma-nen yusu-o” luk yogolat woragwi-o.