NAM PARA WENE 10:1 - Nanduk Ngget Tul Pidnak Wene

¹ Iri luk, yik kaginggal-e, amawi worak nap misig-e aid arem-nen mbuwasola kagi-o. At iri na-ge nggan nggan-nen mbeyok tak, yelepma misig-e at anggul pem waringgik, erare-ge molengen yaya nggal, owag-e kan amare nggal-o.

NAM PARA WENE 10:1 ပူးပေါင်းရင်းမြစ်များ

NDAWI ENGGA 104:3

Kat kuwi-ge mbal pem teram eid me yi ombolwak pem wirigen-o. Nggan nggan-e kat-nen konggweyak koma nggal tak puruk, o wija isiyamu bem koreluk mburusu-o.

MBIRIGA WENE 16:10

Yamu, Arun-nen wene na yak ondosolat, nde, ir-e oboksa enlengen-e o lid ereba na nggwe yik karok worakmu-ge, mimo ereya na-net Nagawan Indo eyaya-ge nggan nggan arem-nen nam agaij-o.

YESAYA 54:9

”Nu woragid tarem-nen an-nen owak mbarosolar-e: ’Abog-e yi-ge kobong ma bug-o’ luk urul pigi iri na nggal-et, yawo na owak mbarosolar-e: ’Abog-e an-nen-e nisilepma kenpem posolat, kenpem mbud yosolat na mondok kwarimin pug-o’ luk urul pusu-o.

YESKIEL 1:28

Nde, erare-ge yelepma arare nggal nin tak nan tag-o. Nde, abinal iri-ge ”Mbal Pem Nagawan iri me worasu-o” luk yenggerak irir-o.

NDANIEL 10:6

Nde, at ebe-ge abinal worak kerep abinal nggal abinal worak, nde, erare abinal-e pinel yebek yosolat abinal nggal worak, nde, erengen-e kan amare nggal irit amare yosolat kagi-o. Nde, erabitwak min ijok min abinal-e tembaga posid marak pidnak abinal nggal, nde, ene-ge ap kwarat-nen enne yogolat nggal irit kuligi-o.

NDANIEL 7:13

Iri tarem kubu nabi nggal pem yik kaginggal-e ap nggal misik kagi-o. At iri-ge nggan nggan-nen lop lop worak irit lobok yarig-e, pem-et uruk nak woraso iri na eram wok yosola-ge, ”At yu na lobok yij-o” luk pem-et uruk nak woraso irit aru rak piga-o.

TEPAN OMBO-NEN KWARURAK WENE 16:2

”Wene yu kowe Arun iri yak ti-o. At nde o sum-nen kuri worak mondok marak iri me nggosolar-e, ’Iri tarem nggurag-o’ luk ludtak pidnak tarem nak nggurag-o. Nde, iri me-ge an-e urul pidnak labu mbarak iri na usurup pem nggan nggan arem-nen nam yoso sa-nen yusu-o. Arun-nen nde wene yu kwid tosolar-e, mondok abu wat ma-o.

MATIUS 17:2

Nde, it iri na enlengen ma-ge at na abage nin agaij-o. Iri yosolar-e, at erare-ge mo abinal nggal yaya worak yosolat, at usum-e loro lombok abina-nen igip kip worak agaij-o.

LUKAS 21:27

Iri tarem-e Ap Ambara an-e nggan nggan arem-nen kek tak amawi worak irit lobok yosola, niyujwa-o.

YIDNAK YIDNAK WENE 26:13

Nagawan Ageripa wa-e. Ereya na-net mimo lenggesilmu-net mbal pem-nen yaya pil mbuwasola kagi-o. Nde, mo eyaya nggal-e lag-o. Eyaya mondok nggulok iri yemberak pil mbuwasolar-e, an min an totno mbirige nap inmin-e nenpem yaya rak pij-o.

NAM PARA WENE 1:7

Yik ker-o. Ar-e nggan nggan arem lobok yusu-o! Ap oboksa-nen at kagolat, tege at arem mon kaidnak nap-nen na kujwar-o. Nggweyak ma nap enlem oboksa-nen-e at ubud-nen yip kwarat yuwa-o. Ndemerer-o! Amen.

NAM PARA WENE 18:1

Iri luk, an yik kaginggal-e, aid nap misik aid arem-nen mbuwasola kagi-o. Nde, at iri-ge amawi kwarat worak me, at abinal-nen nggweyak ma yu me oboksa yaya rak pij-o.

NAM PARA WENE 18:21

Iri luk, amawi worak aid nap misik-nen kerep nggok misik waga mbisingsa yi koma arem mbo bil nggosolat-nen yosolar-e: ”O siri nggulok Mbabel na-ge yu nggal kwasa isilepma min mbo buwama, abok erare mondok kujwa bug-o.

NAM PARA WENE 20:1

Iri luk, an yik kaginggal-e, aid nap misik aid arem-nen mbuwasolar-e at inggem-e wat yugwi mbun tu imig worak pugwi min posid kere nggok min inggem mbuwagaij-o.

NAM PARA WENE 4:3

At iri imbiriwak amare-ge kerep baiduri pandan (amare-ge yabeya ndagum engen (kuning) nggal) min kerep delima (amare-ge mimi (merah tua) nggal) min amare nggal-o. Nde, nagawan koreyak woraso ondoro iri eralu-ge yelepma misik amare-ge samrud (amare-ge kinggambarak (hijau) nggal) amare nggal waringgik woragaij-o.

NAM PARA WENE 5:2

Iri luk, an-nen yik kaginggal-e, arong worak aid nap misik kagi-o. At iri-nen ene nggoksa yosolar-e: ”Lop nak tak pugwi mende na panggara keya buruk, engga yu wusururak nap ndag-e ta nggal-o?” luk yij-o.

NAM PARA WENE 8:13

Iri luk, yik kaginggal-e, towe ud mbi mondok teram abu yebaluk waring kasolat-nen ene ngguloksa yosolar-e: ”Enabuwa-o! Enabuwa-o! Nggweyak ma yu wolma nap oboksa-ge aid nap erep kenan iri-nen onpoba ene pu yogola kuluwa nab-e mondok enabuwa-o!” luk yosola, kuligi-o.