NAM PARA WENE 1:8 - Nanduk Ngget Tul Pidnak Wene

⁸ Nanduk na woraso, yawo na worasu, abok na wolma nap, Mondok Amawi worak Nagawan Indo Mbal Pem Nagawan-nen yosolar-e: ”An-e Tel Koroso min Woroksiyem min-nen yusu-o” luk yij-o.

NAM PARA WENE 1:8 ပူးပေါင်းရင်းမြစ်များ

NDAK WIRIDNAK WENE 17:1

Nde, Abaram na woralar-e, olengen sembilan pulu sembilan (99) pem worasoma-ge, Nagawan Indo at imbiri bem nam yosolat-nen yak tosolar-e: ”An-e Mondok Namawi worak Mbal Pem Nagawan-nen yusu-o. Kar-e an-nen yidnak yidnak nak kwarosolat, pempa an nindi-nen pidnak nak kwarosolat wolmin-o.

NDAK WIRIDNAK WENE 28:3

Mbal Pem Nagawan mondok amawi worak iri na-nen kat kogwe min wok kerak mbugup iri na imbiringgat tak kobosolar-e, kar-e ap kwarat onmbo irit kwat yonokluk kilirak kwarat wok kuruwag-o.

NDAK WIRIDNAK WENE 35:11

Nde, Mbal Pem Nagawan-net tuguruk yak tosolar-e: ”An-e Mbal Pem Nagawan Mondok Namawi Worak-nen yusu-o. Kat-nen wigarag-e kwarat mag-o. Kat karem-nen ap enlem kwarat mborosolat, nagawan nagawan onmbo kek tak irit kwat yugun-o.

NDAK WIRIDNAK WENE 43:14

Nagawan Indo Amawi Ambik iri na-nen Ngguberenot iri arem yabu wanosola, kit kenabuwa kasolat, Simeon min Mbenyamin min kendam tuguruk puwag-o. Nde, an-e nilirak lag-et yuwama-ge, no kwarimin-o? Meya-o” luk yij-o.

NDAK WIRIDNAK WENE 48:3

Koreyak worasolat-nen Yakup-nen Yusup yak tosolar-e: ”Mbal Pem Nagawan Mondok Amawi Worak iri na-nen-e o Kanaan wi Lus iri me-nen an nimbiri bem nam luk, imbiringgat tak nobosolat-nen

NDAK WIRIDNAK WENE 49:25

Keid Embal Pem Nagawan-nen yongga-t kurusu-o. Mondok Amawi Worak Mbal Pem Nagawan-nen imbiringgat wok korosolar-e, mbal nggwe-nen talme pem-nen na imbiringgat wok korosolat, nggweyak arem nggwe-nen na konggweyak amburu rak posolat, keli marik min sapi wam min,

MBIRIGA WENE 3:14

Yosoloma, Mbal Pem Nagawan-nen yosolar-e: ”An-e AN-E WORASO-O. Wene yu-ge kar-e Isarael nap yak indi-o: ’Unu misig-e AN-E WORASO iri na-nen an-e kit kendam wirik nibil lobok yamu-o’ yak indi-o.

MBIRIGA WENE 6:3

An-e Abarakam min Isak mid Yakup min inmbiri bem an nondomok-net nam yaga mirik onposolar-e, Mbal Pem Nagawan Namawi worak irit mirik inpigi-t nde, an nunu Nagawan Indo perak nde nam para mirik inpigit lak yigi-o.

YESAYA 41:4

Ereba oboksa-ge ta-nen kwat oboso-o? Pem kwarugwi murugwi yeba-ge ta-nen ’Kwarurag-o’ yidnak pem kwarugwi-o? Nagawan Indo an-e o yu ndak wirigit lak ma nanduk-net woraso-o. Nde, worok tak puwa tarem na woramin-er-o.

YESAYA 43:10

Nilirak Isarael nap wa-e. Kir-e an-e kenaru-o. Kit-nen an kenaru yogolat, kinndi an nebem wat tak puruk woragolat, kit-nen yebet kagolar-e, ’Ar-e ndemeret Mbal Pem Nagawan-net yusu-o’ luk yobokluk, an-nen-e ndegel nubugwi nap kwat yobokluk len kunpukmu-o. Mbal Pem Nagawan-e misiget an narik nak-nen yusu-o. Nanduk-nen na irit, abok-nen na irit mbal pem nagawan mbi mondok worasu bug-o.

YESAYA 44:6

Nagawan Indo Mondok Amawi Worak Isarael nap nggetlel onposo Nagawan Indo iri na-nen yid wene-ge yu-o: ”Mbal Pem Nagawan misiget an narik nak tel koroso min woroksiyem min-nen yusu-o. Mbal pem nagawan erep mbi mondok worasu bug-o.

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

WONARIDNAK WENE 24:4

Mbal Pem Nagawan-nen yidnak wene eyanggo-nen kolosolat, Mondok Amawi Worak Mbal Pem Nagawan-nen nam tak pidnak kasolat, erengen penggerak-nen tud yosolat yusu iri na-n yidnak wene-o.

2 KORINTUS 6:18

An-e kit Kineid yosolat, nde, kir-e an nilirak li ap nde, li kwami nde tugub-o luk Amawi Kwarat worak Nagawan Indo-nen yij-o.”

NAM PARA WENE 1:11

Ene iri-nen yosolar-e: ”Kat-nen kasu mende iri engga bem mbari-o. Lambuk tak inpidnak nap o tuju yu endam pil mbiri-o: Epesus min Simirina min Peregamus min Tiatira min Sarandis min Pilandelpia min Laorikia min endam pil mbiri-o” luk yij-o.

NAM PARA WENE 1:17

Nde, an-nen at yik kaginggal-e, ap wat yidnak nggal luk, at eralu mbud yigi-o. Alat nde, at-nen at inggi kigit nggwe-nen an tena nuburuk, yak norosolar-e: ”Kwiye kasu meyog-o! An-e tel koroso min woroksiyem min-nen yusu-o.

NAM PARA WENE 1:4

Nanggamirak lambuk tak kinpidnak nap o tuju Asia wi worali nap kenpem-e: Nanduk na woraso, yawo na worasu, abok na wolma Mbal Pem Nagawan min at koreyak woraso urugwe nggwe woragwi indi tuju min mot mot nak konggoroso nap, Ambara manggu nderak iri-ge wat yidnak nap ennggendumu-nen uruk tak pid nap nggweyak ma yu me nagawan nagawan teberak unpuruk, nagawan amawi worak kek yidnak Yesus Kerisut min-nen idnak we wok ondoso elem min lambuksa woragwi elem min-e nanggamirak wok kunduwag-o luk an Yoanes-nen perasu-o. Yesus-nen nit nenabuwa karuk, at wat yosolar-e, nit meya yidnak inggem-nen wisirik nunpuruk,

NAM PARA WENE 11:17

yogolar-e: ”Amawi Mondok Kwarat worak Nagawan Indo Mbal Pem Nagawan wa-e. Kar-e nanduk na woraigen, yawo na worasur-o! Kat kamawi nggulok iri na bem o nggweyak tena bigen pem-e wiwa-o yak kitli-o!

NAM PARA WENE 15:3

It-nen ndawi yogolar-e, Mbal Pem Nagawan ndegel oboso nap Musa min Lomba Wam Marik na min endawi yogolar-e, yu nggal yiga-o: ”Amawi Mondok Kwarat worak Nagawan Indo Mbal Pem Nagawan wa-e. Kat-nen kwaroso-ge nggulok, kwiye worak-net yusu-o. Ap enlem oboksa ennggendumu Nagawan wa-e. Kat-nen kwaroso-ge ndemeret mot mot nak kwaroso-o.

NAM PARA WENE 16:14

Kugi iri na-ge kwiye worak mende kwarugwi kugi inndi-nen yili-o. It kenan iri na-ge yi wi ndi wi oboksa tena woragwi nagawan endam mbirigarig-e, Amawi Mondok Kwarat worak Mbal Pem Nagawan-nen idnak tarem nggulok iri tarem-nen wim nggurak pem ndok worak inpiga-o.

NAM PARA WENE 16:7

Iri luk, an kuliginggal-e, ene misik Mbal Pem Nagawan amanggim wam wosa pugwi sa iri me-nen yosolar-e: ”Kamawi Mondok Kwarat worak Nagawan Indo Mbal Pem Nagawan wa-e. Kat-nen mbarusu wene-ge ndemeret mot mor-et mbarusu-o!” luk yosola, kuligi-o.

NAM PARA WENE 19:15

At emendam-e yalawi anggat worak mbi kenanggo. Nde, yalawi iri bem-nen ap enlem oboksa urugwe nggwe rak unpuruk, at-nen-e posid wangun pem it tena unpuruk wolma-o. Nde, at-nen-e anggut engen amburu mbutlugwi ondoro Mbal Pem Nagawan Amawi Worak iri na isilepma kwiye worak iri na me-nen anggut engen amburu mbutluwa-o.

NAM PARA WENE 19:6

Iri yosola, an kuliginggal-e, ap kwarat kamarak enne-ge yi ebe wasolat enne lu nggal, o nggu lunggu mborosolat nggal irit kuligi-o. It-nen yogolar-e: ”Nit-nen idnak Mondok Amawi worak Mbal Pem Nagawan, Nagawan Indo iri-ge nit Nenagawan kwat yid me, Mbal Pem Nagawan nak erembel wanuwog-o!

NAM PARA WENE 2:8

”Simirina woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge at tel koroso min min woroksiyem min, wat lug-et nde, tuguruk uruk yidnak nap iri na-nen yidnak wene-o.

NAM PARA WENE 21:22

Nde, Mbal Pem Nagawan uwi nggal-e Nagawan Indo Amawi Mondok Kwarat Mbal Pem Nagawan at ondomok min Loba Wam Marik min-net yili me, an-nen-e Mbal Pem Nagawan uwi o siri iri me-ge kagit lag-o.

NAM PARA WENE 21:6

Iri yuruk, at-nen tuguruk yosolar-e: ”Abu ndak yij-o. Nde, an-e Tel Koroso min Woroksiyem min-nen yusu-o. An-e Nanduk-net Woraso, Abok-nen na irit Woramin Nagawan Indo-nen yusu-o. Yi nere kagwi nab-e an-nen we onggo lag-et mak ondosolar-e, unlug-et woragwi yi ulusu na kenangga mak indimin-o.

NAM PARA WENE 22:13

An-e nandug-et woraso, abok na woramin, tel koroso min woroksiyem min-nen yusu-o” luk yij-o.

NAM PARA WENE 4:8

Untugup worak mende empat ereya-ge enambik tak insiyamu enam worag-o. Nde, unlugwe nggwe onmbol nggwe-ge enlengen nak kobong yidnag-o. It iri-nen-e lengge-nen kubu-nen ndawi kundugu nak yogolar-e: ”At nak kek tag-o. At nak kek tag-o. Amawi Mondok Kwarat Nagawan Indo Mbal Pem Nagawan at nak kek tag-o. Nanduk na woraso, yawo na worasu, abok na wolma-nen yusu-o” luk yogolat woragwi-o.