NAM PARA WENE 11:3 - Nanduk Ngget Tul Pidnak Wene

³ Nde, an nene yugwi nap mberen unsum-e tabun puruk woragolat-nen yurugwi sum yutluk, Mbal Pem Nagawan-nen yidnak wene ap yak ondogolar-e, seribu dua ratus enam pulu (1,260) tarem wolma-o” luk yak nirij-o.

NAM PARA WENE 11:3 ပူးပေါင်းရင်းမြစ်များ

NDAK WIRIDNAK WENE 37:34

Iri yosolar-e, Yakup na-ge usum ndela bela keya buruk, indi abi kalak woragolat-nen yurugwi sum karung nggal yutluk, ambara iri na ubud-nen tabun puruk, kwarat woragij-o.

1 NAGAWAN NAGAWAN-NEN KWARIDNAK WENE 21:27

Nde, Elia-nen wene iri na yuruk keya bosola karug-e, Akap na-ge ”Niri nera kwarigi-o!” yosolar-e, usum ndela keya buruk, sum-e karung ndelak meya ereba na yirij-o. Yutluk, nunggwi mende ninggit lak irit woragij-o. Nene yosolat na, karung iri na-t yutluk nene yosolat, nde tu mborosolat na erare yek tag-e nigit lag-o.

2 NAGAWAN NAGAWAN-NEN KWARIDNAK WENE 19:1

Nde, Nagawan Isikia-nen-e kenan nap ereya na-nen wene waruk lobok yiga wene ereba na kulurug-e, indi abi kalok luk, usum ndela keya buruk, usum-e karung sum yutluk yarig-e, Nagawan Indo ama mbirij-o.

NEMIA 9:1

Nde, waneya iri na arem tanggal dua pulu empat (24) pem-e Isarael nab-e ndok wiriga-o. Ndok wirigarig-e, it-nen yogolar-e: ”Nit meya kwarugwi-ge mondok keya bige-o” luk abu kuri bogolar-e, nunggwi mende ninggit lak tepan nak yogolat woraiga-o. Nde, ir-e enlem nin nap inmin-e mondok kundik woragit lak, enarig-et lenak irit woraiga-o. Nde, it nen meya kwaridnak pem niri nera-nen kwarigi-o luk yogolar-e unsum-e karung sum ereba na langgusa yirik woragolat, enanggul pem nggweyak ndarogolat, men luk it min onmborak min-nen meya yidnak ereba na pariga-o.

NDAWI ENGGA 69:11

An-e nindi puru min woralat, karung sum yutluk worala, ir-e pesel nobogolat nda nitli-o.

YEREMIA 1:10

Ap enlem oboksa tena unpurak amawi min nggweyakma yu me-nen tenagidnak wi tenagurak amawi min mbud tak purak amawi min tud tak purak amawi min lembera nden yaga keya burak amawi min lak tak unpurak amawi min mendak purak amawi min uwi yagurak amawi min-e o yawo yu-net an-nen kinggem pusu-o” luk yak nirij-o.

NDANIEL 12:7

Iri yak tosola-ge, aid nap iri na-ge inggi-ge mberensa mbal nggwe ligik puruk-nen yosolar-e: ”Kwat yoso mende kwiye worak ereba-ge olengen tiga setenga ereya bem-e kwat yosolat irit wolma-o” luk, Mbal Pem Nagawan pem irit woraso iri na owak mbarosola kuligi-o. Iri yosolat-nen yosolar-e: ”Mbal Pem Nagawan ilirak anggun panggun tak inpili iri keya bogola-ge, kwat yoso mende kwiye worak mende kwat yusu ereba min-et lak ma-o” luk yij-o.

NDANIEL 7:25

Nde, at iri-nen-e Mbal Pem Nagawan Mondok Kek tak iri na obok mbarosolat, Mbal Pem Nagawan ilirak anggun panggun tak unpuwa-o. At-nen-e imiri mbarak pidnak wene ereba na nden yaga nin tak posolat, Mbal Pem Nagawan ilirak-nen Nagawan Indo erembel wanogolat nggok sakwi tarem sakwi ereba na nden kudtak yebet kasolat ma-o. Iri kwarosolat, Mbal Pem Nagawan ilirak yemndak unpuruk woralar-e, olengen kenan tak puruk, misig-e ngaksa waneya enam irit wolma-o.

NDANIEL 8:14

Yosoloma, kuliginggal-e, aid nap misik iri na-nen wene onggo yosolar-e: ”Iri-ge, 1.150 pem ereya woragolar-e, Mbal Pem Nagawan amanggim keyama wosa pugwi min kuplila wosa pugwi min-e pigit lak wolma-o. Nde, iri woraruk ombol nggwe-nen perak Nagawan Indo erembel wanugwi o iri na-ge tuguruk ngget tak puwa-o” luk yij-o.

YOEL 1:13

Kit tepan ombo Mbal Pem Nagawan amanggim wam wosa kan pugwi sa iri na me yabu wanugwi nap wa-e. Karung sum yutluk, yip ter-o. Mbal Pem Nagawan amanggim purak nggandum mbato min anggut engen min-e lak yidnak me, kir-e Mbal Pem Nagawan ama nggugupndik, yip tenak nak worakmu, o nda mag-o!

YUNUS 3:5

Iri yosola-ge, Niniwe woragwi nab-e Mbal Pem Nagawan-nen yidnak wene iri na-ge ”Mondok ndemerer-o” luk yebet kaiga-o. Iri luk, Niniwe woragwi nap oboksa nggok-nen marik-nen ”Niri nera-nen meya kwarige-o” luk, kondok yogolat-nen yurugwi sum karung sum nak yutluk woragolat, ”Nunggwi mende ninggit lak tepan nak yogolat wolmog-o” luk wene mbariga-o.

YUNUS 3:8

Ap-nen na irit, wam-nen na irit, mondok karung sum nak yururag-o. Ap oboksa-nen niri nera meya kwaroso-o luk, kondok yogolar-e, ap oboksa-nen ndemeret kinndi-net Mbal Pem Nagawan eram tepan yurag-o. Nir-e mondok nenpage konogolat, nit-nen meya nak kwarugwi iri konogolat wolmomtag-o.

WONARIDNAK WENE 11:26

Nde, ereba kwarogolar-e, ap tuju pulu ereba na ennggendumu ap mberen, Elndat min Melndat min-e it erep inmin Nagawan Indo uwi iri na me-ge mbirigit lak, it ondomok unuwi lije ma nak woragola, Mbal Pem Nagawan Indi-ge o lije wiridnak sa it mberen iri na enpem mbuwasolar-e, it-nen na Mbal Pem Nagawan ene lomboksa yugwi nap-nen enne nggoksa yugwi nggal yiga-o.

MATIUS 11:21

”O Korasin woragwi min Mbetsaira woragwi min wa-e. Kenpem mbuma mende bem kenabuwa-o! Kit kendam woralat-nen kwiye worak mende kwarigi iri na-ge o Tirus min Siron min endam-nen kwatlep nggal-e, o iri me nap-nen-e obi-net it meya yidnak keya buruk kondok yogolar-e, sum meya yorogolat, mabe enanggul pem ndarogolat yeleb-o.

MATIUS 18:16

Alat nde, at-nen nde kat kene kuligit lak ala-ge, ap misiget ala, ap mberen ala, kimin tak unpuruk, eram mbururag-o. ’Ap enpem pidnak wene-ge kenggel undugwi nap mberen ala na, kenan ala na, enemendam-nen mbiridnak wene mag-o’ luk Mbal Pem Nagawan engga pem yidnak wene na ndak ndag-et kwarurag-o.

LUKAS 10:13

Yuruk, Yesus-nen yosolar-e: ”O Korasin woragwi min Mbetsaira woragwi min wa-e. Kenpem mbuma mende bem kenabuwa-o! Kit kendam-nen kwiye worak mende kwarusu yeba nde o Tirus min Siron min kwatlep nggal-e, o iri me nap-nen-e obi-net it meya yidnak keya buruk kondok yogolar-e, sum meya yorogolat, entare bem mabe mbo bogolat kwatleb-o.

LUKAS 24:48

Nde, wene yu kwat yosola, kenlengen-nen kaigep nab-e kit-nen yili-o.

YOANES 15:27

Nde, kir-e nandug-et an nimin woragwi me, kit-nen na an nowene kenggel ondogolat woragub-o.

YOANES 3:27

Yogolikma-ge, Yoanes-nen yosolar-e: ”Mbal Pem Nagawan-nen ap mbi kwat ibigit lak-nen at ondomok amawi bem-nen nak kwarurag-e meya-o.

YIDNAK YIDNAK WENE 1:8

Nde, Konak Indi kit kenpem mbuwasolar-e, amawi rak kunpuwa-o. Konposola-ge, Yerusalem-nen na, Yurea wi oboksa-nen na, Samaria-nen na, ap lak kuri-nen na irit an nowene kunggurugwi nap tugub-o” luk yak indij-o.

YIDNAK YIDNAK WENE 13:31

at langgal luk Nggalilea-nen Yerusalem laiga nap inmbiri bem nam yosola-ge, enlengen-nen kagolar-e kwarat woraiga-o. Nde, iri kaiga nap-nen-e ’Ar-et kaige-o’ luk Isarael nap yu yak indili-o.

YIDNAK YIDNAK WENE 2:32

Yesus yu-ge Mbal Pem Nagawan-nen uruk tak pamu-o. Uruk tak pidnak na-ge nit pidsa nenlengen-nen kaige-o.

YIDNAK YIDNAK WENE 3:15

Iri yogolar-e, Unluk Momtak Elem wirigep na-t nde, Mbal Pem Nagawan-nen wat yidnak nap ennggendumu-nen uruk tak pij-o. Uruk tak pidnak iri-ge nit nenlengen-nen kaige-o.

1 KORINTUS 12:28

Nde, Mbal Pem Nagawan-nen ap lambuk tak inpidnak ennggendumu ap pidsa onposolar-e: Nandug-er-e wirik inpidnak nap onposolat, imbirig-e, Mbal Pem Nagawan ene lomboksa yugwi nap onposolat, imbirig-e, ap mul undugwi nap onposolat, iri rak puruk imbirig-e, kwiye worak mende kwarugwi nap min ap ki rak unpurak amawi wok indidnak nap min yongga undugwi nap min enne kulugwi nap min nin wene nan wene bem yugwi nap min irit inpij-o.

2 KORINTUS 13:1

Yawo kenan pem tak posolat kit kendam lobok yimin-o. Ap enpem pidnak wene-ge ap mberen ala na, ap kenan ala na-nen kinggiridnak wene bem-net wene iri luj-et yoso-o.

EPESUS 4:11

At iri-nen we wok ondoso mende tembet ondosolar-e: Ereb-e wirik inpidnak nap tak onposolat, ereb-e Mbal Pem Nagawan ene lomboksa yugwi nap tak onposolat, ereb-e aid wene yak indil waring kagwi nap tak onposolat, ereb-e aid wene yugwi nap min mul undugwi nap min tak onposolat yij-o.

TUGURUK YIDNAK WENE 19:15

Musa-nen yosolar-e: ”Ap misiget nak-nen: ’Ap misik meya kwarosola kagi-o’ yuwa iri na-ge ndag-e lag-o. Alat nde, ap mberen-net enlengen kaidnak ala perak ob-o.

NAM PARA WENE 11:2

Alat nde, Mbal Pem Nagawan wi mborom mbepme nggwe iri-ge ndak wururak pug-o. Nde, iri me-ge Mbal Pem Nagawan enaru buk nap wok indidnak-nen yusu-o. Nde, iri me it-nen-e waneya empat pulu dua (42) woragolat-nen Konak O Siri iri me-ge unuwok-nen alabara keya bogolat wolma-o.

NAM PARA WENE 11:6

Ir-e Mbal Pem Nagawan-nen yidnak wene yogolat woragola, talme mbuma naru, mbal tu imig worak puruk amawi-ge it ininggem wolma-o. Nde, yi ulusu oboksa eyabi worak tak purak amawi na it ininggem wolma-o. Nde, o nggweyak yu lak tak purak mende oboksa amawi-ge it inndi-nen ”Iri mende-t kwat mag-o” luk peragola-ge, kwar-et ma-o.

NAM PARA WENE 12:6

Nde, kwe iri na-ge Mbal Pem Nagawan-nen ondoro amanggim konidnak sa karu me ap lak ma mberarik worala iri me ndegel obosolat woralar-e, seribu dua ratus enam pulu (1,260) tarem irit woragaij-o.

NAM PARA WENE 13:5

Ndakngge isilepma worak iri emendam nggwe-nen-e at ambik kek yosolat, Mbal Pem Nagawan ebem imbiri lamut wene yuwakluk keya bosolat, at-nen o tena worasolat waneya empat pulu dua (42) nak wolmakluk Mbal Pem Nagawan-nen keya nak ibij-o.

NAM PARA WENE 19:10

Iri yosola, an-e aid nap na eralu mbud luk, at erembel waneyekluk yigi-t nde, at-nen yak norosolar-e: ”Lag-o. An nerembel wanurag-e lag-o! An na at ndegel oboso nap Mbal Pem Nagawan-nen yidnak wene Yesus-nen yak kindidnak wene tena woragwi nap kat kanggamirak inmin iri nggal-net yusu-o. Mbal Pem Nagawan nak erembel wani-o!” luk yak nirij-o. Nde, Yesus-nen nam tak pid ndemeret wene iri-nen-e Mbal Pem Nagawan ene lomboksa yugwi nap mirik onposo-o.

NAM PARA WENE 20:4

Iri luk, an yik kaginggal-e, nagawan-nen koreyak woragwi ondoro kwarat kagi-o. Nde, ereba na bem-e ap enpem wene mbaruwakluk amawi wok indidnak nap yere kore eneyagi-o. Nde, tuguruk yik kaginggal-e, ir-e Yesus owene kinggiridnak pem-nen na, Mbal Pem Nagawan-nen yidnak wene timbiridnak pem-nen na unlusu mbaridnak nap inndi nde eneyagi-o. Nde, it iri-ge ndakngge isilepma worak min at abage nggal ndak worak na min erembel wanigit lak, it inmbiriwak pem-nen na, ininggi bem-nen na ndakngge isilepma worak-nen idnak yenggerak purak mende enpem pigit lak nab-o. It iri na unluk lug-e, olengen seribu (1,000) woragolar-e, Kerisut imin nagawan nggal wolma-o.