NAM PARA WENE 1:4 - Nanduk Ngget Tul Pidnak Wene

^4-5 Nanggamirak lambuk tak kinpidnak nap o tuju Asia wi worali nap kenpem-e: Nanduk na woraso, yawo na worasu, abok na wolma Mbal Pem Nagawan min at koreyak woraso urugwe nggwe woragwi indi tuju min mot mot nak konggoroso nap, Ambara manggu nderak iri-ge wat yidnak nap ennggendumu-nen uruk tak pid nap nggweyak ma yu me nagawan nagawan teberak unpuruk, nagawan amawi worak kek yidnak Yesus Kerisut min-nen idnak we wok ondoso elem min lambuksa woragwi elem min-e nanggamirak wok kunduwag-o luk an Yoanes-nen perasu-o. Yesus-nen nit nenabuwa karuk, at wat yosolar-e, nit meya yidnak inggem-nen wisirik nunpuruk,

NAM PARA WENE 1:4 ပူးပေါင်းရင်းမြစ်များ

NDAWI ENGGA 90:2

Ndobo ndak wirigit lak ma, nggweyak min o yu min kwarak pigit lak ma-ge, kar-e woroksiyem na lak, tel kwiridnak na lak, kar-e pem irit woraso-nen yusu-o.

MBIRIGA WENE 3:14

Yosoloma, Mbal Pem Nagawan-nen yosolar-e: ”An-e AN-E WORASO-O. Wene yu-ge kar-e Isarael nap yak indi-o: ’Unu misig-e AN-E WORASO iri na-nen an-e kit kendam wirik nibil lobok yamu-o’ yak indi-o.

YESAYA 11:2

Nagawan Indo indi-ge at ebem woralat, indi ngarak, indi nggat nggat worak tak ubuwa-o. ”Yu nggal kwarurag-o” luk kwaroso abam irit kwarak puwa-o. Mbal Pem Nagawan indi-n pidnak aru yosolat, at indi aye worak irit wolma-o.

YESAYA 41:4

Ereba oboksa-ge ta-nen kwat oboso-o? Pem kwarugwi murugwi yeba-ge ta-nen ’Kwarurag-o’ yidnak pem kwarugwi-o? Nagawan Indo an-e o yu ndak wirigit lak ma nanduk-net woraso-o. Nde, worok tak puwa tarem na woramin-er-o.

MIKA 5:2

Iri kwarak me, Nagawan Indo-nen-e at ilirag-e keya nak unpuwama, it unuwim nap-nen tebel unpuruk irit worakmu, amawi worak nap iri na ija kwat mag-o luk lenak pidnak iri na-nen-e amawi worak nap iri na ndet ubuwama, at elem nap mbo inpidnak sa worali ereba na-ge it enlem ereba na inmin tuguruk misiget tak unpuwa-o.

YOANES 1:1

Nanduk o yu ndak wirigit lak ma-net Wene irit woragaij-o. Wene iri na Mbal Pem Nagawan imin-et woragaij-o. Nde, Wene iri na Mbal Pem Nagawan-net yusu-o.

YIDNAK YIDNAK WENE 19:10

Wene iri yik tenak woralar-e, olengen ebis-et mberen worasola-ge, Asia woragwi nap oboksa Yawuri nap-nen na irit, Yunani nap-nen na irit Nagawan Indo-nen yidnak wene kuliga-o.

YIDNAK YIDNAK WENE 2:9

Nir-e Paratia nap min Meria nap min Elam nap min Mesopotamia woragwi nap min Yurea woragwi nap min Kapandokia woragwi nap min Pontus nap min Asia nap min

OROMA 1:7

Iri bem-nen an-e Mbal Pem Nagawan-nen kenabuwa worak nap at ilirak len kinpidnak nap tobok-nen yonggo kinpidnak nap kit Oroma woragwi pidsa kenmanggim engga yu mbarusu-o. Nineid Mbal Pem Nagawan min Nagawan Indo Yesus Kerisut min-nen we wok ondoso elem min yamuksa woragwi elem min kinmin wolmag-o.

1 KORINTUS 1:3

Nineid Mbal Pem Nagawan min Nagawan Indo Yesus Kerisut min-nen we wok ondoso elem min yamuksa woragwi elem min kenpem wolmag-o.

2 KORINTUS 1:2

Nineid Mbal Pem Nagawan min Nagawan Indo Yesus Kerisut min-nen-e we wok ondoso elem min lambuk tak woragwi elem kinmin wolmag-o.

IBERANI 13:8

Yesus Kerisut-e tono-n na irit, yawo-n na irit, abok woralik nalik worasolat-nen na irit, nin yoso buk, iri na-t woraso-nen yusu-o.

YAKOBUS 1:17

We wok ondoso mende konak iminep mbarak oboksa iri-ge teram nggwe-nen mberak pil mbuwasu iri-ge aid arem worasu yaya elem ndak worak pidnak Mbal Pem Nagawan-nen pil mbuwaso-o. Nin yoso buk Mbal Pem Nagawan-e nden karuk, lumurak nonposo buk-nen yusu-o.

NAM PARA WENE 1:1

Engga yu arem-e Yesus Kerisut-nen abok-nen kwat momtak mende nam tak pidnak wene mbarak worasu-o. Nde, yanem-et kwat ma mende iri-ge Mbal Pem Nagawan-nen at ndegel ubugwi nap mirik unpuwakluk, Kerisut wok tij-o. Nde, Kerisut-nen-e kwat ma mende iri na-ge at ndegel oboso nap Yoanes na mirik ubuwaklug-e, at-nen idnak aid nab-e Yoanes eram ibil lobok yij-o.

NAM PARA WENE 1:11

Ene iri-nen yosolar-e: ”Kat-nen kasu mende iri engga bem mbari-o. Lambuk tak inpidnak nap o tuju yu endam pil mbiri-o: Epesus min Simirina min Peregamus min Tiatira min Sarandis min Pilandelpia min Laorikia min endam pil mbiri-o” luk yij-o.

NAM PARA WENE 1:17

Nde, an-nen at yik kaginggal-e, ap wat yidnak nggal luk, at eralu mbud yigi-o. Alat nde, at-nen at inggi kigit nggwe-nen an tena nuburuk, yak norosolar-e: ”Kwiye kasu meyog-o! An-e tel koroso min woroksiyem min-nen yusu-o.

NAM PARA WENE 1:20

An ninggi kigit nggwe tena worasu wonaru tuju min, emas-nen konidnak tal tuju min iri bem-nen yidnak kura wene ebe-ge yu-o: Wonaru tuju iri-ge lambuk tak inpidnak nap tuju iri-nen idnak aid nap-nen yili-o. Nde, tal tuju iri-ge lambuk tak inpidnak nap o tuju iri-net yili-o” luk yak nirij-o.

NAM PARA WENE 1:8

Nanduk na woraso, yawo na worasu, abok na wolma nap, Mondok Amawi worak Nagawan Indo Mbal Pem Nagawan-nen yosolar-e: ”An-e Tel Koroso min Woroksiyem min-nen yusu-o” luk yij-o.

NAM PARA WENE 1:9

Kennggam Yoanes an-e Yesus imin nugwi nap enpem mboso mende anggun panggun na nenpem mbosola-t nde, nit at ilirak-nen-e mamak puruk worali-o. Mbal Pem Nagawan-nen yidnak wene Yesus-nen yak niridnak iri na ap kenggel ondoso bem yi terapmu o unu-ge Patmos iri me mbo nibiga-o.

NAM PARA WENE 16:5

Iri yosola, an kuliginggal-e, yi tena wolmomtak amawi wok tidnak aid nap iri-nen yosolar-e: ”Nanduk na woraso, yawo na worasu Mondok Lenak Woraso Mbal Pem Nagawan wa-e. Kat-nen angin worak mende mberak pigen iri-ge mot mor-et kwarigen-o!

NAM PARA WENE 2:12

”Peregamus woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge yalawi anggat ponok ponok worak tena worasu nap-nen yidnak wene-o.

NAM PARA WENE 2:18

”Tiatira woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge erengen-e kanduk nggal kere kererak, ijog-e kerep wiril nggal Mbal Pem Nagawan Ambara-nen yidnak wene-o.

NAM PARA WENE 2:8

”Simirina woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge at tel koroso min min woroksiyem min, wat lug-et nde, tuguruk uruk yidnak nap iri na-nen yidnak wene-o.

NAM PARA WENE 22:16

”Yesus an-nen-e kit lambuk tak kinpidnak nap kenmanggim wene yeba yak kunduwakluk an-nen idnak aid nap ibil lobok yigi-o. An-e Ndaud-nen lolo-nen wigarak-nen yusu-o. An-e o nda nda wonaru yaya worak-nen yusu-o.”

NAM PARA WENE 22:8

Nde, Yoanes an-net yeba oboksa kolosolat, kasolat yigi-o. Nde, yeba oboksa kolosolat, kasolat yurug-e, yeba mirik nibid aid nap na erembel waneyekluk eram nerare nggwe tud yigi-t nde,

NAM PARA WENE 3:1

”Sarandis woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge Mbal Pem Nagawan indi tuju min wonaru tuju min iri tena worasu nap-nen yidnak wene-o. Kit-nen kwatli an-e naru-o. Kir-e wat yidnak woragola-t nde, kunluk worali-o luk yak kindili-o.

NAM PARA WENE 3:14

”Laorikia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge mot mot lud tak nak konggoroso nap, Mbal Pem Nagawan-nen ndak worak pidnak mende oboksa tel koroso Amin-nen yidnak wene-o.

NAM PARA WENE 3:7

”Pilandelpia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge ndemeret marak nap iri-nen yusu wene-o. Nde, at iri-ge Ndaud-nen idnak tu imig worak pugwi tena woraso-o. Nde, at-nen nde tu kuwarak posoma-ge, ap misiger-o luk-nen lerak purag-e meya-o. Nde, at-nen tu lerak posoma-ge, ap misiger-o luk-nen kuwarurag-e meya-o.

NAM PARA WENE 4:5

Nagawan koreyak woraso ondoro iri na-nen-e o pinel yebek kasolat, o nggu pang yosolat, nde, nagawan koreyak woraso ondoro urugwe nggwe-ge tal tuju iri pago kagi-o. Nde, tal iri-ge Mbal Pem Nagawan indi tuju iri-net yili-o.

NAM PARA WENE 4:8

Untugup worak mende empat ereya-ge enambik tak insiyamu enam worag-o. Nde, unlugwe nggwe onmbol nggwe-ge enlengen nak kobong yidnag-o. It iri-nen-e lengge-nen kubu-nen ndawi kundugu nak yogolar-e: ”At nak kek tag-o. At nak kek tag-o. Amawi Mondok Kwarat Nagawan Indo Mbal Pem Nagawan at nak kek tag-o. Nanduk na woraso, yawo na worasu, abok na wolma-nen yusu-o” luk yogolat woragwi-o.

NAM PARA WENE 5:6

Iri yosola, an yik kaginggal-e, nagawan koreyak woraso ondoro iri na bem enggendumu-ge Lomba Wam Marik mendak kagi-o. Nde, mendak worala, untugup worak mende empat ereya na min enne kulugwi nap ereya na min-nen at iri na lop lop worak kagi-o. Nde, Lomba Wam Marik iri-ge abu wiridnak nggal irit kagi-o. Nde, at iri anggul ambo na tuju, erengen na tuju-nen yusu-o. Nde, anggul ambo tuju min erengen tuju min iri-ge Mbal Pem Nagawan indi tuju yi wi ndi wi oboksa wirik pidnak indi iri-net yusu-o.

NAM PARA WENE 8:2

Iri rak puruk, yik kaginggal-e, Mbal Pem Nagawan eram mendak woragwi aid nap tuju iri eneyagi-o. Nde, it iri-ge posid poba tuju wok indij-o.