NAM PARA WENE 13:2 - Nanduk Ngget Tul Pidnak Wene

² Ndakngge isilepma worak kagi iri abage-ge macan tutul (singa wembebenggek) abage nggal, at ijog-e beruang ndakngge ijok nggal, isileb-e singa ndakngge isilep nggal irit kagi-o. Nde, waro nggulok iri-nen ndakngge isilepma worak iri wok tosolar-e, at ambik arong min at-nen idnak nagawan koreyak woraso ondoro min at-nen o tena woraso amawi min irit wok tij-o.

NAM PARA WENE 13:2 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 2:24

Iri yogola, Elisa na-ge nden kaga yik eneyarok woralat-nen Nagawan Indo unu bem imbiri lamut tak onposola, ereya na-net mberuang ndakngge kowak mberen enggama-nen lobok yosolar-e, li marik ereba na ennggendumu-nen enpe empat pulu dua (42) irit lebena nuruk lak tak inpij-o.

NDAWI ENGGA 22:21

An-e abu nebabok mondok lak yij-o. Lembu kusi anggul ambo emndam-nen mengga keya nobosolat, singa emndam-nen mengga keya nobosolat kwari-o.

OSEA 11:10

Nagawan Indo-nen yosolar-e: ”An-nen singa ndakngge-nen kwaroso nggal nurum ene ngol yosolat it unuwim nap kwiye rak onposola-ge, an nilirag-e an nimbirig-et mburuwa-o. An nilirag-e mo mboso (barat) nggwe-nen an nerembel wanurak pem ndag-et ndag-et lobok yuwa-o.

AMOS 3:12

Nde, Samaria nap iri-ge lomba wam ombo-nen olomba wam singa ndakngge-nen nasolat ijok mberen min eyanggo min mbarak nak wanoso nggal, Samaria woragwi nap yawo konak nak nene yugwi ondoro konak ereba na bem nene yogolat worali ereba-ge enpe mariget nak keya unpuwa-o” luk yij-o.

AMOS 5:19

Nde, iri tarem-nen kwat ma-ge ap singa emndam-nen mengga mborosoma-t nde, mberuang imin lid pid yidnak nggal-nen yusu-o! Are, ap misik ama wok yosolat, o kebet pem inggi watsa worasoma, waro eyak-nen yilik onposo nggal-nen yusu-o!

ABAKUK 1:8

Masan tutul ijok nggarim-e kwarar-et nde, teberak nggal-nen yusu-o. Nde, it-nen idnak kura wam ijok nggarim-e kwarat-nen yusu-o. Serigala ndakngge nere bem isilepma-ge kwiye worag-et nde, it unkura isilepma-ge mondok kwiye worak terak minik-net yusu-o. Nde, ensan ombo kura wam pem korelug-e, o erepma-net lobok yili-o. Lobok yogolar-e, towe ijamu-nen at naso mende tenageyekluk lobok yoso nggal-et lobok yili-o.

2 TIMOTIUS 4:17

Alat nde, Nagawan Indo an nimin worala me, aid wene pidsa-ge an-nen ndak yak ondosola, it enlem nin nap oboksa kuluwaklug-e, amawi wok nirij-o. Iri nggal yosolar-e, singa ndakngge emendam-nen mengga keya nibij-o.

1 PETERUS 5:8

Kit kunuwim nap Sere na-nen-e: ”No nap lebena mbo namin-o?” luk singa ndakngge nggal ene yolo ngolo waring kasu me, kir-e lid lud tak puruk, kwil kwalsa wolmer-o.

NAM PARA WENE 12:13

Nde, waro na lombot pidnggal-e, at na nggweyak ma ibil mbuwaidnak karug-e, kwe la li ap ndagaid iri na muk kaso tel kwirij-o.

NAM PARA WENE 12:15

Iri luk, waro na-nen-e kwe na yi-nen wanuwakluk, waro na emendam nggwe-nen yi-ge kwe na ambigit nggwe mbuk yaga wirik pij-o.

NAM PARA WENE 12:9

waro nggulok pare iri na-ge mbo bil mbuwagaij-o! Nde, at iri-ge nanduk-nen woraso unu misig-e Sere, are, Kugi oboksa onmbol pem laso iri nar-o. Ar-e at-nen idnak aid nap inmin-et nggweyak ma mbo bil mbuwagaij-o.

NAM PARA WENE 13:12

At iri-ge ndakngge isilepma worak nanduk iri-nen tena woraso amawi iri bem-et kwarosolar-e, nggweyak min nggweyak ma woragwi nap oboksa-ge ndakngge isilepma worak nanduk wat momtak uj-et ambut yidnak ndakngge iri na erembel waner-o luk watsa yak indij-o.

NAM PARA WENE 13:4

Waro iri-nen at tena woraso amawi-ge ndakngge isilepma worak iri wok tidnak pem, ap oboksa-nen waro na erembel wanogolat, ndakngge isilepma worak iri na erembel wanogolat-nen yosolar-e: ”Ndakngge isilepma worak yu imin ndak ndag-e ta-o? Ta nggal-nen at imin wim puwa-o?” luk yiga-o.

NAM PARA WENE 16:10

Iri luk, aid nap misik (yang kelima) iri-nen-e at idmbe kenanggo na ndakngge isilepma worak iri-nen idnak koreyak woraso ondoro na bem kilik pidnggal-e, ndakngge isilepma worak iri-nen tenagaidnak wi oboksa-ge ndamuk yij-o. Iri yosola-ge, ap-nen-e andi bandi kwarat kagolar-e, enambik eneyak-nen enma yum nggatliga-o.

NAM PARA WENE 17:12

Anggul ambo sepulu kaigen iri-ge nagawan sepulu awo o tena bigit lak worali irir-o. Alat nde, it iri na nagawan nggal wolmomtak amawi wok ondosola-ge, ndakngge isilepma worak iri na imin totno satu jam nak nagawan wolma-o.

NAM PARA WENE 19:20

Ndakngge isilepma worak iri na tenakolar-e, at imbiri bem kwiye worak mende kwarid nap, enesiget Mbal Pem Nagawan ene lomboksa yoso nap iri na min tenaiga-o. (Nde, kwiye worak mende kwaridnak iri bem-nen ar-e ndakngge isilepma worak-nen idnak yenggerak purak mende enpem worak nap min ndakngge isilepma worak abage nggal ndak worak erembel waniga nap min onmbol pem lagaij-o.) Iri luk, ndakngge isilepma worak iri na min enesiget Mbal Pem Nagawan ene lomboksa yoso nap iri na min unluk nggengge emben worak kule (belerang) laso kan mare arem inpil nggwij-o.

NAM PARA WENE 2:13

Kit worali sa iri-ge an-e naru-o. Sere-nen tena woraso sa iri me-t worali-t nde, kir-e an puksa tena nuburuk worali-o. An-nen yidnak wene mot mot nak konggoroso nap Antipas na-ge kit kennggendumu-nen Sere woraso sa iri me-nen wiriga-t nde, kir-e kinndi an nebem angin tubu yidnag-e keya bigit lag-o.

NAM PARA WENE 20:2

Mbuwasolar-e, nanduk woraso waro iri na-ge unu-ge Sere, are, kugi iri na tenasa olengen seribu wolmakluk kere kamarak ibij-o.