NAM PARA WENE 11:2 - Nanduk Ngget Tul Pidnak Wene

² Alat nde, Mbal Pem Nagawan wi mborom mbepme nggwe iri-ge ndak wururak pug-o. Nde, iri me-ge Mbal Pem Nagawan enaru buk nap wok indidnak-nen yusu-o. Nde, iri me it-nen-e waneya empat pulu dua (42) woragolat-nen Konak O Siri iri me-ge unuwok-nen alabara keya bogolat wolma-o.

NAM PARA WENE 11:2 ပူးပေါင်းရင်းမြစ်များ

YESAYA 5:5

An-nen idnak anggut yabu yu-ge an-nen-e yu nggal kwat ibimin-o. Yabu iri leget iri-ge kona wabimin-o. At imiri mbarak worasu kerep leget iri-ge ndamera keya bimin-o. Iri rak pumu, nggwija-nen meya rak posolat, ijok liri rak puwakluk keya bimin-o.

YESAYA 52:1

Yerusalem wa-e. Men yugundik, kuruk wolmin-o! Kar-e kamawi luk, kunu kek tak woralat-nen yoroso kusum yutluk wolmin-o! Marak o siri Yerusalem wa-e. Ap iniye ambasap mbarugwi buk, kopkap tobok tak nab-e kat kurumnde nggwe-ge mondok ngguwa bug-o.

NDANIEL 12:7

Iri yak tosola-ge, aid nap iri na-ge inggi-ge mberensa mbal nggwe ligik puruk-nen yosolar-e: ”Kwat yoso mende kwiye worak ereba-ge olengen tiga setenga ereya bem-e kwat yosolat irit wolma-o” luk, Mbal Pem Nagawan pem irit woraso iri na owak mbarosola kuligi-o. Iri yosolat-nen yosolar-e: ”Mbal Pem Nagawan ilirak anggun panggun tak inpili iri keya bogola-ge, kwat yoso mende kwiye worak mende kwat yusu ereba min-et lak ma-o” luk yij-o.

NDANIEL 7:19

Iri lug-e lok lok noso mende misig-e empat tak posolat nam yid iri na abage-ge misiget ereb-e lak, arik tak-nen ebe na mondok aye worak, at naso mende wosa nasolar-e, ijok abis tembaga min eyak mbesi min ereya na bem-nen yigisa keya buruk, leraben waga nasolat, eyak ngen-e lul lul wosa keya bosolat kwarosola kagi ereya na-ge ebe-ge no min ndak ndag-o luk naru yurak irit peragi-o.

NDANIEL 7:25

Nde, at iri-nen-e Mbal Pem Nagawan Mondok Kek tak iri na obok mbarosolat, Mbal Pem Nagawan ilirak anggun panggun tak unpuwa-o. At-nen-e imiri mbarak pidnak wene ereba na nden yaga nin tak posolat, Mbal Pem Nagawan ilirak-nen Nagawan Indo erembel wanogolat nggok sakwi tarem sakwi ereba na nden kudtak yebet kasolat ma-o. Iri kwarosolat, Mbal Pem Nagawan ilirak yemndak unpuruk woralar-e, olengen kenan tak puruk, misig-e ngaksa waneya enam irit wolma-o.

NDANIEL 8:10

Nde, anggul ambo iri na-ge nggog-et yosolar-e, aid arem woragwi san ombo wonaru ereba na imin wim mbarij-o. Nde, wonaru ereb-e lembera nggweyakma mberak pil mbuwaruk, ijok-nen lul lul wirij-o.

NDANIEL 8:13

Iri luk, an-nen kuliginggal, aid nap misik-nen aid nap misik yak tosolar-e: ”Nabi nggal pem kasu ereba kwat tenak worasolar-e, nunggwirik tarem nggal wolma-o? Nde, o nda yidnak irit wosa Mbal Pem Nagawan amanggim wosa kan pugwi iri na meya nggok kwarogolar-e, nunggwirik tarem nggal wolma-o? Nde, san ombo aid arem woragwi min Nagawan Indo erembel wanugwi o iri min-e nunggwirik tarem nggal lul lul wat tenak wolma-o?” luk yij-o.

NDANIEL 8:14

Yosoloma, kuliginggal-e, aid nap misik iri na-nen wene onggo yosolar-e: ”Iri-ge, 1.150 pem ereya woragolar-e, Mbal Pem Nagawan amanggim keyama wosa pugwi min kuplila wosa pugwi min-e pigit lak wolma-o. Nde, iri woraruk ombol nggwe-nen perak Nagawan Indo erembel wanugwi o iri na-ge tuguruk ngget tak puwa-o” luk yij-o.

WONARIDNAK WENE 14:34

Kit-nen meya kwarigep onggo-ge olengen empat pulu woragub-o. Kit-nen o yen nogolat empat pulu bem woraidnak me, misik tarem woraigep ndak ndag-e olengen misik woragub-o. Iri nggal kwasa empat pulu bem woraigep ndak ndak olengen empat pulu woragub-o. Nde, iri woragup iri-ge Nagawan Indo-nen onggo posolar-e, ”Abur-e iri kagi” luk kenaru yobokluk-nen woragub-o.

MATIUS 27:53

Men luk yigarig-e, Yesus na uruk agaid ombol nggwe-ge ir-e yapma inpidnak sa-nen it ereba-ge Marak O Siri Yerusalem iri me nggogola-ge, ap kwarat-nen eneyaiga-o.

MATIUS 4:5

Iri luk, Sere iri na-nen Yesus na imin luk, o siri marak Yerusalem iri na me imin mberarik, Mbal Pem Nagawan uwi kirin pem koreyak uburuk-nen

MATIUS 5:13

”Kir-e nggweyak ma yu me mayu-nen yili-o. Nde, mayu iri nde undu lak ala-ge, no bem-nen undu worak tak puwa kali-o? Ebe lak mende yidnak me, mbo puwama, ap inijok-nen lul lul wuruwa-o.

LUKAS 21:24

Ap ereb-e yalawi bem ondogolat, ereb-e kamasa wok unpuruk yi wi ndi wi mborogolat ma-o. Mbal Pem Nagawan-nen kuri pidnak tarem ndak yigit lak worasola-ge, Mbal Pem Nagawan enaru buk nap-nen-e Yerusalem na-ge unuwok liri rak pogolat wolma-o” luk yij-o.

IBERANI 10:29

Nde, meya kwaridnak nap na iri nggal kwat unpugwi ala-ge, Mbal Pem Nagawan Ambara unuwok liri rak pili nap min Mbal Pem Nagawan-nen urul pidnak eyabi, at mbek tak ibidnak eyabi iri na te rak pusu nap min we wok ondoso elem wok nindid Konak Indi na meya rak puwa nap min enpem-e terak minik anggun worak mende ngge nggal kwasa enpem puwa-o?

NAM PARA WENE 11:11

Nde, kenan nene luk, empat tak purak pem-e (3 ½ hari) Mbal Pem Nagawan-nen-e unluk tak purak indisep mbi pil lobok yosola-ge, Mbal Pem Nagawan-nen yidnak wene yugwi nap mberen na enarem nggosola, it na men yogola-ge, it eneyaiga nap oboksa-ge kwiye kwarat kaiga-o.

NAM PARA WENE 11:3

Nde, an nene yugwi nap mberen unsum-e tabun puruk woragolat-nen yurugwi sum yutluk, Mbal Pem Nagawan-nen yidnak wene ap yak ondogolar-e, seribu dua ratus enam pulu (1,260) tarem wolma-o” luk yak nirij-o.

NAM PARA WENE 12:6

Nde, kwe iri na-ge Mbal Pem Nagawan-nen ondoro amanggim konidnak sa karu me ap lak ma mberarik worala iri me ndegel obosolat woralar-e, seribu dua ratus enam pulu (1,260) tarem irit woragaij-o.

NAM PARA WENE 21:10

Iri luk, Konak Indi an nebem mbosolar-e, aid nap iri na-nen wok nuburuk ndobo mondok mot misik pem nibil lagaij-o. Nibil laruk, at-nen-e Mbal Pem Nagawan-nen idnak o siri Yerusalem iri-ge Mbal Pem Nagawan eram aid arem-nen mbuwasola, mirik nibij-o.

NAM PARA WENE 21:2

Nde, an yik kaginggal-e, Mbal Pem Nagawan-nen idnak o siri Yerusalem ngget iri-ge Mbal Pem Nagawan eram aid arem-nen mbuwasola kagi-o. Nde, o siri iri mondok konidnak abage-ge kweyap ndugum-nen unun wanuwokluk inmirik unmuruk pugwi nggal-o.

NAM PARA WENE 22:19

Nde, ap-nen nde kwat momtak urul pidnak wene engga yu arem mbarak pidnak yeba erep keya bosola-ge, engga yu arem mbarak worasu unluk nak wolmomtak e min O Siri Marak iri min at wok turak yidnak arengge ereb-e Mbal Pem Nagawan-nen wok tuwa bug-o.